حب❤بعد◀️الزواج💍 الجزء 1 (كاملة)

❕الحلقة 82❕

خزر فيها ايهم دارتلو بيدها تاع ارواح ناض جا ليها
ايهم : خير ختي كشما تسحقي
لينا: تعيش خويا ايدا تجي معايا ندو ادهم لطبيبيجوز بسك طلعتلو الحمى ماعنديش دوا فالدار.
ايهم : bien sur ختي ابسي حوايجك و عيطلي نهبطو معاك علابالي كي يمرض كيفاش يولي.
لينا : ok كي نكمل نعيطلك
طلعت هيا لدارها تجري و ايهم طلع يبدل هوا تان.
دخلت للبيت لقاتو كيما خلاتو جبدت حجاب لبست دارت خيمارها رفدتلو  تريكو و survette و زادتلو veste خشينة راحت للبونك وين راهو نحاتلو لغطا سيات تنوضو بلعقل والو ولات طلعتو شوية قيسما تلبسلو لبستلوالتريكو من فوق معا la veste تاع الsurvette السروال حارت كيفاش تلبسهولو حشمت دنات ليه نحاتلو الشورت (تاع رقاد كيشغل برميدة ايدا تعرفوها ماشي sous vettement) لقاتو لابس من تحت تسما سلامات لبستلو السروال و خرجت للcouloir عيطت لايهم دخل نوضو و هيا زادتلو vestte خشينة من فوق رفدت 📱و 💳 في porte feuille طفات الضواوي خلات غبر وحدة غلقت الباب و عاونت ايهم هبطوه و هوا مافايق بوالو تقلقت عليه بزاف بصح ايهم قاللها موالف يصرالو هكا و يريح بالدواء مع الوقت.
هبطو لتحت مالقاو حتا واحد فالcouloir خرجو ديراكت مام هيا ماشي حابة تسمع gاع الغاشي راهي مسؤولة عليه من نهار تزوجاتو ركبت ادهم من قدام معا ايهد اللي يسوق و رقدتلو الكوسانة شوية و ركبت هيا من لور (الوراء=الخلف).......المهم داون للسبيطار جوزلو عطاولو دوا و قالولها تعاون بسريتة معا ماء بارد شرالو ايهم الدواء زعما لينا راحت تعطيلو la carte boncaire تاعها ماحبش يشد قاللها هادا خويا قبل مايلي راجلك المهم . . . رجعوه للدار لقاوهم طلعو كل واحد لبيتو ماكانش الحس طلعوه للدار خرج ايهم غلقت موراه الباب داتو لla chambre نحاتلو الحوايج من فوق علاجال الحمى و السخانة ديjا السخانة فالدار الchauffage شاعل نحات حوايجها هيا لبست روpة تاع رقاد قصيرة
راحت على سعدها مسكينة للكوزينة طيب la soupe دارتلو قيس ليوم و غدوا عمرتلو bol في سنيوة معا jus d'orange معا دواه داتهم الشمبرة حطتهم فوق la table de nuit و دنات ليه بعدتلو الغطا شوية قعداتو و هدرت  : ادهم كول شوية برك باش تشرب الدواء.
فتح عينيه شوية و هدر بالسييف (ماشي قادر )
ادهم : م..مماشي كنت..كنتي مشنفة عليا...ماكالاه تديري...هكا مانسحقش شفقة .
خزرت فيه كيفاش يهدر بالسيف و هدرت
لينا : مانشفقش على راجلي كيما نتا مسؤول عليا انا تان مسؤولة عليك😌.
قعدت قدامو و رفدت السنيوة حطتها في حجرها رفدت ال🥄 توكللو بالشوية عطاتلو دواه جات توقف شدها ادهم من يدها : اق..اقعدي معايا
لينا : دقيقة ندي السنيوة نتعشا و نجي
دارلها براسو ايه
خرجت دات السنيوة سخنت ماكلتها كلات منها شوية برك راحتلها الشهوة تاعها برك نحات الجوع غسلت ماعنها راحت للsalle de bain غسلت فمها نحات الشوشو تاع شعرها بسك وجعها و راحت للشمبرة لقاتو دابر يدو على عينيه يحجب فالضوء تاع الtv طفات كلش خلات غير الvieuse شاعلة دخلت قدامو فالفراش حسبتلها راهو راقد هيا غير قعدت هو جبدها لعندو عنقها حست بنفس تاعو في رقبتها لحمها تشوك كي راهم متضاربين توحشاتو كيشغل عام ماشافتو ماقعدت معاه حكم يديها دورهم على ضهرو و عينيه مافتحهمش زادت هيا دنات ليه دخالت راسها في صدرو دوكا صح غلب عليها لوحم ريحتو راهي مهبلتها.