حب❤بعد◀️الزواج💍 الجزء 1 (كاملة)

❕الحلقة 70❕

لقاتهم كامل لتحت قاعدين فالsalon دات السنيوة اللي هبطتها  للكوزينة و راحت قعدت معاهم طاحت عينها في عين مريم دارتلها بيدها راكي top ليوم يدوخو🤣 شوية و عيطلهم العساس اللي فالباب قال راهم وصلو خرجو لعند الباب باش يستقبلوهم لقاو ال🚗🚙 مستفين كامل فالnoir موكب تاع مافيا كيشغول و لحقهم 🏍 بداو يخرجو من🚗🚙 تاوعهم الجدة هيا الاولى موراها ولادها و لعرايس باش ولاد ولادها كبست لينا على 📱 في يدها تقدمو سلمو عليهم حتا حناكهم طارو هبطت ماريا (تاع الخطرة اللي فاتت)هيا من الmoto تمشي وحدها ماشي معا جماعة البنات الزواااخااات اللي كانو يمشو و يتمايلو قدام ولاد عمومهم و كاين وحدوخرين عاقلين كانو يمشو مهبطين ريسانهم
دخلوهم للsalon قعدو كامل كيف كيف مخلطين بسك البنات راهم ساترين😌 لينا كانت حاسة روحها محط الانظار بسك هيا الجديدة اللي في وسطهم كي تهدر تخمم 100مرة قبل ماتخرج الكلمة من فمها 14:10 دخلو اولاد مريم لينا كي شافت ادهم عينيها برقو راح يسلكها au moin شوية من الاسئلة تاوعهم علا شهر العسل و الخدمة و كيفاش راهم متفاهمين ولا انو...... هاذاوين عرفت بللي عندو الحق علا واش كان يهدر سلمو عليهم و سلمو على يماهم و ريهام جا ادهم باش يقعد قدام لينا طبس باسها في راسها كي موالف و قعد لينا من داخل قلبها دار زررردة زكارة فيهم بصح حشمت قدام الكبار😳
كي قعد دار ليها : cv شوية دوكا راحتلك الحالة تاع موقبيل؟؟
لينا : ايه الحمد لله
ناضو لينا و ريهام معا ندى بنت كمال(خو ادهم الكبيير في عمرها 16 سنة) سيرباولهم jus و gazeuz معا الbiscuit roulé  و قعدو.
الجدة : ايه ابنتي ياك ادهم راهو مليح معاك ماخصك والو...راني قتلك المرة اللي فاتت كشما يديرلك عيطيلي 😉.
لينا : عيشك ماني الحمد لله
زادو شوية و ناضو مالين الدار من غير مريم باش يطيبو لعشا طلعت لينا لدارها لفوق طيب souflé و مونشو مع ندى تعاونها و لوخرين تقاسمو خدمتهم التحت دارو شربة مثوم معا واش طيبت لينا و فريت للدراري صغار.
دخلت ملاك ، ماريا و 3 بنات يحوسو يعاونوهم قالولهم كلش واجد برك نعسوه يطيب
طلع ادهم لدار لفوق لقا لينا معا ندى
ندى : عمو هذاوين عرفت علاش ادم يضل لاسق فيها واقيل نسرقلك مرتك شوية😅
ادهم : ههههه خص غير نتي ماسرقتيهاش انا راني نتلاقا غير بيها من ليل لليل
لينا : كملو اقسموني كيما تحبو 🙂عادي
عنقتها ندى بسك كانت قدامها : الله غالب نتي حلووة😍
ادهم : ايي اايي مرتي هاذيك روحي دبري وحدوخرة و ديريها صحبتك
دخل للشمبرة جات لينا موراه راحت تجبدلو حوايج جا عنقها من ورا و دورها لعندو يفرق فالبوسات في وجها و يهدر : راني حاير كي مزالك pièce وحدة  انا قلت نلقاك détaché
لينا : علااه
ادهم : الغيورين هادوك لتحت مادارولك والو
لينا : لحد الساعة والو افعال بصح الهدرة و الاسئلة ربي يستر منهم هادا النهار الاول برك.
ادهم : هاكي فهمتيني واش قتلك صباح مالا....هبلتيهم  و حبيتي تهبليني معاهم اا كي دخلت شفتك شعرة و نخطفك من عندهم 😍راكي تهبلي حلالي
تبسمتلو لينا و طلعت باستو من خدو حطتلو الحوايج بين يديه و هربت : خليت الطفلة وحدها نروح نكمل شغلي اومبعد