حب❤بعد◀️الزواج💍 الجزء 1 (كاملة)

❕حلقة 44❕

وفات السهرة و البنات ينغزو في لينا و هيا ترد عليهم قريب رجعت روحها بالجوف باش تسكتهم المهم ولاو لدارهم رقدو ديراكت كانو عيانين.
💋💋💋💋💋💋بعد 3 ايام💋💋💋💋💋💋
ماصرا والو من غير التحضيرات للعرس اللي راهو يقرب و جات ايلا و سعد الله من شهر البصل خلاص التصديرة و حوايج لينا (جهازها) واجدين و حتا من كوارطها باش تطلع واجدين لأنو نهار فطور العروسة يروحو تسما يرحو يودعو والديهم و يفطرو و العشية يروحو .
اليوم لحنة عند العريس و عند العروسة
عند لينا :
واقفة قدام لمراية نشوف في روحي لابسا قفطان للحنة دركا راهم يعشو فالناس و اومبعد السهرة تاع النساء جابولي تعشيت هنا انا و راحو كنت غايسة حتى سمعت ال📱 تاعي يصوني لقيتها ريهام تعيط ابال فيديو رديت.
ريهام : اهلا بالعروسة.
لينا روشتلها بيدها : اهلين كيفاش الاحوال.
ريهام :cv رانا معا الجري.
لينا : مام هوما راهم يجرو هنا و انا قاعدة شحال حالة ياختي.
ريهام : هههههه باينة اي واحد يحب يرتاح.
سمعت ريهام ادهم يعيط:رييهااام.
ريهام : وشنووو......كانت تهدر معاه بلا ماكوبات معا لينا.
ادهم : ارواحي شوفي شكون هاذي اديها عليا راهي تتعوجلي من الصباح هنا .
مشاتلو ريهام و دورت الكاميرا ليه بلا مايفيق باش تقدر تشوفو لينا و هوا لالا.
ريهام : خير شكون هادي .
لينا سمعت هدرتو كرييززااات حابة تعرف شكون هاذي اللي راهي تتعوج قدامو .
شافت ريهام بللي طفلة صغيرة : ياا عمري لينا حبوبتي واش بيك .
ادهم : لينااا؟؟
ريهام : ايه بنت عمتي ليندة (عمتهم الصغيرة )
ادهم : اااا علابيها شفتها معاها موقبيل.
ريهام ،: ايه.......دورت وجها للتيليفون : pardon لينا خليتك هكاك.
لينا (الكبيرة) : normal اا ريهام شكون لينا.
ريهام : غرتي😉 طفلة عمرها 5سنين بنت عمتي.
لينا : ااااااc'est bon .
ادهم : راكي تهدري معا لينا؟
ريهام : ايه علاش .
ادهم : والو خلاص هيا ادي الطفلة ليماها راني خارج انا .
ريهام : ok
لينا : هيا ريهام اومبعد نعاودلك راهم يعيطولي.
ريهام : ok bye bonne soirée.
كوبات لينا عليها و قعدت تدور فالشمبرة حتا واحد ماعيطلها حبت تعرف علاش ماسقساش عليها و كي علابالو للي appel video ماجاش يشوفها قعدت تدي و تجيب فالافكار داخل راسها حتا تفتحت الباب دخلو خواتاهتا......ميرا : هيا يالالة تهبطي هيا.
ليليا : يا ربي راح نموووت ولشنو هاذ الغاشي راكي سلكتي نتي غير تتصدري حنا لي هبلنا دوك تخلفيهانا في عراسنا راني هدرت انا من دوك.
لينا : جيتو تهبطوني و لا تشتكو هيا هيا.
رفدت البوشات تاعها حطت فيها 📱 رشت بارفان شافت روحها فالمراية كنضرة اخيرة و هبطت معا خواتاتها.... فالjardinوين كانو قاعدين النسا و مغطي عليهم بالباش باش مايبانوش تبدل لغنا جاء تاع ترحيب بالعروس ^الصلااة و السلااام علاا رسول الله هاديك الغنية^ و دخلت لينا معا خواتاتها يمشو موراها شدين الشموع و البنات الصغار موراهم تان يرمو فالحلوة كل وحدة فيهم شادة طبق دارت لينا علا الjardin و مشات قعدت في مكانها المخصص و النسا يشطحو مروبليناها ف la piste طلعت اميرة لعند لينا معا خواتاتها دخلوها معاهم باش تشطح شطحت شوية و لات لبلاصتها زادو شوية و جات مانها حناتلها و مام العازبات حناو دارو حرقوس تسما طلعو معا لبنات اللي يرسمو للفوق باش يكونو مرتاحين.....نفس اللشي صار عند العريس شطيح و رديح و حنا و عشا الحالة قايمة قاعدة😁 بصح دايمن الحساد من بعيد يخزرو و يخططو باش يحبسو العرس هاذا لوكان جا في يدهم سلاح راهم تيراو علا لينا ب10 رصاصات