حب❤بعد◀️الزواج💍 الجزء 1 (كاملة)

❕الحلقة 71❕

دوش ادهم صلى و هبط لتحت اما البنات كملو وجدو العشا حطو تعشاو كيف كيف غسلو لماعن و راحو يسهرو les jeunes filles طلعو للسطح مام les jeunes معاهم قالك يgسرو هوما موالفين هكا طول السهرة لعبو action/vérité طاحت لعماد معا ادهم
عماد : كيفاش تعرفت علا مرتك و تحبها و لا نن
ادهم دارلو😒 : نموت علا les question تاعك علابالك نتا تعرفت عليها في دار جدي و هيا l'oxigene تاعي بلا بيها مانعيشش حكم يد لينا و باسها.
ندى كانة قدام لينا دنات عندها مليح و هدرت : يااعمريي عمي ولا رومنسي😍سجِل يا تاريخ
قرصتها لينا من خدها و ضحكت صونا ال📱 appel video فالgroupe تاع خواتاتها معا اسلام قالت لادهم نهدر معاهم و نجي ناضت بعدت شوية على الحس و ريpوندات.
لينا : bonsoiirr
اسلام : و علييكم السلاام واش الاخت فلاشاوك
لينا : ههههه لالا...كيفاش cv
اسلام و ليليا : cv hmdh و نتيا
لينا : الحمد لله وين راهي الصغيرة
ليليا : قالت خارجة نشري معا صحاباتي علابيها ماشافتش l'appel......ايه وشنو الحس اللي قدامك ، ماراكيش فالدار؟؟
لينا : nn راني فالدار جاو la famille تاع ادهم
اسلام : gااع نسا و رجال؟؟
لينا : اممم
ليليا : ظهرو هوما تان يديرو الزردات حسبتلي غير حنا😁.
اسلام : الاخت غير اهربي نتي وراجلك خير من توقفي ليل و نهار فالكوزينة و هو جيبو يفرغ
لينا : ههههههههه هادو ماشي كيما جماعتنا لوكان شفتهم كي جاو كيفاش انا حسبتلي la mafia تاع الروس les voitures الله الله و كامل فالnoir يعني الله يبارك
ليليا : لينا قومي بتحقيقاتك بالاك تكوني في وسط black gang ولا casanostra
لينا : هههههه لالا علابالي.....وين راهم الصغار هاذوك مامش يبانو
اسلام : في ديورهم ماهبطوش راهم يوجدو لقرايتهم زعما
لينا هدرت بغصة تاع بكا : توحشتكم 🥺
ليليا : مام حنا يا روحي🤗
لينا كي شافت دموعها راح يطيحو قاتلهم : هيا باي ابي غدوا انشاء الله
ليليا : باي باي سلمي عليهم لتما كامل
لينا : يبلغ bonne nuit و بعتتلهم بوسة 😘 بيدها
كوpات دارت تطل مالbalcon هبطو دموعها هي صح قوية و يخافو منها فالخدمة و كلش بصح تقعد فيها لينا الصغيرة اللي تحب عايلتها و تتوحشهم كي تكون بعيدة عليهم حست بيد تحطت على كتافها مسحت دوعها و دارت لقات ماريا موراها تبسمت في وسط دموعها
ماريا : ماصحتلناش الفرصة نتعرفو انا ماريا بنت عم ريهام الوسطاني
لينا : و انا لينا مرت وليد عمك
ماريا : و عميلة تان😉
لينا : هههه oui راكي عرفتي مام نتي نن؟
ماريا : امم نخدم معاهم و نخدم في pلاصة وحدوخرة نايعرفوهاش هوما
لينا : معليش ربي يعاونك
ماريا : mrc نتي تان.... ايه توحشتي داركم؟؟
لينا : ايه صح موالفة نبعد عليهم بصح خدمة برك و نولي
ماريا: معليش مع الوقت توالفي و دارت جيهة وين كانو قاعدين صفرت دارو كامل جيهتها مستغربين من التصفار
روشت لادهم بيدها تاع ارواح ناض رايح جيهتها مشات رايحة عندو حبست قدامو : شوف مرتك كانت تبكي
و كملت طريقها لعند لجماعة اما ادهم راح يزرب لعند لينا حاوط وجها بيديه يجوز في صباعتيه علا خدودها يتحسس في دموعها : لينا عاود ولالك(عاود جاك؟)الوجع
راح يجبدها من يدها شداتو : لالا ماولاش لوجع برك كنت نهدر معا ليليا و اسلام توحشتهم هاذا ما كان.
جبدها لعندو معنقها و مزير عليها بقا يمسح علا دهرها : خلاص هيا نهبطو لدار لتحت
مشات معاه لينا جازو علا الجماعة : هيا تصبحو بخير
Les jeunes hommes معا البنات العاقلين : تصبحو بخير
اما شيرار و جماعتها قعدو مبلgين عينيهم فيهم و surtout كي كان شادها يمشيها معاه.