حب❤بعد◀️الزواج💍 الجزء 1 (كاملة)

❕حلقة 31❕

دخلو النساء وحدهم و الرجال وحدهم.
ضيفوهم و استقبلزهم احسن استقبال كي دخلو و gسرو شوية قالتلهم مانو (جدة ادهم تاع باباه) : ايه وين راهي عروستنا، جيبولي مرت حفيدي الزينة نشوفها.
طلعت ليليا و ميرا يجيبوها دخلو عندها لقاوها رايحة مولية فالشمبرة تدور .
ليليا: اهه يا الشجاعة و الكاريزما راحت راحو فالماء.
لينا: في دالتك تشوفي😒😉.
ميرا: هيا هيا اهبطي حابين يشوفو عروستها.
دارت لينا شهيييق زفيييير و هبطت معاهم راحو للكوزينة دات السنيوة تاع القهوة و خواتاتها جابو الgاطو موراها وقفت فالباب تاع الsalonسمات بالله قرات دعاء صغير و دخلت.
غير دخلت بداو يسمو : بسم الله ماشاء الله تبارك الرحمن
حطت السنيوة سلمت عليها لينا كااامل(مام نسا خوالها جاو) جات تقعد قدام يماها عيطتلها جدة ادهم ارواحي بنتي عندي ارواحي راحت قعدت بينها و بين مريم مهبطة راسها وجها راااح يطرطقق مالحشمة☺😳 بدات تسقسي فيها جداه بلعقل و تgسر معاها تنحيلها فالخوف استراحت لينا شوية و تفاهمو شوية و جا اسلام قاللها يدخل يدير الخاتم دخل ادهم اللي كان لابس chemise blanc و سروال تاع costume فالbleu nuit دنا جيهة لينا :السلام عليكم.
لينا : وعليكم السلام😳.
شافها ادهم كيفاش وجها رايح يطرطق مالحشمة قالها: راكي sur نتي لينا مابدلوكش.
لينا :اهه علاش .
ادهم : باسكو اللي راهي قدامي دكا ماشي هيا اللي صرعت الراجل فالضلمة..راكي شابة 😍
ضحكت لينا ضحكة خفيفة (هيا راهي حاشما باسكو ماشي موالفا تكون قدامو بلا خيمار 🧕🏻) عطاتلو ريهام الخاتم طلعت لينا يدها دارها الخاتم و هيا تان دارتلو و قلعو الزغااريت دايرين حالا دنا ادهم سلم علا راسها و همسلها في وذنها مبروك😉
لينا : سلمك.
جاو يباركولهم كامل لينا دارت الخيمار باش يدخلو خاوتو و عمومو دخلو تصورو كلاو باتيسري و خرجو الرجال ماهدروش معا بعضاهم العرسان🥺 زادو شوية و راحو طلعت لينا بدلت حوايجها  ونحات الماكياج و هبطت تعونهم يلمو الحالة 🧹....تعشاو و طلعت لفوق
معا خواتاتها و سيرين (قتلكم proche بزاف لعماتها)
راحو هوما لولين ميرا قاتلهم نروح للشمبرتي دقيقة و نجي سبقوها هوما و سيرين تسوطي فرحانة لعمتها و تضحك راحو سطالاو رواحهم فالشمبرة فيلم و pop corn و سقليط قدامهم حتا دخلت ميرا تمشي بالمقلوب
عاطيتهم بالضهر و تولي للور قالتلهم: في رايكم واش جبت و شكون عطاهالي.
ليليا : طابلية تاع طبيب  عطاهالك الشاف تاعك فالخدمة🙄.
ميرا : سااااامطة😒😑...... المهم لينا  غمضي عينيك.
لينا : بركاي مالجياحة راح يبدا الفيلم.
ميرا : قتلك غمضي عينيييك .
غمضو عينيهم البنات و راحت قدام لينا و قالتها : نحطلك حاجا فوق حجرك بااالاكي تتحركي و لا تفتحي عينيك  راني قلت .
لينا : روحي برك.
حطتلها هاديك الحاجا فوق حجرها و قالت: 1....2....3
افتحيييي. غير فتحت لينا عينيها حطت يدها على فمها عجبتها بزاف ...لقات box تاع شيكولا و ورد معا هيا تمووت علا الشيكولا حكمت لينا من خدودها تبوس و تعاود يعمري علا طبيبة تاعي خلاتني ناكل chocolaaat.
ميرا: مارانيش حابا نخيبلك امَلُكِ🙄 بصح احمم ماشي انا اللي جبتها.
لينا : بصح نتي اللي دخلتيها دوكا المهم شكون جابها اسلام و لا papaو ماما شكووون؟؟
ميرا : ادهم راجلك عطاهالي كي دخل موقبيل و قالي هادي لختك😉.
سيرين : الزوج الرومانسي 😁لينشوة نجي نعيش عندك بالاك تصحلي ناكل chocolat كل يوم 🤲🏻.
لبنات : هههههههه علاش ماراناش نشرولك.
سيرين : nnراكو تشرولي بصح ماشي في box هكا.
فتحت لينا البوكس اللي كان باين مالداخل واش فيه باسكو الغطا تاعو شفاف لقات الشيكولا فيه جيهة و الورد الاحمر في جيهة و ورقة صغيرة فالوسط جبدتها نقرا

😍😍😍😍😍😍😍😍😍😍😍😍😍😍😍😍
واش مكتوب فالورقة؟؟؟