حريتي
فاطمة العامري ✍️
اسمع بس اصوات جسمي ميتحرك اصبعي ماكدر احركه احسس عبالك حاطين عليه ثكل
الم بطني قوي عيوني متنفتح اريد انطق ماكدر بس اسمع اصوات وفرزنهه شويه شويه فتهمت الحجي صوت شيماء اختي وماعرف منو يمهه يمكن الممرضه تكلب بيه وتخلي العلاج وتحجي ويه شيماء ماعرف عن شنو بعدين سألته
ليش ماصحت
لا ماكو شي تصحه ليضل بالكم بعده اثر البنج
شوكت يعني
يجوز منا لساعه
زين شلون شكالت الطبيبه
هسه تجي وساليه
راحت الممرضه كمت كوه افتح بعيني فتحته مغوشه حركت اصابيعي شافتني اجت يمي
ها شهد شلونج
كوه اشرتله
تردين شي مي
اشرتله باي
خلتت ايده جوه راسي وشربتني مي كوه بللت شفايفي وكوه حجيت
شصار
اخذت نفس وخلت الكلاص عله الميز الي يمي وجاوبت
كولي شنو ماصار
ليش كولي شصار ابوي شلونه
هسه همج ابوج
عفيه شيماء اني كارهه نفسي وحقكم ادري بس كولي ابوي بي شي كوه الفظ الكلمات
اووف تخربط ودينا كالوا بدايت جلطه
شهكت
مو قليل الي صار
امي وين
بقت يمه
خواني احجي ودموعي تنزل بهدوء
حيدر هنا واكف بره وستار بقه يم اهلي شوفي خاف يجون يحققون وياج لتحجين
هزيت راسي واحس دموعي حاره عله خدي
تباوعلي بقهر وابعد عيوني اصلا خجلانه من روحي نفتح الباب دخلت خاله ام حسام من شفتهه نهضمت وماكدر اباوع بعينه
اجت باستني وتحمدتلي عله السلامه وعيونه كله عتب واني ادير بعيوني عنه كالت
ماعرف شكلج ياخاله اعتب عليج لو عله ابني الي خجلنه ويه اهلج انه لو ادري انتي الرايدج جان مصار الي صار اجيت وخطبتج بس مادري
شيماء كالت شنو الصار بالضبط هو كلكم عليه
لا بس كال خطبولي اريد اتزوج ضحكنه عله عقله كلنه بعده طفل سادس مامخلصه كناله عود من تتخرج انه ادري يدك بينه هيج دكه
العتب مو بس عليه عله اختي هم وباوعتلي بغضب
ليش هيج خاله ليش ماكلتي
خاله والله اني مادري هو صح اني غلطانه من ساسي الراسي بس عبالي شخص صدك يريدني ويحبني
يريدج ويحبج؟ خو يجي يتقدملج مو من وره اهلج ترحين
اي خاله صح ماعرف وين عقلي جان
شيماء كالت هذا مو عذر نوب دارت وجه لخاله وكالت وهسه وينه هو
ضربت ايد بيد راح خاله راح ماخلينه عليه ندور سود وجوهنه من طلع من قسم الشرطه ويه ابو شرد وغلق مبايله طينه خبر لأصدقائه كلهم كنالهم منسويله شي بس خلي يرد حته نحل الموضوع ماكو يومين تالي امس اجانه صديقه كال هو اجاكم البارحه ومن سمع البنيه ضربوهه سجينه شرد وهسه حته احنه مندي بي وين
أنت تقرأ
حريتي
Storie d'amoreقسوة الاهل من باب الخوف يؤدي إلى ضياع او انكسار الطفل ادعموا اطفالكم وراقبوهم من بعيد اشرحوا لهم حرصكم لا تعاملوهم كأنهم عبيد اجعلوا لهم باب للوصال بينكم لا تجعلوا كلامكم اوامر بل اجعلوه طلب وترجي واطلبوا اشياء سهله لا تصعبوا الامور فتنقلب عليكم ...
