حب❤بعد◀️الزواج💍 الجزء 1 (كاملة)

❕الحلقة53❕

🌅🌄🌅🌄 اصبحنا و اصبح الملك لله 🌅🌄🌅🌄
بدات لينا تتقلب صباح حتى فطنت دارت لقات ادهم راقد قعدت تكحل شوية حتا بلا ماتفيق بدات تمس في اللحية تاعو و تلعب بيها حتا فاقت لروحها واش راهي ناضت تجري تضرب فجبينها لوكان ناض و شافها واش كانت دير توجهت للgarde robe حكمت la valise تاعها جبدت pyjama وحدوخرا داتها للدوش دارت روتينها بدلت و خرجت لقاتو مزال راقد شافت الساعة لقاتها 6:15 تسما مازال باش ينوض راحت للكوزينة طيبت حليب و حطت gاطو من اللي جاب لبارح فالطابلة معا فرماج و توست ،confitur، زبدة و كلش المهم واش لقات حطت شوية شوية راحت صلات معا كملت خرج ادهم من la chambre يحك في عينيه من النعاس بصح نكان غاسل وجهو.
لينا : صباح الخير.
ادهم : صباح النور......رانا ناشطين اليوم.
لينا : انا ديما ناشطة غير ايدا كنت عيانة مانوضش.....ارواح تستقهوى.
مشات هيا للطابلة جا ادهم قعد مقابلها سرباتلو حليب استقهواو كيف كيف ناض هوا يبدل و هي رفدت الطابلة و غسلت فاش كلاو خرج ادهم من الشمبرة لابس calssique سروالو مع chemise بيضاء راح تطرطق على لحمو شاد في يدو مفاتحو يدور فيهم و البارفان تاعو دوخها للينا اللي مبلgة عينيها فيه.
ادهم : راني رايح نجي قبل الفطور نخرجو نفطرو برا.
لينا : nn نطيب لفطور هنا نفطرو و نروحو .
ادهم : ok كيما تحبي مشا جيهة الباب و لينا موراه دنا ليها باسها من جبينها و خرج.
غلقت لينا موراه الباب و حطت يدها على جبينها تتحسس في مكان البوسة و تتبسم بعدت على الباب راحت شافت واش كاين قضيان فالدار باش دير حسابها واش تطيب حبت دير gratin لقات باللي كاين اللوازم باش تطيب راحت للشمبرة باش تنحي الحوايج من les valises و حطهم فالخزانة بدات بحوايجها كانو مطبقين و مربوطين بحاشية تسما عاودت ستفتهم مليح برك شافت la valise اللي وجدوها لليلة العرس تفكرت باللي مازال مامسهاش و علابالها بللي هوا ماراحش يدوموندي منها ديراكت تسما قالت بالاك فالليل نلبس و هوا يفهم قبل ماتجيها مادام غوج كملت حوايجها راحت لحوايج ادهم تسgم فيهم و تشم في ريحتو اللي هبلتها 🤪 صونا تيليفونها appel video راحت تشوف شكون لقات ريهام تعيط ريpوندات تهدر و تخدم في شغلها.
لينا: صباح الخيير.
ريهام : صباح الورد يا عروسة كيفاش cv؟
لينا : cv hmd w ntouma
ريهام : لاباس الحمد لله راني نشوف فيك معا الحوايج بعدا نهارك اللول ياطفلة..... وين راهو راجلك.
لينا : راح يطل على الخدمة قيسما نكمل الحوايج هاذو و نخرجو ندورو.
ريهام : اياامليح حسبتلي هرب و خلاك حاصلة معا الشغل.
لينا : هههههه لالا انا قتلو نخرجو لعشية بسك ماشي كل خطرة نحوس على الحوايج ف les valises و هوا يشوف خدمتو باش اومبعد يكون libre.
ريهام : مليح ابروفيتي حنونة مادامك جديدة و وحدك اعصريلو القراص شوية في عينيه😉 ماتطلقيلوش.
لينا : ههههههههه راكي تحرشي فيا علا خوك!!
ريهام : ماشي غير هوا خويا حتا نتي ختي هيا انا نخليك معا شغلك و سرعولنا عملية كاش بيبي ماتطولوش هيا باي .
كوبات تجري علا لينا علابالها تدير حالة .
دورت لينا راسها يائسة من هاذ العبدة كملت الحوايج خملت البونك و الشومبرة كامل و خرجت رايحة للكوزينة تبدا فطورها بدات بالباطاطا قشرت و قطعت استغربت بأدهم واش لباطاطا لعندو و هوا ياكل معا يماه المهم دارتها تتقلى راحت للviande achée طيباتو فصوص حمرة 🍅 و بيشاميل ستفتهم فالpلا و حطاتو يطيب
غسلت الماعن اللي طيبت فيهم جوزت نشاف على جال الزيت(جزائرية😜 نديرلكم حاجة صح ماشي هاديك اللي تطلع للخارج تنسى كلش) سgمت الطابلة و راحت قعدت فالsalon بالpc تاعها تخدم و خلاتو يطيب و كل شوية تطل عليه
سمعت الحس تاع المفاتح كان ادهم اللي دخل
ادهم : السلام عليكم
لينا : و عليم السلام
قعدت كيما كانت جا سلملها على راسها (عادة هايلة😍) و قعد قدامها يشوف واش تدير : راكي معا الخدمة .
لينا : امممم les emails.
حطت الpc فجيهة و ناضت تشوف الgratin لقاتو طاب نحاتو من الfour داتو للطابلة راحت تلم دوزانها تاع الخدمة خباتهم شافت ادهم مرجع راسو للور (حاطو على الدهر تاع الفوتاي) و حاط صباعتيه علا عينيه سكتت سكتت و هدرت : خدمت بزااف راك تبان بللي عيان.
ادهم : اممممم درت على l'usine.
راحت لينا تمشي بلعقل موراه بدات تديرلو مساج في كتافو و مزيرة على عينيها و فمها حاشمة (من اين اتت الجرأة😮) نحا ادهم يديه من عينيه يتبسم على الjeste تاعها و اهتمامها دارتلو مساج واحد ال 5دقايق و نحات يديها قاتلو هيا روح اغسل وبدل حوايجك ارواح نفطرو قبل مايبرد.
ناض ادهم غسل و بدل و جا يفطر.