سكه السلامه بقلم / لولو_محمد (كامله )

الحلقه ١

(((((((((((سكة السلامه ))))))))))
#لولو_محمد
الحلقه الاولى
فى حى شعبى بيت مخزن و تلات ادوار وقت اذان الفجر بنت 23 سنه بتفتح اوضه بالراحه و تدخل معاها كوبايتين لبن دافى تحطهم على الكومدينو جنب سرير نايم عليه اتنين شباب و بالراحه خالص تخبط على كتف واحد 30 سنه حاجبه مفتوح يفوق
البنت / سلامه اصحى يا سلامه
سلامه / يا صباح العسل
البنت / صحى محمد على محضر الفطار
سلامه / لا ده سهران يحب للصبح سبيه للاخر يا حنان
حنان / هههههههههههههه بشوقك
سلامه يهز محمد و لا الهوى اذان الفجر ياذن يشرب كوبايه اللبن بتاعته و يقوم ياخد فوطه و يدخل الحمام
.......................
فى فيلا فخمه تلت ادوار و جنينه كبيره و حمام سباحه
فى اوضه راجل 42 سنه بيلبس بدله و مراته 36 سنه نايمه تصحى
الست / حرام عليك يا مهاب يعنى متعرفش تلبس فى هدوء
مهاب  يبصلها و يكمل لبس عادى و يخرج مالاوضه يلاقى ست كبيره معديه من قدام الاوضه يوطى على ايدها يبوسها تسحب ايدها و تمشى منغير متبصله يقف يبص يمين و شمال و ينفخ و ينزل
..........................
فى بيت سلامه
فى اوضه سلامه
سلامه / الصلاه يا محمد قوم يا بنى
محمد 19 سنه / قومت قومت هو الواحد مبيعرفش ينام فى ام البيت ده
سلامه / يا راجل دا على اساس ان انا اللى كنت بحب فى ودنك طول الليل و انت نايم
محمد / اهو قركوا ده اللى جايبنا الارض
سلامه / طب قوم تلت دقايق و تحصلنى
محمد يدوق اللبن
محمد / دا بارد
سلامه / زيك فز ياله اتحرك الفجر هيفوتك
محمد يتنطر يجرى عالحمام و هو خارج يخبط فى بنت تانيه 20 سنه
البنت / حاسب يا جزمه خلعتلى كتفى
سلامه / سلامه كتفك يا ست البنات
البنت / عملت ايه فى الموضوع اللى قولتلك عليه
سلامه يبص فى السقف و يبصلها تانى
البنت / يا سلامه انا زهقت من قعده البيت و بعدين انا مغلطش لما قولت عاوزه اشتغل يعنى
سلامه / انتى ناقصك حاجه
البنت / فوجودك هيبقى ناقصنى ايه يعنى بس انت عارف انا مش زى حنان قاعده البيت دى مبتريحنيش خالص
سلامه / طب سبينى افكر
البنت / ماشى الفطار جاهز
سلامه / لما نرجع بقى .... يلا يا زفت
البنت / تلاقيه نام جوه
..........................
فى الفيلا الكبيره فى اوضه تانيه خالص
بنت 26 سنه لابسه فورمال جيبه فوق الركبه سوده و شميز ابيض و بليزر اسود و بتسرح شعرها بنى فاتح و عنين ملونه جميله قدام المرايه
البنت / صباح الخير يا ساره النهرده يوم مهم و انتى قدها
ساره تعدل هدومها و تاخد نفس عميق و تشد شنطه لاب من عالمكتب و تنزل تلاقى سفره عليها فطار و مهاب و الست العجوزه قاعدين بيفطروا
الست / و انا اقول النهرده الشمس طالعه منوره ليه
ساره / هههههههههه صباح الجمال يا ست الكل
ساره توطى تبوس ايد الست و تقعد جنبها
مهاب / صاحيه بدرى ليه لسه قدامك اربع ساعات عالاجتماع
ساره تقعد جنب الست و متردش عليه
مهاب / على الاقل حاولى تتمحلسى النهرده يمكن اوافق عالمشروع بتاعك
ساره / مش بمزاجك المشروع كويس و مجلس الاداره
مهاب / اللى انا رئيسه بالمناسبه
ساره تبص الناحيه التانيه و تنفخ
مهاب / هههههههههههه بس انا متاكد انك عامله شغل كويس مانتى تلميذتى
الست / ممكن نفطر و لا ايه
ساره / خدتى الدوا يا تيته
الست / اه يا قلبى اخدته متشغليش بالك انتى
ساره تبتسم للست و تبص لمهاب تلاقيه بيبصلها و مبتسم اوى تتنهد و تفطر
........................
فى بيت سلامه
سلامه و محمد داخلين مالباب
حنان / حمد الله عالسلامه ها مين دعالى
تليفون يرن مالاوضه جوه محمد يدخل يجرى و سلامه واقف يدحك
حنان / ابقى قابلنى لو فلحت
سلامه / سبيه يعيشله يومين
حنان / و انت مش هيجى دورك و تعيش بقى و لا ايه
سلامه/ ياربى انتى و اختك واحده الشغل و التانيه اتجوز جرا ايه يا بنات انتوا زهقتوا منى
البنت التانيه تطلع مالمطبخ
البنت / معاش و لا كان هو فى عندنا فى غلاوتك
سلامه / تسلمى يا ست البنات كلها يا احلى شوق فى الدنيا اتفضلى بقى اقعدى نفطر ابقى اعملى سندوتشين و دخليهم لاخوكى يا حنان لو محدش افتكره مش هياكل اساسا
شوق / هههههههههههههههههه احسن خليه يحب براحته بقى
حنان / هههههههههههه انا هعمله انا
...........................
فى موقف ميكروباصات
سلامه و محمد يدخلوا
سلامه / هقطع الكرته و انت خدلك دور
محمد / حاضر
شاب يدخل عليهم يحضن محمد
الشاب / ايه يا برنس مفيش اخبار عن النتيجه و لا ايه
محمد / ياخى فال الله و لا فالك دا وقتك عالصبح وسع من وشى
محمد يسيبه و يمشى
الشاب / ازيك يا سلامه
سلامه / اهلا بالكبير
الشاب / بقولك الخميس الجاى الفرح و لازم تيجى
سلامه / اول المعازيم مش محتاج عزومه يا بنى دانت اخويا
الشاب / و هات اخواتك معنديش اعزار
سلامه / باذن الله داحنا جيران يا جدع هما هيجوا قبل منى كمان
الشاب / قشطه اما اروح اعزم الباقين بقى
سلامه / الف مبروك يا معلم
.....................
فى الشركه فى مكتب ساره قاعده و مشغله اللاب و بتراجع حاجات المكتب يتفتح و مهاب يدخل و يقفل الباب وراه ساره تقفل اللاب
مهاب / هو سرى للدرجادى طب مانا كلها ساعه و اعرفه
ساره / اؤمر خير
مهاب / انتى مش هتبطلى اسلوبك ده انا جاى اقولك متخافيش جوه انا هبقى جنبك و انا عارف انك هترفعى راسى
ساره / انت عارف كويس انى مش خايفه و بالمناسبه وجودك او عدمه واحد
مهاب / تعرفى انا كل مبشوفك بحس بايه
ساره / انا عن نفسى بحس بخنقه لو سمحت سبنى اركز
مهاب / قاسيه اوى
ساره / افكرك انك فى البيت قولت انى تلميذتك فلو سمحت اتفضل شوف وراك ايه دا لو وراك حاجه غير انك تدمرنا
مهاب / لما تكبرى هتعرفى ان كل اللى بعمله لمصلحتك انتى قبل اى حد
ساره / دا على اساس انك بتفكر فى اى حد غير نفسك بقولك ايه انت لو فاكر انك لما هتحرق دمى هفقد تركيزى و اغلط جوه تبقى غلطان
مهاب / ماشى يا ساره اللى تشوفيه بس بكره الايام تثبتلك ان معنديش فى الدنيا اغلى منك عن اذنك
مهاب يمشى و اول ميقفل الباب ساره تمسك انتيكه من عالمكتب و تيجى تحدفها على اخر دراعها تمنع نفسها فى اخر لحظه و ترزعها عالمكتب و تنفخ بخنقه شديده
ساره / اهدى اهدى كلب و لا يسوى اهدى
ساره تنظم نفسها بالراحه لحد متهدى
.............................
فى الفيلا فى اوضه تالته خالص مبهدله عالاخر بنت 17 سنه شعرها احمر نايمه لابسه بجامه تيشيرت حمالات اسود و شورت احمر وعلى دراعها تاتو دراجون و الهيد فونز فى ودانها واللاب عالارض مفتوح بنت تانيه تدخل 34 سنه شعر اسود طويل ديل حصان و دريس ماكس ابيض تبص يمين و شمال بقرف تدخل تفتح الستاره و تدخل الشمس البنت الصغيره تقوم مالنوم مدايقه
البنت / ساره ساره حرام بقى احنا فى الاجازه
البنت التانيه / اميره
البنت / صباح الخير يا اميره بتصحينى ليه انا نايمه الفجر
اميره / تيته عوزاكى تحت
البنت / اووووه شيت
اميره / ياريت تحضرى هتقوليلها ايه بخصوص رجوعك متاخر امبارح
البنت / و مين بقى قالها انى رجعت متاخر تيته بتنام بدرى
اميره / معرفش انا خارجه رايجه الجمعيه هتعوزى حاجه
البنت / انا بقول تخليكى يمكن نحتاجك فى البيت
اميره / ههههههههههههههههه حرام عليكى دا على اساس ان تيته هتضربك مثلا
البنت / لا انا كنت بفكر ان هى ضغطها يعلى
اميره / ههههههههههههههه صحيح هنستنى منك ايه يعنى انا ماشيه سلام بالراحه على تيته
البنت / ياااه شور
اميره تطلع مالاوضه البنت تقوم بالعافيه تقفل الستاره و تنام تانى
...........................
فى بيت سلامه
شوق واخده طبق غسيل و داخله البلكونه حنان تجرى عليها توقفها
حنان / شوق شوق عنك عنك
شوق / والله ماشى ياختى بس ابقى افتكريها
حنان / هو ايه اللى افتكرها الحق عليا انى بريحك
شوق / بقولك ايه يا بت وفرى الحركتين دول قدام اخواتك لكن انا و انتى عجينه واحده
حنان / بقى كدا طب انزلى انتى بقى هاتى الطلبات ياختى
شوق / و ماله الشارع تراوه حتى حمدى كان بيرشه من شويه
حنان / وربنا لو متلميتى
شوق / و على ايه انا داخله اللبس انشرى انشرى
حنان تبص لشوق و تبص الناحيه التانيه
شوق / بقولك ايه متجيبى عشره جنيه و اسيبك تنشرى و تنزلى كمان تجيبى الطلبات ايه رايك
حنان / انا داخله اوضتى انشرى انتى
حنان تدخل اوضتها و شوق تجرى وراها
حنان / عاوزه ايه تانى
شوق / عايد عليكى بايه يعنى
حنان / ممكن تسبينى لوحدى
شوق / لا مش ممكن بس هو و لا فى الدماغ و بعدين انتى اللى هتتعبى فى الاخر انا عامله عليكى والله
حنان / ملكيش فيه
شوق / ماشى انا هدخل احضر الغدى انجزى بقى
حنان تبصلها و هى بتدحك و تقوم تجرى تلبس الطرحه و تطلع البلكونه تنشر الغسيل
......................
فى الموقف
محمد بيتكلم فى التليفون جوه الميكروباص
محمد / طب و قولتيلها ايه
البنت / قولتلها ان واحده صحبتى حولتلى رصيد و انا لما هقابلها هديها الفلوس
محمد / حياه مش كدا
البنت / بطل رخامه
محمد / والله محد رخم غيرك مش كان زمانا مخطوبين
البنت / و كان ايه اللى منعك
محمد / الشبكه ام تلاتين الف ياختى اللى ابوكى شارطها و لا نسيتى مش ده كلامك
البنت / الله مبنت عمى جيالها شبكه بخمسين و لا انا يعنى بنت البطه السوده
محمد / لا ازاى على العموم يا ستى هانت فاضل عالحلو تكه
البنت / انت واحشنى اوى
محمد / و انتى اكتر متزوغى خلينى اشوفك
البنت / مش هينفع مانت عارف اليومين دول فرح بنت عمى و البيت كلو ناس دانا بكلمك بالعافيه قافله على نفسى و بعمل قال يعنى بغير هدومى
محمد / حقك عليا هانت خلاص اوعدك اننا مش هندخل رابعه غير و دبلتى فى ايدك
البنت / يارب يا محمد يارب
محمد / طب سلام بقى عشان دورنا جه و سلامه بيبصلى
البنت / سلام يا حبيبى
محمد / سلام يا حياتى
محمد يقفل و يقف على باب الميكروباص و ينادى سلامه يهز راسه و يمشى
.............................
فى الشركه
ساره / و بالنسبه للسوق فدا سرفاى اتعمل من اسبوعين عالنت و النتيجه كانت ان نسبه 64 % من الستات بتفرق معاهم جدا شكل و لون العربيه اللى هيسوقوها
واحد / استاذه ساره المشروع اللى اقترحتيه حلو جدا بس حضرتك عارفه ان انشاء خط انتاج جديد بالمواصفات المطلوبه ممكن يكلف الشركه قد ايه و طبعا مع سعر البيع المقترح ياريت توضحى اكتر الناحيه الاقتصاديه لمشروعك
ساره / تمام ... كلنا عارفين ان خط الانتاج بتاعنا معتمد اعتماد كلى على القطع اليابانيه اللى احنا بنجمعها فى مصر فانا بدات بمراسله الشركه اليابانيه فعلا و بعتلهم النموذج المقترح للعربيه الليجانت و كان فرق التكلفه علينا لا يذكر مقارنه بفتح سوق جديد لمنتج جديد لفئه جديده تماما من المشترين زى مهو موضح فى الجراف اللى عالمونيتور
مهاب / حطيتى فى اعتبارك و انتى بتقارنى الاسعار تكلفه انشاء خط التجميع الجديد و فرق سعر الدولار قبل و بعد الانشاء
ساره تبلع ريقها و تسكت ثوانى
ساره / احنا لو مضينا مع الشركه اليابانيه اتوقع على ما الكونتينارات توصل يكون خط الانتاج تقريبا اوشك عالانتهاء يعنى
واحد تانى / حضرتك بتقترحى اننا نجيب قطع غيار و نملا بيها المخازن لحد مننشئ خط الانتاج و بعد كدا نصنع العربيات و نعرضها فى السوق بناء على دراسه جدوى قديمه دى مجازفه كبيره جدا انسه ساره
ساره /من اهم الدروس اللى اتعلمتها من الاستاذ محمود المصرى الله يرحمه ان السوق مجازفه و لو قلبك ضعيف يبقى هتفضل طول عمرك مكانك
مهاب / ساره ساره بصى فى فرق كبير انى اجازف و انا دارس كويس و عامل اللى عليا و بعد كدا الباقى توفيق من ربنا من انى ادخل مجال لمجرد انى اتحمست لفكره غير مدروسه بشكل كويس و ارجع سبب فشلى بعد كدا على السوق او المستهلك
ساره تبص لمهاب و تسكت يبتسملها
مهاب / اتفضلى يا ساره شكرا على اقتراحك هنبلغك بقرار مجلس الاداره اخر اليوم
ساره تلم حاجتها و تمشى و هى محبطه
........................
فى البلكونه حنان بتنشر و عنيها على شاب 25 سنه بيلعب طاوله  مع واحد صحبه و لما تخلص تاخد ورقه من عالسفره و البك و تنزل تروح دكان بقاله على ناصيه الشارع
ست / صباح الخير يا حنون
حنان / صباح النور يام انور لو سمحتى عاوزه باكو شاى كبير و كيس سكر و تلاته مكرونه و صابونه ريحه و
ام انور / يا حنون هاتى الورقه و اقعدى و انا هجيبلك اللى فيها انا هفتكر كل ده
حنان / ههههههههه اتفضلى
ام انور / ارتاحى بقى خمسايه
حنان تروح تقعد تلاقى حمدى بيبص عليها ترتبك و تقعد و تبص الناحيه التانيه حمدى يقوم و يروح الدكان حنان ترتبك اكتر و تبص فى الارض و نفسها يعلى حمدى ينقى شويه شيكولاتات
حمدى / صباح الخير يام انور
ام انور / صباح النور يا حمدى يابنى اؤمر
حمدى / انا عاوز الحاجات دى
ام انور / ثوانى بس و هاجى احاسبك
حمدى / خدى راحتك خدى راحتك عالاخر
حمدى يبص على حنان و هى باصه فى الارض
ام انور / الحساب 78
حنان تطلع الفلوس مالبوك و تحاسب ام انور
ام انور / 15 جنيه يا حمدى يابنى
حنان تحط كل الاكياس فى شنطه كبيره قماش من بكها و تاخدها و تمشى حمدى يحاسب و يجرى ورا حنان يمسك منها الشنطه يلمس ايدها حنان تتفزع
حمدى / عنك يا ست حنان تلاقيها تقيله
حنان تبصله و لسانها يتلجم و تحاول ترد متعرفش حمدى ياخد منها الشنطه و يسبقها و يحط كيسه الحلويات جواها و هى واقفه متمسمره مكانها تبص يمين و شمال و تتحرك وراه لحد البوابه حمدى يحطها عالارض
حنان تبلع ريقها / شششكرا تعبتك معايا
حمدى / تعبك راحه بالاذن
حمدى يرجع القهوه و هى بتبص عليه البوابه تتفتح و شوق تشد حنان جوه
شوق / احكيلى بالتفصيل بدل اقسم بالله
حنان مبتسمه تسبها و تطلع الشقه
شوق / يا سلام
شوق تشيل الشنطه و تطلع تحطها عالسفره و تبص جواها تلاقى كيس الحلويات تفتح شيكولاتايه و تاكل منها و تدخل تدور على حنان تلاقيها نايمه فى السرير و سرحانه
شوق / الحب الحب الشوق الشوق
حنان متردش شوق تروح تقعد جنبها
شوق / للدرجادى طب قالك ايه قولى بقى انطقى
حنان / قالى تعبك راحه
شوق / بس
حنان / و لمس ايدى
شوق / و ايه كمان
حنان / مفيش يلا اطلعى بره انتى مش قولتى هتعملى الغدى
شوق / اما اخلص الشيكولاتايه
حنان / شيكولاته ايه جبتيها منين دى يا بت
شوق / مالكيس بره
حنان / يلهوى
حنان تقوم تجرى تبص فى الشنطه تلاقى كيس الحلويات اللى حمدى شاريه موجود
حنان / يا طفسه يا مفجوعه يا بقره
شوق / كل ده عشان خدت حته طب خدى ياختى اطفحيها انا الغلطانه
حنان / يا بلوه افهمى انا مجبتش الكيس ده دا بتاع حمدى تلاقيه نسيه فى الشنطه و هو بيشيلهالى لو خبط دلوقت يسئل عليه اقوله ايه اختى الطفسه كلت منه
شوق / ايه يعنى حطيله الاتنين جنيه فى الكيسه مفيهاش حاجه يجيبله بدالها
حنان / وربنا انتى معندك دم
شوق / و انا اعرف منين يعنى افتكرتك انتى اللى جيباها حصل خير هنزل اجيبله بدالها و لا من شاف و لا من درى
حنان / يا سلام طب و الكيس هرجعهوله ازاى
شوق / و انا مالى مش هو اللى نسيه
حنان / تصدقى انا غلطانه انى بضيع وقتى معاكى اصلا خدى انزلى هاتى واحده تانيه حالا
شوق / هنزل يا عره الاخوات هنزل بس هاخد الكيس فى ايدى اديلهوله بالمره
حنان تمسك الكيس
شوق / جرا ايه يا حنون
حنان / هاتى الشيكولاته بس خلى الكيس
شوق / لا و النبى
حنان / انا اصلى هبقى اديه لسلامه هو بقى يصطفى معاه اصل يعنى ميصحش واحده فينا تروحله القهوه و كدا قدام الناس انتى فاهمه
شوق / فاهمه ياختى فاهمه ماشى بالاذن
شوق تاخد الطرحه من حنان و تنزل
......................
فى الشركه فى مكتب ساره ساره واقفه تبص مالشباك الباب يتفتح و يدخل مهاب
مهاب / اللى يشوفك الصبح ميشوفكيش فى الاجتماع
ساره / الاجتماع الجاى هقدم المشروع تانى بدراسه جدوى متوقعه فى خلال السنه و مش بس كدا دانا هقدم كمان دراسه كامله عن خط التجميع الجديد
مهاب / كويس هتحتاجيهم لانى عينتك المسؤله عن الخط ده ابدئى فى الاجراءات من بكره
ساره تبصله
مهاب / انا قولتلك انى هبقى معاكى جوه صح
ساره / اه صح
مهاب / ساره افهمى انا فضهرك
ساره / و ده اللى راعبنى انك فضهرى يعنى مستنيه غدرك فى اى لجظه و اوعى تفتكر ان الشويتين دول هيخيلوا عليا انت وافقت و عينتى المسؤله عشان تحطنى فوش المدفع و تشغلنى بيه عن انى اراقبك هنا
مهاب / ههههههههههههههههههههه اولا لو انتى واثقه اوى فى فكرتك اللى هى العربيه البناتى فمش هتخافى تكونى فوش المدفع ثانيا انا مقدرش استغنى عن مراقبتك ليا مع انى كنت افضل انك تراقبينى من قريب شويه
ساره / اطلع بره
مهاب / انا جعان متيجى ناكل فى اى حته بره
ساره / نفسى اتسدت
مهاب / خساره عن اذنك
..............................