" تَـبَـدُّدْ "

13

عصر الأربعاء..5:14ص

كنت جاهز استقبل اي شيء منه، بس مو جاهز استقبل هالكلمة ابدا!

"ما كان لي بالدنيا ذي غير امك وياسر وآمال"

امي وياسر وآمال؟ وش قصة هالنظره؟ قاعد يطالع لي بلا اي مشاعر، عينه مو جالسه تطالع فيني، مخه مو بمكانه انا متأكد فهد سرحان، وقبعه البلوفر اللي لابسها مغطيه شعره، نطقت بإستغراب

"امي وياسر؟ وآمال"

قال بصوت هادئ وملامح خاليه من المشاعر غير التفكير المبهم

"آمال وياسر عيال خالد"

عيال خالد؟ يعني اخوان امي؟ امي كان عندها اخ اسمه ياسر؟ يعني يمكن كانت تدعي له هو مو ياسر؟

"فهد اشرح لي، من ياسر؟"

طالع لي فهد وقال ويده داخل جيبه

"اخوي"

بعده عايش؟ لا اكيد مات

"مات، وآمال؟"

قلت امال بصوت واطي، اومأ، وثم طالع لياسر اخوي وقال

"ياسر خالد، ولينا خالد، وفهد خالد، وامال خالد، خالد عبدالرازق، وسعاد احمد"

جدتي اسمها سعاد؟ غريب الاسم بالنسبة للقديمين، امي كان عندها اثنين غيرها واخت، وينهم عنها طول هالمدة؟

"ياسر خالد، وآمال خالد، متى ماتوا؟"

طالع لي، وثم ابتسم بهدوء وقال

"يسو..ياسر قبل ثلاث سنوات"

كان بيقول يسور؟ يدلعه! ولا شكلهم متعودين ينادون بعضهم كذا؟ بس مات قريب! لا يكون متعاون مع نواف! كمل فهد

"وآمال قبل 19 سنة"

قديم! مره قديم! قبل اولد حتى..

"كم كان عمرهم؟"

طالع فهد للسماء، الغيوم تملأها..

"ياسر، 32 وآمال، وقت ما ماتت كان عمرها 10"

صغيرة! بس ياسر لو كان حي، عمره بيكون 34؟، وآمال 29؟ وكل ذا بدون اله حاسبه؟ سبحان من خلق هالعقل داخل راسي..رجعت للواقع المرير وصريت على اسناني ومسكت ياسر بقوة وقلت

"كان ياسر متفق معكم بشيء؟"

غمض فهد عيونه، وقرب مني، بعدت خطوتين وقرب فهد خطوتين، طالع لي بعيوني ونظراته كانت ناعسه، كان قريب مني وصرت اشوف انعكاسي على عدسه عينه، ياخي عارف مو وقته بس والله اني وسيم! يعني سبحان من خلق هالجمال وربك

"ماني نادم على اي شيء سويته لأمك، امك تستحق اللي صار لها"

دفيته بقوة بعيد عني، وقلت