မနက်ခင်း အင်တာနက်စာမျက်နှာတွင် မေရန့်ကျေးဇူးကြောင့် ၀မ်ရိပေါ်နှင့် ရှောင်ကျန့်သတင်းများဖြင့် ဝေဝေ ဆာဆာပင်။ အကောင်းမြင်၀ါဒဖြင့် ရေးသားထားခြင်းသည် ၂၀ရာခိုင်နှုန်းဆိုလျှင် ပြစ်တင်ဝေဖန်ရှုံ့ချခြင်းသည် ၈၀ ရာခိုင် နှုန်းဖြစ်သည်။ ၀မ်ရိပေါ် ဧည့်ခန်းထဲ Laptop တစ်လုံးဖြင့် တက်လာသောသတင်းများကို အေးဆေးစွာ ထိုင်ကြည့် နေသလို၊ မီးဖိုချောင်ထဲ၌ ရှောင်ကျန့်သည်လည်း မနက်စာစားဖို့ အေးအေးဆေးဆေးပြင်ဆင်နေလေ၏။
"တီးတောင်..တီးတောင် "
Bell မြည်သံကြောင့် ရိပေါ် က တံခါးကိုဖွင့်ပေးလိုက်သည်နှင့် ကျိလင်ကော ၀င်လာသည်။
" ကျိလင်ကော လာပြီလား။ တစ်ခါတည်း မနက်စာ ၀င်စားလိုက်လေ။"
ရှောင်ကျန့် ကျိလင်ကောကို မြင်လိုက်သည်နှင့် လှမ်းပြောလိုက်သည်။
" ကော စားခဲ့ပြီ ရှောင်ကျန့်ရေ။ကော်ဖီပဲ သောက်တော့မယ်။"
"အိုခေ ကော..။"
"မင်းတို့ကြည့်ရတာ မနက်စာတောင်အေးဆေးစားနေနိုင်တယ်ဆိုတော့ ရင်ဆိုင်ဖို့အသင့်ဖြစ်နေပြီပေါ့။"
တစ်မနက်ခင်းလုံး အင်တာနက်စာမျက်နှာပေါ်တွင်ဆူညံပွက်လောရိုက်နေသလို ကျိလင်ဆီသို့ ဆက်လာသမျှ ဖုန်းများကို ဖြေရသည်မှာ အာပေါက်မတတ်ပင်။ ကာယကံရှင် နှစ်ယောက်မှာတော့ ဘာမှမဖြစ်သည့်အတိုင်း အေးဆေး တည်ငြိမ်လျှက်။
" မျှော်လင့်ပြီးသားလေ သာကော .. အေးဆေးပါ ။"
၀မ်ရိပေါ်က မနက်စာစားရန် စားပွဲ၌၀င်ထိုင်ကာဖြေလိုက်သောကြောင့် ကျန့်ကောကပါ ထောက်ခံသည့် အကြောင်း အပြုံးလေးဖြင့် သက်သေပြသည်။
" ကောင်းတယ်ကွာ.. အဲ့လိုစိတ်ဓာတ်တွေ ကြိုက်တယ်။ "
ကျိလင် ရှောင်ကျန့်ဖျော်ပေးသော ကော်ဖီကို တစ်ကျိုက်မော့သောက်လိုက်ရင်း ချီးကျူးစကားဆိုလိုက်သည်။ ဟုတ်သားပဲ။ ဖြစ်မှာကြိုသိနေပြီးသားကို ဘာတွေများ တုန်လှုပ်ဖို့လိုအပ်ဦးမလဲ။
"ရိပေါ်.. ကိုယ်ရုံးသွားတော့မယ်နော်။အိတ်ထဲမှာ နေ့လည်အဆာပြေစာဖို့ ကွတ်ကီးနဲ့.. ကော်ဖီကို ဓာတ်ဗူးထဲမှာ ထည့် ထားပေးတယ်.. မေ့မကျန်ခဲ့နဲ့အုံး။ "
VOCÊ ESTÁ LENDO
Won't forget (Complete )
Fanfic" ဘ၀မှာ ဖြစ်ချင်တာထက် ဖြစ်သင့်တာကိုပဲ အမြဲရွေးချယ်ခဲ့ရတယ်.... ဘ၀နဲ့ဆန္န ဘယ်တော့မှ ထပ်တူမကျခဲ့တဲ့ ကိုယ့်အတွက် တစ်ကယ်လို့များ တစ်ခါလောက်လေးပဲ ဖြစ်ချင်တဲ့ ဆန္နကိုရွေးချယ်ခွင့်ရမယ်ဆိုရင် မင်းနဲ့အတူရှိနေခွင့်လေး တောင်းဆိုချင်တယ်.... ကိုယ့်ရဲ့ဆန္နဟာ မင်းပ...
