حريتي

٣٥

لو مااشوفهن تلث لفات جان كلت ماشافني
اووف نظره وحده ماباوعلي ساعه اكول حقه ساعه اكول ليش هيج قاسي وين وعوده وعهوده
كله تبخر بغلطه مو مقصوده نسه كلشي وعاقبني عليه

سمعت زينب تحجي ويا فديو وتبجي وهو يكله حالته ستقرت مابي شي وهيه مامصدكه
ثاني يوم ماداومنه بقينه بالقسم والطرق تسددت وعلكه وخاصتا الخميس والجمعه كل العالم تطلع فبغداد نسد الطرق ماكدرنه ننزل والبنات علمودي ماراحن لبيت عمهن هو اجه العصر عليهن جايب مسواك وغراض الي وصنه عليهن وراح

كتلهم ليش مارحتوا ويا اني شكو عليه ابقه هنا قابل وحدي بالقسم

زهراء كالت لا منريد موبس علمودج هناك ماخذ راحتي

ستمرت المظاهرات والدوام صار خرط نداوم بس اول درس وكله تطلع واحنه هم نتفق بمكان ونطلع سوه بس منتأخر بتحذير شديد منه أكثر شي نبقه لثنتين احمد صار زين وتحسن وضعه

سوو مخيمات وكله جودرت بساحة التحرير بحيث الجو ثلج ومحد يقبل يرجع للبيت الشباب تكفلوا بالموضوع كام يلمون تبرعات من كلشي فراشات وبطانيات ومواد وكلشي وكلمن صار مخيمه عباره عن بيت

مره تفقوا الطلاب الي عنده موهبة رسم للنفق
البنات الي ويانه وافقوا واحنه شاركنه وياهم علينه المواد ونساعدهم بالرسم

ثاني يوم جمعنه وبدينه نبلش كل مجموعه اخذت مربع تفقوا عله رسمه وطنيه وبدوا يرسمون واحنه لو نظف لو نساعدهم بنقل المواد خلص اللون الأبيض دزوني اجيب من الباقين رحت يامجموعه اساله ماعدهم مشيت مسافه جان اكو مجموعه بنات ولد طلبت منهم طاني ولد قوطيه بس ضل يباوع كال
انتِ طالبه
ليش تسال
لا هيج اكول يباوع للعبايه
عفته ورحت لمجموعتنه أساعدهم شويه وشفت نفس الولد جاي يمنه يباوعلنه من بعيد درت وجهي عنه كملنه شغلنه جابوا غده كعدنه عله جهه البنات بالمخيم او الجادر يسموا دك موبايل زهراء اسمعه تحجي كالت لا جابولنه غده ستونه دناكل كله طلعيلي كامت وبيده الموبايل تحجي ويا طبتلنه بيده اكل مبتسمه كالت اجتي تعزيزات فتحن الاكل البنات الي ويانه مكيفات كالن اي خلصنه من التمن والقيمه جان داز برياني وعليه دجاج باوعتله بسؤال البنات هم سالن كالت هذا عمو هم ويه المتظاهرين قريب علينه باوعتله مستغربه
من شوكت
من البدايه
رفعت حاجبي هيه هم عود ليش سالين او شيأثر عليه جاي تحاربني اي موضوع يتعلق بي مجيبه لان تدري كلبي يفرفح على خبر منه بس خبيثه
كملنه وتصلنه بالسايق رجعنه ثاني يوم مارحت لان بدت عدي آلام الشهريه فضليت نايمه الوج وذكر هو اذا موجود شلون يداريني نايمه بمكاني ومتكرفصه اكلب بالموبايل وأباوع عله صوره أقره شكاتب أقره بالتعليقات لشويه نشره فديو جديد
شلون صايره اشتباكات بينهم وبين الشغب والشباب توكع ويركضون وكله تصيح وضجه
ويصيح ضرب حي جاي يضربون علينه ضرب حي
الله اكبر تخبلت والفديو مو واضح وصوتيات وتتكلبت الصوره وخلص الفديو نشف دمي خاف صار شي تصلت على زهراء مترد اتصلت على زينب مترد
القلق اكلني لساعه ماكو اي شي