حب❤بعد◀️الزواج💍 الجزء 1 (كاملة)

❕حلقة 23❕

لينا تهدر :
طلعنا نرقدو زدنا gسرنا شوية حنا البنات في شمبرة مام جماعة الليسي و السيام كانو قاعدين معاناا(بنات خااوتي توحشتهم موالفين فالدار ندورو غير كيف كيف كي جينا هنا تبدل البروgرام)بداو يطفاو بالوحدة و قعدت انا نخمم في هدرة مريم ليوم واش قاتي لبست جيلي طويل و خيمار وطلعت للسطح .
سندت روحي علا وين يطلو و بقيت ساارحة نخمم في حياتي يعني لوكان نرفض طلب مريم مع انو انا ماراحش نرفض بالصح الخدمة تاعي تفرض هاد الشيء قعدت ندي و نجيب ماعلاباليش شحال و قررت نقبل بالعرض تاع مريم و نزيد نشوف معا المدير تاعي يشوفلي اصلا مانيش حابة نتخيل واش يصرا لوكان نقول لمريم لالا باينة تزعف و ايدا سمعو لافامي تااان يديرو حااالة surtout مااما ............ . و انا لست جاهزة لكل هذه الحالااات سمعت لحس درت مورايا لقيت ادهم طلع اوووووه شيييت مازالو نايض هادا و اصلا ماشي gاااع الوقت تاع نتلقا بيه دنيت للباب باش نهبط مازالني شافيتلو واش دار و واش قال لن انسى  بسهولة😉.شدني من يدي و قال :اسناي نسحقك.
عودت وليت شوية للور و خزرت في يدو اللي شادة يدي فاق نسف و حاها ومشا جيهة وين كنت انا قعدت ثواني في بلاصتي و وليت لعندو قابلتو و كتفت يديا :انعم واش تحتاج .
ادهم: هدرت معاك يما ليوم🤨.
انا:(ماشي قاتلي حتا واحد ماعلابالو 🙄😒اييه بصح حابسا هوا تان معني بالامر 😬)   امم هدرت معايا .
ادهم: اييه واش قررتي... احمم يعني 😑قبلتي و لا  نو.
لينا :مازال ماخممتش مليح و مام كي انا نقرر لازم رأي والديا هوا الصح.
ادهم: علابالي.... بصح انا نقلك ايدا قبلتي و كتب ربي و تزوجنا ماراح تنقصك حتا حاجة و راح تكوني بكامل حقوقك ماشي  كي زواج تقليدي و لا فروصي ماعلاباليش واش تسميه معنتها راح نحرمك من كاش حاجة نو و ديجا راكي بنت خالتي و اي حاجة تقيسك تقيسني و ايدا ماقبلتيش حياتك و انتي حرة فيها و انشاء الله تلقاي اللي يساعدك.
لينا عجبتني هدرتو يعني انا درت في بالي بللي فورصي عليه و راح يكونو بيناتنا مشاكل بالصح علا حساب واش راهو يهدر نو و ايدا هوا ماحرمنيش من حقوقي (لالا غير يسي😒🙄) انا تان ماراحش نحرمو من حقوقو و راح نكونو زوجين كيما gاع الناس يعني 👈👉
خزرت فيه تبسمتلو و هدرت :مام انا ماش راح نحرمك و راح نحتارمك كزوج ليا.... القرار راح تسمعو من عند خالتي راح نخبرها و هيا تقولك ......تصبح بخير 🌉.
ادهم: ونتي من اهلو مشيت شوية خارجة من السطح حتا سمعتو قالي :اسمحيلي على الخطرة اللي فاتت هدرت هكاك كي كنت مقلق و مام هوما كانو يهدرو عليك كي كنتي فالبالكون تصوري
تبسمت تبسيمة خفيفة  و درت ليه ريبونديت : السماح مام انا اسمحلي ماعرفتش السبة تاع واش صرا عطيت ردة فعل بلا مانفهم..... و كملت طريقي هبطت للشومبرة نحيت الجيلي و الخيمار حطيت تيليفوني📱 يتشارجا 🔌و رقدت غدوا لازم نروح للمركز نهدر معاهم باش نرد لخبر لمريومة