حريتي💕
فاطمة العامري ✍️
هذا الأسبوع خاله ناويه عليه او بالأحرى ناويه علينه ماتركتلي فرصه لا تخليني اكعد بغرفتي لا اخذ راحتي حكمت حكم واني اماشيهه لان كمت اتصرف طبيعي لان ماكو مفر طول النهار هو موجود كلسى مطلعتله شغله تعال صلح هاي سوي هاي جيب ذيج وتصحيلي تعاي اوكفي ساعدي وثنينه ماشيه ومغلسين اول يوم
كلتله قفل باب البيت نكسر صلحه وراها السخان متكدس ومسدود نظفه الخلاط مال الحمام الجوه هم السبالت يرادلهن تنظيف ماخلت كلسى شغله ودزني ورى واني اروح وارجع عود رحت مرات اشوفه اذا راد شي اجيبله
البنات يجن يوم كامل يترسن البيت يصخرن لعمهن ويسولفن ويا زهراء تحجيله عله الكليه ويكله مريلي من اجيكم عدهه ماده مو زينه بيه كله اني احجي ويه الدكتور اعرفه سال زينب اذا مافاهمه شي هو يدرسه ومن هالحجي
نوب زهراء كالت
عمو سويت البطاقه مالتي راح انتخب
اي صلوات تأهلتي
اي عيوني تسوي مثل مرت كروشتي نوب كلتله تأهلت قانونيآ و عيد ميلادي قبل يومين وانت ماجبتلي هديه
ههه اجيبلج عمي شنو رأيج بلكزز
لا عيني غير روسرايز ماريد
ايباه هجم بيتج هاي هم تعرفيه
هههه شعبالك غير اني مافيك بس اذا فراري عادي اقبلهه
اني بس اتفرج شقاهم وضحكم وميانتهم حلوه جنت مااكعد وياهم من يجي طلع يعرف يضحك ويسولف ماشاء الله نوب اجتي فطومه ويه عمو حسام وام زهراء وبقوا للعشه وخاله كالت نشوي بره عمو حسام كام يشيش وهو ويا يشون وخاله كلسى تصخرني الهم والبنات يضحكن من رجعت كرصت زينب متكومن تصخرن لعمجن زهراء كالت مو رجلج انتي ترحيله
طبكن ويه خاله اني اروح وارجع ساكته وهو هم بس عله كد الشغل ويحجي ويه اخو تعشينه واحله كعده اني والبنات وخاله وام زهراء وهمه ويه جدو
ثاني يوم خاله هم طلعتنه شغله كلتله الثريات بدلهن بذنيج الفوك كله ليش كالت ذنيج احله وتغير لصاله
نفذ اكيد واني خبصتني جيبي الدرج هو يكله اني اجيبه تكله لا باوعلي واشر بايده عود جيبي وهو يفتح بالعده مال الكهربائيات من لا جاره رحت جبته اخذه وصعد نزل الفوك وخلاهن بالصاله
وجاب الدرج حط جوه الثريات
خله الدرنفيس والبلايس بجيوبه مال التراك كلتله
لا خلي شهد تلزملك ثنينه صفنه عليه
اني جنت امسح بالثريات بقت تباوعنه ماعاجبه وراحت صعد الدرج فتح البراغي وفلت الوايرات نزلهن طانياهن خذتهن منه خليتهن عله جهه ونطيته الي مسحتهن اخذهن وعلكه وشكل الكهرباء كال علكي علكت ماشتغلت كال طفي طفيت طلع الكلوب حركه كال محروك طانيا كال شوفيل اكو كلوبات جدد رحت ذبيته وسالت خاله كالت لا ماكو من يطلع خلي يشتري رحت كتله هز راسه نقل الدرج لجهه الثانيه ونفس الشي نزل القديمه خذته منه وطيته الثانيه علكه كال علكي علكت كال هذا يشتغل نزل اخذ الثريات وصعد رحت للمطبخ جانت تكلم باميه كالت كمل كتله اي اخذهن فوك يعلكهن كالت
أنت تقرأ
حريتي
Romanceقسوة الاهل من باب الخوف يؤدي إلى ضياع او انكسار الطفل ادعموا اطفالكم وراقبوهم من بعيد اشرحوا لهم حرصكم لا تعاملوهم كأنهم عبيد اجعلوا لهم باب للوصال بينكم لا تجعلوا كلامكم اوامر بل اجعلوه طلب وترجي واطلبوا اشياء سهله لا تصعبوا الامور فتنقلب عليكم ...
