حب❤بعد◀️الزواج💍 الجزء 1 (كاملة)

❕حلقة 37❕

ميساج من عند ^حلالي^ دخلت ليه لقيت:
bonne nuit و bon voyage
تروح و تولي بخير انشاء الله و كي توصل طمني.
ادهم تبسم مليح راهي تفكراتو
كتبلها : mrc , bonne nuit
حط التيليفون و رقد.
عند لينا:
كملنا لماعن انا و ليليا طلعنا كل وحدة لشمبرتها بدل دوشت صليت رحت نحكم بلاصتي لقيت شعري مزال شوية مشمخ حكمت السربيتة نعاود نشفو صونا تيليفوني skype لقيتها ميرا حنا كانت عدنا الساعة 22 و هي 4تاع صباح  استغربت منها هادي وشبيها زبت ريبونديت جاني صوتها.
ميرا :bonne soir😊.
لينا :bonjour يابنتي تخلطلك الوقت بيناتنا ماراكيش في دزاير شبيك.
ميرا : علابالي بصح والفت الوقت تاعكم كي جيت تسما مازالني بيه.
لينا : ماراكيش تروحي تقراي سافيك.
ميرا: nn مهبولة مانغيبش انا عيب.
لينا : ايه باسكو خلعتيني من لي كنتي صغيرة جامي زارطيتي ماشكيتش دوكا تزارطي ☹.
ميرا: 😒😒انا مجتهدة ماشي كيما نتوما😏🙄.
لينا : باين🤨 المهم ياخي cv.
ميرا : cv hmdlh و نتوما كيفاش عندكم...ونتي مازال مابديتيش تجهزي.
لينا : مازاالل هاد سمانة نخدم اومبعد نبدا نشري علا جيه .
ميرا : كيما يساعدك بصح انا بالاك حتا اللسمانة الاخيرة باش نجي علاحساب القراية هنا.
لينا : راكي قريب تقوليلي نجي مور العرس😒.
ميرا: هههه بالاك🙄 ايه كيف حال زوجك كشما راكي تهدري معاه و لا ناشفة.
لينا : لاباس ليوم كنت معاه خرجنا باش نتفاهمو زعمااا سقساني علا السكنة و القش قالي كي نروح لتم راني نصورلك وخيري لعفايس nécessaire و مور لعرس انشاء الله كي نطلعو لتم نزيدو نكملو... و غدوا هوا راهو طالع لفرنسا معا ايهم و امير.
ميرا : مليح ربي يتمم لكم علاخير و انشاء الله تتفاهمو معا بعضاكم بشوية بشوية حتا توالفو بقيتيه علا خير و لا كي صحراء ماعندكش كلمات تعبيرية .
لينا : كي حطني فالدار بقيتو علا خير و بركاي ماتزيدي عليها.... اييه حقا شفتي لboxلي جابهولي الخطرة اللي فاتت جاب واحد صغير لسيرين .
ميرا : ابعتيلو msgدوكا يا الحابسة au moin يعرف بللي راكي متفكرتيه ...... و الكلبة تاع سيرين دارت لافار المهم ديري واش قتلك ابعتيلو دوكا قبل مايرقد ومام ايدا رقد غدوا يشوفو d'acors هايا باي جاني نعاس نروح نرقد يعود يهرب.
لينا: ok bye bonne nuit au lieu de bonjour مالا.
كوبات عليها هبطت لأدم لقاتو راقد معا ايمن في بيتو رفداتو طلعاتو لشمبرتها حطاتو فالفراش غطاتو حكمت بلاصة قدامو باش ترقد بصح تفكرت هدرة ميرا : ^^ابعتيلو msgدوكا يا الحابسة au moin يعرف بللي راكي متفكرتيه^^ حكمت 📱 قعدت ندخل ونخر ندخل و نخرج ااااااف تلفتلي gاع كتبلتو :
Bonne nuit و bon voyage
تروح و تولي بخير انشاء الله و كي توصل طمني.
شوية   ربوندالي : mrc , bonne nuit .
حطيت ال📱طفيت الvيوز 🪔💡 عنقت ادم ورقدت غدوا خدامة صباح ادم نديه معايا نخاف يضارب معا ايمن .
🌄🌅🌄🌅 اصبحنا و اصبح الملك لله 🌄🌅🌄🌅
عند اسلام مسكين على 3:30 خرج من الدار على 4:00 ديمارا لدار جدو وصل 4:30 من تم رفدهم ديراكت للمطار وصلو 4:55 ماشي بعيد بزاف ودعهم قعد  كونفيرما باللي الطيارة قلعت .....6:15  راح للدار باش يرقد باسكو مايقدرش يخدم هكا مازالو نعسان وصل 6:50 لدارهم لقاهم فالدار نايضين من غير الصغار بانلو غير ادم اووو طفل وش نوضو دوكا : لينا علاه نوضتي الطفل خليه يرقد.
ادم : ستكيتلك انا ستكيتلك؟؟! (اشتكيتلك انا اشتكيتلك؟؟!)...nn مالا ماتدخلس روحك (ماتدخلش روحك)
اسلام : 😲😯😯😯😨.
الجميع: 😳😯😯😯😯.
لينا حكماتو لينا باستو في خدودو : ياعملي
(يا عمري )الزين تاعي عسسل🍯 دارت لاسلام : نخدم ليوم نديه معايا يكسرلهم  لتم راسهم شوية و نجي.
اسلام : ديرو واش تحبو انا اصلا ماكانش لازم ندخل روحي دارلهم تاع خيطتو.
حكمت لينا فنجانها تشرب فالحليب و طلعت عينيها لاسلام : ايه حقا وين كنت هامل داخل درك للدار .
اسلام : هااامل......نايض على 3 تاع الصباح باش نوصل راجلك للمطار معا خاوتو قالو هامل....انا راني طالع نرقد بالاكو تنوضوني.
لينا : ويييين 10 تكون معايا عدنا اجتماع و لوكان ماتجيش انسا خلاص الشهر هادا.
اسلام كان طالع فالدروج دارلها بالعرض البطيء تمتم بفمو : ااااااااااا.....دارلها تاع راح نبكي 😢😭.
دارلو ادم من هيك بحواجبو يطلع و يهبط فيهم يغزل فيه.
لينا : هيا ادومتي نروحو هيا