حب❤بعد◀️الزواج💍 الجزء 1 (كاملة)

❕الحلقة 67❕

تفكرت بللي سلفت الطاجين من تحت وللت قالت : ادهم عيشك نديرلك خبزة كسرة و شوية تشكتشوكة هبطهم لتحت.
ادهم : ok وجديهم دوك نهبطهم.
ناضت للتشكتشوكة دارتلها البيض جاتها تشهي عمرت طبسي حطاتو في سنيوة معا gورسة كسرة ( خبزة كسرة كاملة) عيطتلو جا هبط السنيوة. قابلو امير فالكولواغ رايح للsalle à manger : اووو عشنا و شفنا ادهم مهبط سنيوة من دارو
ادهم : 😒😒 علاه
امير : تزوجت و ولات مرتك طيب و تهبطلنا نذوقو بصح نقولك حاجة و الله غير مرتك خير من هذوك الزوج جامي لا هبطو طبسي
ادهم : يما ارواحي دي عليا الهجالة هاذي اللي هنا
مشا للsalonحط السنيوة امير يجري موراه يحوس يدي morceau كسرة جا ادم يجري عنق ادهم من رجليه : خالو توحستك
رفدو ادهم يبوس فيه : حتى انا توحشتك يا روح خالك
ادم : où est nina
سمعاتو ريهام ناضت تعيط : اااادم واش قلنا
ادم : désolé غلق فمو 🤭 بيديه اسمحيلي مامي
ادهم : راهي لفوق
ادم : نجي معاك نشوفها
ادهم : ايه ارواح دوكا راني طالع انا
ريهام : وين رايح
ادهم : مطلعو معايا خليه
ريهام : يا خويا المرا راهي عيانة مالصباح خدامة تزيد تقعد تجري مور ادم دوكا خلي غدوا و يشوفها ياك مايقراش
بدا ادم يدمع : مامي s'il te plaît
ادهم : خليه ادم عاقل مايقباحش....يا خالو هيا
ريهام : ok بصح هبطو بكري
ادهم : ااا ماشكيتش يهبط خليه يبات عندي
ريهام : ااا لالا لعبتوهالي هكا معلييش ايه و قول للينا يعطيك الصحة
كمل ادهم طلع يضحك عليها خلاها مكريزية موراه
وصل للدار دخل لقا لينا توجد فالطابلة.
ادم : نينا راني جييت.
لينا : ياعمري حبووبي جا لعندي
هبط من عند ادهم و راح يجري ليها عنقها.
جبد ادهم كورسي قعد و قعدت لينا و حطت ادم في حجرها عطاتو ياكل معاها كملو ماكلة على قسرة ادم و الضحك معاه لمت الطابلة غسلت لماعن بسيف و راحت بدلت حوايجها و لحقتهم للفراش فالشمبرة كانو مكسلين يتفرجو ميكيات و ادهم يدغدغ في ادم مرة على مرة و يضحكو صونا ال📱 تاع لينا عطاهولها ادهم كان قدامو لقاتها ليليا.
ليليا : bnsoir cv
لينا : bonsoir cv الحمد لله و نتوما
ليليا : الحمد لله واش وين راكي
لينا : لفوق في داري عيانة ليوم ماهبطتش
ليليا  : ايه حقا درتي فالشركة و l'usine كاش جديد.
لينا: oui لقيت سلعة ناقصة و لازم نشوفو معا اللي يجيبها donc نسنا حتا يطلع اسلام و يدبر راسو هوا
ليليا: ok المهم راهم لحقو les informations الللي كنا نستناو فيهم دوك نبعتهملك.
لينا : ok نبعت جماعة هوما يحققو فواش صرا بسك ماني قادرة ندير والو انا هوما يجيبولي كلش هنا و انا نشوف.
ليليا : bien sur ديري اللي يريحك هيا املا bonne nuit سالي علا خالتي و ريهام و ادهم و لجماعة لوخرة لتم
لينا :  انشاء الله يبلغ مام نتي سالي عليهم لتما و بوسيلي ايمن و لميس قوليلهم راني حالفة فيكم ماحوستوش gاع عليا.
ليليا : هههههه انشاء الله هيا باي باي.
كوpات عليها ناضت حطت popcorn يطيب و جبدت chocolat عمرت الطباسا مليح و ولات لla chambre
طفات الضوء و قالت لادهم يدير ال film تاع maman j'ai raté l'avion فyoutube حطت التبناج فالوسط عند ادم و قعدو يتفرجو و يضحكو على هادوك الزوج الرجال اللي هبلهم kivin حتى رقد ادم و هيا قالت لادهم يخرج يجيبلو couche  و pyjama من شمبرتو لبستلو
و غطاوه في وسطهم رقدو معنقين بعضاهم كامل.