حريتي💕
فاطمة العامري ✍️
قبل لنطلع ابويه وصه امي انو منطلع من منطقتنه مشي لان راح تاخذ منه ايام وليالي فكال تصعدون سياره واخر مكان يذبكم قريب عله الامام نزلوا امشوا وديري بالج عله البنات
ولاضلون تسلفون ويه عالم متعرفوهم ولا تبطأون بالمشي ولا ولا... وضل يوصي اله ان وصلونه للكراج لسيارات كربلاء صعدنه ونطلقنه ذبونه بخان النص ونشوف حشود الزوار تارسه الشارع وسماعات القرايات والمواكب اني بس افر براسي اول مره اشوف بعيني جنت بس بالتلفزيون اشوفه لزمتني امي وبدت بالتوصيات
تمشين يمنه تلزمين وحده من البنات سوالف ماريد مشي بثكل عينج ليكدام ضحك وشقه ممنوع واني بس اهز براسي وشايله جنطنتي ام الكتافيات صفح ولابسه العبايه اجتي ام حسام طلعت وصل علوكه كبار مكتوب عليه ياحسين شدتهن عله جتافنه اربعتنه احنه البنات وهم وصتنه مشينه اني وزهراء وسند وزينب وامي وام حسام ورانه وسيف كدامنه بكم خطوه ونطلقنه بكل وجبة اكل نكعد بموكب او عله جهه ونضل نسولف
وشويه يبدي التبسبس والتصنيف والتكركر مالنه وخاصتآ سيف حييل سوالفه تضحك وماكو شي ميصنف عليه وحنه بس نضحك جنه طالعين ونسه مو زياره وماخلصت من خزرات امي طبعا اسكت شويه وارجع اندمج بتنه أول ليله بالطريق وكملنه مشي ثاني يوم وره اذان الفجر الريوك مالذه وطاب تريكنه وكملنه مشي تعبنه بس كلش مستمتعين وعدنه قوه وحييل مو طبيعي بنص الزوار ونسمع الي جاي من البصره وناصريه وعماره وكل محافظاتنه مشي يزيدنه قوه كلما نحجي ويه عائله بالطريق او من نرتاح امي تخزرني اعوفهم
قريب منوصل من الامام تجددت طاقتنه وماصدكين شفنه الكبه نريد نركض الحمد لله وصلنه بس شنو كلش صار زدحام امي شدتنه بحبل بأيده اني وسند وام حسام والبنات وسيف وحد
تواعدنه مكان وكلمن دخل يزور زياره وصلاه
حييل طولنه لان زدحام كوه طلعنه نتظرناهم تأخروا بعدين اجو طلعوا متيهينه مدري احنه متيهيهم المهم بتنه بالمواكب وثاني يوم رحنه لسوك وشترينه صوغات وحلويات وشغلات هوايه ورجعنه للبيوتنه تعبنه بس اكو طاقه وتجدد وراحه نفسيه فضيعه ذبيت غراضي بالغرفه ولزمنه سره للحمام غسلت ورحت للفراش مشتاقه لفراشي وميته تعب ماعرف شكد نمت كعدت عله صوت امي
شهد كومي يمه صار المغرب شكد نمتي
كعدت اتمطه مكسره ورجليه مورمه بيه بطباطات افرك برجليه اتلفت بالغرفه دايخه عدلت شعري شفت الجنطه مالتي عله حطتته كمت طلعت الملابس حته اغسلهن وشغلات الماخذتهن كمت ارتب شفت ضوه يرمش من جيب الجنطه مديت ايدي وانصدم بموبايل صامت بس يرمش ضوه بدون صوت رقم شايلته ومصدومه مالمن شجابه يمي نشف ريكي خفت وكمت اتلفت رحت سديت الباب وسركيته باب غرفتي حديد وكعدت عله فراشي والموبايل بيدي شلت وخليته عله اذاني بدون مااحجي سمعت
الووو الوووو
اني بس صافنه وبكلبي اكول منو هذا نوب كال
الووو شهد؟
فتحت عيوني خترعت سديته شنو هاي
بقيت صافنه شسوي
لا رحت وديته لاهلي ولا كسرته ولا جاوبت بس صافنه سمعت الباب سند تريد تدخل ضميته جوه الكنتور وفتحتله الباب وطلعت اغسل بالي مشدوهه وره العشه رجعت طلعته من مكانه شفت كومه مكالمات لم يرد عليها ونفس الرقم فتحته رسائل هم اكو قريت اول رساله
شهد جاوبي
عندي حجي وياج
من تفرغين بس سمعيني حته لو متحجين
جانت الساعه بالعشره اجت سند فرشت ونامت واني هم تمددت كلنا نام من وكت عشره ونص الكل نايم اني ضليت لازمته جوه البطانيه الى اني رمش خترعت فتحته وخليته عله اذاني بدون ماانطق سمعت
أنت تقرأ
حريتي
Romanceقسوة الاهل من باب الخوف يؤدي إلى ضياع او انكسار الطفل ادعموا اطفالكم وراقبوهم من بعيد اشرحوا لهم حرصكم لا تعاملوهم كأنهم عبيد اجعلوا لهم باب للوصال بينكم لا تجعلوا كلامكم اوامر بل اجعلوه طلب وترجي واطلبوا اشياء سهله لا تصعبوا الامور فتنقلب عليكم ...
