حب❤بعد◀️الزواج💍 الجزء 1 (كاملة)

❕حلقة 39❕

وصلو عندهم خمسو معا البنات و عنقو اسلام
(شفتو الرجال كي فاش يتعانقو هكاك ماعرفتش كيفاش نوصف) ......امير: ماكانش علابالي بللي انا مهم لهاذ الدرجة باش جيتو تستقبلوني في 4🙄🤔.
ميرا : احمم جاو علاجالي انا ماشي نتا انا ختهم الل يجيت ليوم ماشي نتا🙂.
ايهم : ريييحة لحرييق بالاك موتور تاع كاش طيارة😁 ولا .
ليليا غير تنسف و تقلب في عينيها عاليهم.
قرصتها لينا بالشوية حتا هيا كانت سارحة في راجلها اما في لحظة جاتها لقطة بين عينيها خلاتها تكبس وجها
وقت شافت ادهم دار موراه يروش شافت وين راه يشوف لقات 2 بنات وحدة لابسة حجاب طويل و وجها منور الله يبارك و الثاانية لابسة ربع ميترا و طالو 👠تاع 2 ميتراات في رجلها نغزغت خواتاها فيزوج دارو يشوفو وين راهي تخزر وصلو هاذوك البنات تقدمت اللي شبه عارية جيهة الاولاد سلمت عليهم  بالبوس و هوما قالبين عينيهم عليها و الثانية المتحجبة قالت :  السلام عليكم
و هبطت راسها كي شافت لوخرا تسلم بالبوس و الrobe تاعها تطلع و تهبط حشمت في بلاصتها دارت جيهة البنات تخزر نطق ادهم : احمم لبنات نعرفكم هاذو بنات عمي المتحجبة ملاك و لوخرى شيراز....هاذو الثلاثة بنات خالتي لينا مرتي و ليليا و ميرا خواتاهم و هذا اسلام خوهم.
لينا،ليليا،ميرا :متشرفين (قالوها و هوما يخزرو في ملاك *المتحجبة*)
ملاك : و ليا الشرف☺😊.
مشاو خارجين مالمطار و لينا تكيل و تعاود في شيراز هاذيك اللي لاسقة في ادهم و خاوتو من واحد لواحد ادهم يخزر فيها و يgسر معا اسلام دوموندو بنات عمهم طاكسي باش يروحو لدار جدهم دات لينا numéro تاع ملاك عجبتها الطفلة عاقلة و حشامة 😳🤗راسها ماطلعاتوش عكس اختها سبحان الله خواتات الفرق بيناتهم قيس السماء و الارض🙂 ديماراو هوما رايحين لدار جدهم عرضوهم للعشا كي جاو les jeunes زعما و باش يتلاقاو يgسرو على العرس تان .
وصلو البنات قبل ليليا كانت تسوق بفيتاس عالية باش تهبل ميرا و لينا سارحة تخمم فاللطقة تاع موقبيل علاش ماعجبهاش الحال كي  سلمت عليه شيراز كي شافتهم هكاك قلبها زيير عليها حست كأنو سكين تغرس في وسطو 💘 قالت بالاك كي راهم مخطوبين و قريب عرسهم ماعجبهاش الحال و نحات الفكرة من راسها.
دخلو هوما اللولين سلمو على اللي لتم و الدراري موراهم و ادم جا يجري يسلم عليهم : خاالووو🤗🤗.
امير : ارواح عندي .
راح سلم عليهم و عنقهم بالواحد لينا كانت تشوف و فهمت هدرت ريهام نهار قالتلها^خاوتي ماشي مقصرين معاه ادهم كل مايخرج يديه معاه و يشريلو هوا كلش و كي نشوفو معاه نحس بلي باباه ماشي خالو يولي بزااف حنين معاه التصرفات تاعو كاامل يتبدلو راني surلوكان يتزوج يكون احسن اب فالعالم ^.
راحو تعشاو gاع كيف كيف و عايلة لينا راحو لدارهم اصلا خاوتها المزوجين معا ولادهم و نساهم ماجاوش جاو غير هوما العازبين
🌄🌅🌄🌅 اصبحنا و اصبح  الملك لله 🌄🌅🌄🌅
في دار لينا ناضو صباح الرجال مشاو للخدمة و النسا دارو حبات gاطو باسكو غدوا يروحو لجدة ادهم تاع باباه عرضوهم للعشا علاجال العقد يعقدو غدوا يولو للدار و فالليل يروحو كامل يتعشاو عندهم...لبارح ماهدرتش معا ادهم كامل مام كي ولاو للدار رقدت ديراكت كانت عيانا.
عند ادهم : تان لبارح طاحو كاو ميتين بالعيا و هوا خدم بزاف هاد السمانة باش مور العرس كي يطلع ماتكونش la charge (الضغط) عليه و كي ناض صباح دا يماه و ريهام و ادم لدار جداتو تاع باباه باش يباتو لتم علاجال غدوا