حريتي

٣٨

مر هذا الأسبوع كله واني يمهم اتصل بأهلي اطمنهم مرات حيدر يمرلي للباب يجيب مسواك مرات امي 

خاله شويه تحسنت بس بقه نتأكد من نسويله مسحه
جدو نفس وضعه وسام يجينه كل يومين يجيب مسواك ويشوف امه ويروح ومرات يبات

احضرله ملابسه وأغسل القديمات وكله من بعيد
ماريده اتعبه أكثر من اشوف نظرات الحيره
الاستغراب بعيونه  انقهر أكثر عليه ماريد اتعبه أكثر ابتعد عنه  واخذ موقف نوب ارجع واحجي واسولف ولا كنو صار شي شنو ذنبه كافي عليه الشعور بالذنب خلال هاي الاربع أشهر

ماريد أمله وانسحب مره لاخ بس صار الي زاد الطين بله 💔

زينب تصلت وعزمتني عله العرس استغربت بس كالت لازم نقدمه  لان جدو حالته صعبه خايفين عليه ثانيآ الوضع الأمني مو تمام فراح يسوا بالبيت َالتأخير ميفيدهم يخافون الأوضاع تبقه هيج
او تصير اسوء كالوا نسوي  بيناتنه

كتله اسأل اهلي مو اكيد ضاجت وكالت ازعل هو بس انتوا ولحت عليه

حاجيت خاله كالت روحي شلون تعوفين صديقتج وحده وهم غيري جو  كتله
لعد اروح لأهلي ارتب وجهي وتحضر وارج باجر
كالت روحي بس خابري رجلج

سكتت وماعرف شنو وضعنه شنو بالضبط بس بما انو اني بيته هسه لازم انطي خبر

دزيت رساله وكتبتله على الوضع بس كال

على راحتج

حقه شيريد يكتب واحنه لا بالجنه ولا بالنار
خابرت حيدر اجاني كملت شغلاتي وحفيت وغيرت لون شعري هاي اول مناسبه احضر بيه يمهم لازم اكون مرتبه وبدلاتي كلهن هناك

ويه ما رجعني حيدر سألني بالطريق على سيف استغربت وخفت وكتله

ليش تسأل شكو

ماكو شي بس ذيج المره من اجيتج جان طالع من بيت حسام شفته من بعيد

اي شسويله

يعني هو رجع للبيت

لا بس من جان جدو مريض اجه شافه وسام طرده وماقبل يطب بعد

خو ماسمعج حجايه شي   باوعلي مركز بعيوني

بلعت ريكي لا ماكو شي شعليه بيه

بس اسال خاف يتعرضلج شهد بس طيني خبر

باوعتله كتله
حيدر  لا سامح الله حته لو تعرضلي ماكدر احجي

ليش  بعصبيه

لان بكل بساطه تكتله

ههه كل عقلج. ميسوه أوصخ ايدي ودخل سجن من ورى   بس ازوعه العافيه اني رايده من الله على الله يسمعج حجايه وحده خاف مالكفته قبل وسكتت علمود السيد هالمره اله اكسر رجلي ثنينهن وخلي يزحف زحوف

لا ماكو شي مالي علاقه بي ابد

شهد ماريد تخافين اني اعرف اتصرف هاي اخر مره اكلج احجيلي ولتخافين