حريتي

العاشر

حريتي💔
فاطمة العامري ✍️

اجت سند يمي وتحجيلي عله اهلي شكد ماجنت مشتاقه الهم شكد ما من حجتلي وتذكرت قهرهم كلت الحمد لله خلصت
ذاك طاس وذاك الحمام نفس القهر والضيم
حته ميسئلون عليه ولا يردوني اروحلهم ولا اني اريد

طبعا سند ماعرفت ليش راحوا لبغداد ماكتلهه ولا يهمني حته لو عرفوا اصلا هذا الشي متوقع
صح عبالهم زواجنه حقيقي بس اني مو اختياره بس جان الصدمه لكرايبهم من عرفوا خطب شحجيلكم من وصل الخبر هو خاطب اجو فزعه وره مااجو من بغداد هوَ مااجه كايل عندي شغل
خواته الكبار اجن وعماته وشتغل الكال والكلت عله ابو اذا يريد يزوج ليش ماخطب من كرابته وشتغلت رحمة الله تحجيلي زهراء عله معجباته
بت عمه ساره ثالث كليه تكول من جانت تجي تحير شسوي حته تجره و من سمعته بزاوجكم ماتت قهر حته مااجت للعرس وهسه الله ليعلم شسوت ونسرين بت عمته الجبيره ام جواد سادس ادبي راسبه سنتين وهم مرغله روحه حته بناتهن صايره حساسيات اني صافنه عليه من تحجيلي
واكول شدعوه كاتلات روحن عليه اشو عصبي ومغرور وشايف نفسه اصلا متكبر فززتني زهراء من صفنتي

هييي الووو وتأشر بيده كدام وجهي

بتسمت وكتله لا ماكو شي شبيج

اني شبيه لو انتي صافنه عله الجول

ههه ياجول ولج

انه ادري احاجيج وانتي مدولغه

لا عادي بس اكول شعجب ساحلات روحن عليه

ايباه طبعا يسحلن روحن ليش اكو مثل شخصيته وشكله وهيبته وشهادته بس شنسوي يطي جوز للماعنده سنون

شنو قصدج زهراء انتي اكثر وحده تعرفين الوضع

ولج شعرف خايبه انسي الماضي صار رجلج وعمو كل البنات تتمنى كسبي وانتي حلوه ماقاصره بس هتمي بروحج شويه اكلي سمني يحضي راح يزوج ويطير من ايدج

يا أكول صارلج ساعه تحجين بمعجباته نيالي هزيت ايدي و خذت نفس من كلبي كتله
مستحييل مافكر بي اصلا تدرين شتمنه

امم شتتمنين وحطت ايده جوه خده متذمره

ضحكت عله حركته وكملت كلام واني سرحانه بمستقبلي المجهول الي راسمته بمخيلتي كتله
احلم اكمل دراستي واروح كليه قانون

يا ليش قانون انتي اذا كملتي ترحين طب حي عله الصلاه

ههه لا ماريد عندي حلم واريد احقق

يا حرامات ترحين قانون

هههههههه هسه مو عله اساس اني نجحت من السادس وبيدنه الانسيابيه وجاي نكتب ونقرر

كلشي يصير اني راح ابقه اتوسل لعمو تكملين ويانه حته لو منزلي تقرين وبعدين تمتحنين خارجي

خذت نفس عميق من كل كلبي وكتله انشاء الله اجت زينب كالت

يا لسه كاعدات كومن بيبي تصيحكم تكول راح نصب تعالن ويانه وعماتي هم سألن عليكم