حب❤بعد◀️الزواج💍 الجزء 1 (كاملة)

❕حلقة 45❕

👰👰👰👰👰👰يوم💍العرس 🤵🤵🤵🤵🤵🤵
ناضت لينا صباح بكري 5 هي اللولة دارت في دارهم ماخلات حتا بلاصة و عاودت حيات الذكريات و مانهدروش على الدموع اللي كانو في عينيها راح تغدر دارهم و تروح لدار وحدوخرة عباد جدد حياة جديدة مسؤولية و تاني تغادر البلاد بالكامل كملت دوتها الاخيرة علا دارهم راحتت للكوزينة بدات تطيب فالحليب و توجد فالسنيوات و الطباسا تاع الgاطو اللي راح يحطوهم بسك راهم عندهم عمومهم و لافامي كامل....
كملت الطياب و التسgام عمرت ليها كاس و حبات gاط داتهم و راحت للjardin تشرب قهوتها فالكالم كانت غايسة فالشجر حتى حست بيدين غمضولها عينيها.
لينا : اسلااام.
اسلام: فقتيلي يا لالة 😄صباح النور
لينا: صبتح الخير علاه كاين وحدوخرة عندو هاذ الطبيعة من غيرك نتا
اسلام: اييه في هادي صح....قعد قدامها وجبدها لعندو حاضنها :شبيها فاش تخمم.
لينا : والو برك راني خارجا من الدار اما هاذ الخطرة ماشي mission و لا خارجة  نهائيا راح نتوحشكم بزاف🥺.
ليليا : اووو المواقف المؤثرة بين الاخت و اخوها الصغير.
فتحتلها لينا يدها خلاتلها بلاصة : و انتي الصامطة صباح لخير .
ميرا : good morning😊.
اسلام : اكتملت العصابة ارواحي منا نتي ارواحي راحت قعدت جيهتو تفكرو ليليا و ميرا  بللي ليوم ختهم تروح بداو الدموع يهبطو .....ميرا: ليوم تروحي 🥺اهيء اهيء😭😭.
لينا : اووو normalement ان اللي نبكي ماشي نتوما.
ميرا : بصح مارا..ماراحش نتلاقاو انا نروح لكندا و نتي لفرنسا.
ليليا : و انا خلوني في دزاير وحدي يااك 🙂.
اسلام : علاه فسدتي عليهم اللقطة علاه 😒.
لينا : هيا هيا خلوني من النديب ارواحو تستقهواو قبل مايخلاص كلش.
راحو يستقهواو هوما و بداو يهبطو الباقي استقهواو كامل.....7:30 جا الطاقم تاع لحفافات للدار كي صرا فالعرس تاع ايلا بداو بالعروسة و خلاوها تريح اومبعد راحو للبنات لوخرين كملو للبنات  فطرو كامل معا بعض و كل وحدة تزوخ علا لوخرة اما عروستنا مانهدروش عليها كيفاش كانت المضهر الخارجي pوpية بمعنىىى الكلمة الشعرو الماكياج علا شعرة كلش parfait حتا من خواتاتها ماشاء الله وجدو كلش و قعدو يستناو فالجماعة توصل لينا قلبها لدااخل قاعد  يضرب حاسة حاجة خايبة راح تصير قعدت تستغفر حتى تروحلها الغمة هاذي اللي جاتها دوكا.
عند ادهم:
ناض كل اللي كانو فالدار صباح les jeunes راحو حففو و ولاو شبحو ال🚘🚙 تاوعهم و راحو يوجدو روحهم اما النسا جاوهم الحفافات كامل معا صباح وجدوهم فالدار اصلا هوما ماراحش يطيبو كلش يدسروه الخدامات ال11:30 كانو واجدين هبطو فطرو كامل مام الرجال معاهم عودو طلعو يفيريفيو في دوزانهم ال12:45 خرجو الكل من الدار راحو للصالة دخلو الكبارات و لمزوجين و كاين اللي لالا و الباقي راحو فالكورتاج ال🚘 تاع 👰 كان يسوق فيها امير و ركبت معاه ريهام و ادم وصلو لدار لينا دايرين حالا الزغاريت و الغنا و حتا جابولها موطوات كيما دارت هيا في عرس ايلا و اكثر دخلت ريهام مع البنات لدار العروسة استقبلوهم الجماعة لتحتا بالزغاريت و حتا هوما ماكانوش قل منهم الgرجومة راحت طلعو لعند لينا لفوق يهبطوها دخلو سلمو عليها قعدو شوية جابولهم الضيافة jus و biscuit roulé و عطاوهم بايط حلوى و الدراري صغار ساشييات معمرين chocolat و حلوى  اما للرجال برا عطاوهم gazeuze ولا jus  كل واحد تاعو و بايط gاطو تان.لبسو للينا لبرنوس و جا خرجها باباها تحت جناحو اللي مسكين دموعو علا شفارو داير شوية كوراج برك باش مايهبطهمش مانحكوش علا يماها  خواتاتها حتا نسا خاوتها و ولادهم يبكو يحبوها بزاف كانت معاهم عاقلة و حنينة ماشي كل دورة مشاكل.
خرجت عروستنا من دار باباها على زغاريت النسا اللي معاها ركبت فال🚘👰 معا ميرا و ريهام و ادم معاهم العريس الصغير كيما قالولو لابس costume bleu nuit خرج يهبل ^الرجل الصغير^ ديمارا الكورتاج متجه للsalle des fêtes الي سيقام فيها العرس الطريق كاملة و امير يهبل في لينا و يقوللها ادهم دار و مشا معا فلانة و دخل فلانة تخدم بالمعربفة غير باش يقلقها اما هيا ردتلو بجملة وحدة ^من قبل انا ماكنتش دار رايو اما انا دوكا جيت و راح يتحاسب علا واش راح يدير ماشي واش دار ^