I Love You, In Heaven(ILM SERIES #1)

Chapter 21

"A-Anong... Anong ginahasa, martha?" Pumiyok ang boses ni Miss Cora at biglang napasapo ng bibig si estella gamit ang dalawang palad.

"Ginahasa ako ni Sir Lucas..." Diretso kong sinabi at walang emosyon akong nakikipagtitigan kay lucas.

Nanginginig ang kamay ni Miss Cora na sinampal si Lucas sa pisngi na ikanagulat namin. Kahit kailan sa buhay ko hindi maiisip na gagawin niya 'to, lalo na sa isang anak ng Salvedo.

Bigla akong niyakap ni estella.

Nakita kong napatagilid ang mukha ni Lucas at binalingan kami ni Miss Cora. "Estella, dalhin mo na siya sa kwarto, ngayon na"

Nanghihina akong tumayo habang inaalalayaan ako ni estella.

Tamad akong bumaling sakanila papalayo at nakita kong walang bahid ng emosyon ang mukha ni lucas. Nakatalikod naman si Miss Cora sa gawi namin habang si lucas ay madilim at walang ekspresyon ang mukha.

Sa gabing 'yon, tanging kaming apat lang ang nakakaalam. Ngunit, kaming dalawa lang ni lucas ang nakakaalam sa katotohanan. Ngunit, hindi ko man lang narinig na umapila siya.

Sa sumunod na araw, akala ko sasabihin niya kay Miss Cora ang totoong nangyari, ngunit nalaman ko na maagang umalis si lucas sa isla.

Nalaman kong umuwi siya sa Maynila at hindi ko alam kung babalik pa ba.

Hindi ko masabi kung nagbago rin ba ang trato sa'kin ni Miss Cora pero nalaman ko kay estella na siya ang dahilan bakit pinauwi si lucas pabalik ng Maynila.

Pinili ni Miss Cora na sa kabilang isla magtrabaho muna dahil napatayo na ang bagong hotel do'n.

Hindi ko alam kung umiiwas ba siya sa'kin o dahil kailangan talaga siya doon sa bagong site?

Tanging kaming apat lang ang nakakaalam. Kaming apat lang.

Lumipas ang mga linggo, at hindi na nga bumalik dito si lucas.

Maybe this is a way better.

Ayoko na muling ma-involve sa mga Salvedo.

Perhaps, this is over. No more revenge. No more attachment. No more feelings from the only son of Salvedos.

"Uhm, martha..." Kanina pa tahimik si estella at ngayon niya lang ako kinausap.

Andito kami ngayon sa isang kwarto at nag-aayos ng kama.

Nagtaas ako ng kilay sakaniya, "Hm?"

Nababalisa siya at hindi ko alam ano nasa isip niya. Kaninang pagpasok ko hindi niya 'ko binati at nginitian lang ako.

Napakagat siya ng labi at napakunot ako ng noo, "May tinatago ka ba sa'kin?" Pabiro kong tanong.

Nanlaki ang mga mata niya, "Martha! Ano kase..." Tinigil niya ang pag-aayos at tumingin sa'kin, "Si -S-Sir lucas... Babalik daw dito sa isla" napahinto ako sa ginagawa ko.

Isang buwan na siya hindi bumalik dito at wala akong pake kung hindi na siya bumalik, pero ano 'to? Bakit bigla nalang akong kinabahan at nasasabik?

"Martha, sorry!" Bigla akong nilapitan ni estella, "Sorry talaga! Dapat hindi ko talaga sasabihin sa'yo ang kaso alam naman ng lahat na babalik si Sir, baka sa iba mo pa malaman tapos hindi nila magustuhan ang reaksyon mo at baka magtaka sila"

Tumingin ako sa mga mata ni estella, "Kailan daw siya babalik?" Kalmado kong tanong.

Nagulat siya, "Huh? Ah b-bukas daw ng maaga. May kasama siyang kliyente ata, importanteng kliyente. Pero huwag kang mag-alala, bumalik lang naman ata si Sir para raw sa business ng mga Salvedo."