حريتي💕
فاطمه العامري ✍️
مرة عمي كالت
شهد عمه ابن عمج عامر يريدج وراح نخطبج من ابوج شدكولين
صفنت عليه فاتحه حلكي كتله رأسن
لا عمه اني ويني وين الزواج بعدني صغيره مو عيب عليج عمه شنو هذا الحجي
يا شنو صغيره بكدج يزوجن وشحلاتهن
أخافن ماتردين ابني
اي هو ثنينهن
شهكت وخلت ايده عله صدره وكالت
ياعشتوا ماتريدينه ذاك الطول وذالك العر.. وسكتت نوب كالت وذاك الشكل وذيج العيون وتعيب عليه وتعوج بحلكه وتهز بيده ودارت وجهه
اني بكلبي اكول تمدح بي وهو جنه سلبوح سيان طويل ورفيع وخبل تريد تورطه بزواج بعده عشرين ماصاير والله يالله
وره ماراحوا سمعت اهلي يحجون بالموضوع همزين جانوا مامقتنعين ابويه اصلا عنده مشكله ويه عمامي من جنت بعدني مامولوده
من جان بالعسكريه ويه جدو ابو حسام سيد محمد يشكيله من الوضع جان كلما يروح بأجازه يلكه العرك بين نسوان الحمه والجهال جانوا عنده بس ستار وحيدر وشيماء ويبسطوهم ومره كسروا ايد ستار فصارت عركه للظالين وجان يكول شورهم بيد نسوانهم فأبوي زعل وبعدين ابو الي هو جدي نطا نص حصته وشتره هاي الكاع من ابو لجدو محمد ابو حسام سيد ناصر الله يرحمه بوكته جان محتاج فأبنه كله صديقي يريد كاع وخذه ابويه وبنالنه هذا البيت البسيط
فبتعد عن اهله بس جدي جان يجينه وبعدين صرت اني وسند ومشت السنين وجدي
قبل ميموت صالح ابوي بعمامي بس بقت العلاقه مو قويه مراد يكسر بخاطر جدي
وهسه زعلو بيت عمي جبار لان رفضنه عامر ابنه بحجت صغيره وابويه كال هسه يزوجوا ونخلص
مر شهر تقريبا والبنات بعد مااجن بس خاله ام حسام تمر علينه كعدتت كباله ولزمت ايدهه
خاله عفيه شبيهن البنات ليش بعد ميجن بتسمت ولزمت خدي كرصتني وكالت
يقرن حبيبه بس تجي العطله اجيبهن دنكت الدمعه تلالي بعيني تنهدت وكالت
راح اروح للزياره متجين وياي وباوعت لامي وكالت
ما ترحون ام ستار وياي تزورين وتاخذين البنات
امي هزت ايده وكالت
يا خيه معوكين يخلونه نزور مالنه طلعه
ليش الزياره هم مريوده
مايرضون انه هنا ازورن البنات يقرلي وتوجه وندعي جا شسوي اله بالسنه مره وفد لسوك عله الضروري
باوعتلي دكدكت عله جتفي وكالت
الله كريم حبيبتي لتضوجين انه راح احجي ويه السيد يحاجي ابوج ادري يريد خاطره
تنهدت وكمت اجتي خالتي ثاني يوم نوب الثانيه اسمعه تحجي ويه امي عله ابنه العنتين لعبت نفسي امي تصيحلي اساعدهم بالغده كلسه اوكع شي لو اكسر شي حته تضوج مني بس محاولاتي بائسه
تضحك خالتي وتكول فدوه ساعه تكول نازكه ساعه تكول بعده صغيره اني اعلمه
أنت تقرأ
حريتي
Romanceقسوة الاهل من باب الخوف يؤدي إلى ضياع او انكسار الطفل ادعموا اطفالكم وراقبوهم من بعيد اشرحوا لهم حرصكم لا تعاملوهم كأنهم عبيد اجعلوا لهم باب للوصال بينكم لا تجعلوا كلامكم اوامر بل اجعلوه طلب وترجي واطلبوا اشياء سهله لا تصعبوا الامور فتنقلب عليكم ...
