حب❤بعد◀️الزواج💍 الجزء 1 (كاملة)

❕ الحلقة 81❕

دارت لينا كي سمعتها لعند ندى بنت كمال : ندى ma chérie كاين فليطوxس؟؟ ايدا كاين جيبيلي عيشك حبيبتي بسك الدبان و الناموس دارو حالة هنا مافهمتش كيفاش حملتو تقعدو في وسطو
ضحكو اللي كانو لتم  عاودت دارت عند رندة قرحتلها : اسمعي بقالك le maximum ليوم فالليل و طبقي منا خلي الواحد يرفق على الحيوان كشما يربح حسنات و ماتدوريش جيهتي بسك ديjا يدي راهي ترجف حابة تدير كاشeffort.
ناضت رندة من pلاصتها رافدة يديها تشالي بيهم تخوف في لينا راح تضربها : اووو نتي ماتحشميش كاش واحد يهدر هكا معا الضيف ديjا سكتلك البارح بزااف c'est trop.
لينا : اييي نقسي حسك و حطي رجليك فالماء يبردو خيرمن نقطعهملك و الان راني ساكة ماتخليش يمات الجن اللي فيا يخرج😡
نطقت ماريا من هيك بنبرة تخوف : ايي رندة هبطي يديك تشوفي خير من تخسريهم ماعندكش بزاف من للي نحيتي لpلاتغ غير ايدا راكي حابتهم يتنحاو من pلاصتهم قولي راني هنا و مالقيتش واش ندير
لينا : هيا bonne nuit انا نطلع نرقد .
دخلت لدارها لقات الضواوي شاعلين مشات للشمبرة سمعت الماء فالدوش ادهم راهو لتم رفدت حوايجها بدلت غير كملت سمعت الباب تفتح خرج ادهم بشورت و سربيتة ينشف في شعرو كي العادة رفدت لينا الpc تاعها و خرجت خرج ادهم موراها يتبع فيها مشنف راحت قعدت و شعلت 💻 دخلت للemail اللي بعتو lion و ادهم كان قدامها.
لينا : وش كاين لاه عاقد حواجبك
ادهم : وااالو غير مزوج بوحدة تروح لدار خوها بلا ماتهدر باش كي نجي انا فالليل مانلقاهاش فالدار حاجة normal لالا؟؟!
لينا: امم normal w كنت عند خويا توحشتو و عندي des problèmes في داري ماشي اي واحد يسمع وين نروح و وين نجي
تقلق ادهم من معاملتها الباردة مسح على وجهو و استغفر شحال من مرة : انا اللي غلطت ياك خلاص مانزيدش نهدر و ايدا على الخرية هاذيك ماراح نزيد نعاود لحتى واحد الله لا امنتو (صدقتو) و حتى منك نتي يعطيك الصحة قتلك شحال من خطرة ماتأمنيش كامل واش يفتو عليك بصح والو نتي merci
قعدت لينا ساكتة و مخلياتو يخرج اللي في قلبو هيا امناتو تقريبا بسك كانو قادرين يديرولو مهلوس ماشي غير منوم لازم قبل تنحي الشك مام هيا مادابيها (راهي حابة ) تعيش حياتها لاباس بيها و ادهم معلبالوش بللي كاين روح منو و منها راهي في كرشها للان ماعرفتش la réaction تاعو.
كملت شافت المعلومات اللي جاوها غلقت الpc و ناضت للعشاء حبت تاكل بطاطا بالبيض راحت طيبت قعدت باش تاكل بصح تفكرت ادهم نسفت و ناضت للشمبرة لقاتو راقد و التاقة مفتوحة راحت غلقتها بسك هداوين دوش خافت يمرض دارت شافت جيهتو لقات وجهو احمرر و يتنفس بالسييف جرات مست جبهتو (جبينو) لقات الحمة طالعة نحاتلو لغطا و مست يديه رقبتو كييف كييف يغللي
نطقت لينا بصوت خافت و حنين تهدر : ادهم....ادهم...راك تسمع فيا
دارلها ادهم : اممم
لينا : هيا نوض تعاود تدوش تشرب دوا باش تفطن و تبرا شوية راك تغلي
ماردش دارلها برك لالا براسو
مسحت على شعرها و خرجت تحوسلو على كاش دوا مالقاتش راحت طلت عليه لقاتو راقد لبست روبة طويلة باليدين زادت خيمار و هبطت لتحت دخلت للsalon وجهها مخطوف لقات ايهم قاعد يgسر  عيطتلو
لينا : ايييهم