الأربعاء..4:13ص
..
يالله يالضيقة! غبت كثير لازم اداوم! ياسر؟ قمت ورحت اسخن اكل، اكلت خبز وجبن، حتى نفسي مسدودة مالي خلق اكل ولا شيء، تنهدت بتعب..هو انا مكبرها ولا السالفة فعلا تغبن؟ ايه تغبن يا خالد تغبن
والله لو نواف بعده عايش لمسح فيه الارض ووصلته لقبره، ياخي فين ياسر ذا؟
"يااسرر؟"
ناديت بقوة، فينه البزر ذا؟..طبعا مخي ما كان معي ابدا، رفعت جوالي ودقيت على سالم، يدي تحركت من تلقاء نفسها حتى ما حسيت بنفسي يوم رد وقلت له
"سالم شفت ياسر؟"
عم لحظة هدوء..شوي اسمعه يتحمحم ويقول
"كل خرا وش ياسر؟ المهم تعال عند بقاله ولد عمي بوريك شي، تذكر هذيك الحلاوة الملونه اللي كنت تحبها وانت صغير؟"
شقاعد يقول؟ انا سألته شفت ياسر، هو عند بقاله ولد عمه يعني؟ تنهدت وقلت
"سالم ياسر عند بقاله ابوك؟"
صداع، راسي ينبض..وشفيها الدنيا سوداء؟
"يا ولد وشفيك؟ خالد؟.....خاالد؟ ولد! ورع لا تخرشني؟ خالد؟ الووو؟ جايك"
..
الصبح..5:46ص
"يبوي حصلته طايح عند مطبخهم وجواله طايح وجنبه بزر صغير يحاول يصحيه ويكب عليه مويه، من اول يقولي شفت ياسر؟ مدري من ياسر ذا"
يا ذا الثرثار ما يسكت، مسكت المخده وحطيتها فوقي وصرخت بس بصوت واطي لأن الفراش مغطي مجرى الصوت
"سالم انطم ياعمي!"
قلتها معصب، وسكت..احسن خلني اكمل نوم بس
"من ياسر يا خلد؟"
من ياسر؟ وش دراني انا
"قرينك"
قال
"بسم الله علينا، خالد صحصح معي من ياسر؟"
ياسر؟ هذا ولد كلب
"ولد نواف، تبي تعرف قبيلتهم؟ اسمها بن كلاب"
قلتها بدون وعي..وصفقني سالم، اول ما صفقني رديت الكف دبل وقلت بصوت غاضب
"كسر بيدك يا كلب! وشفيك؟"
جلس سالم مكانه وقال وهو يمسح خده بعد ما دعى ٦٠ دعاء علي
"خالد انت اغمى عليك، دقيت علي وسألتني فين ياسر قلت لك كل خرا و.."
قال لي كل خرا؟ رديت مقاطعه
"ما اكلك"
كمل بعد تنهيده
"المهم وفجأة أغمى عليك جيت بتطمن عن حالك حصلتك طايح وجنبك طفل يرش عليك مويه ويحاول يصحيك وبيده قارورة مويه يشربك"
أنت تقرأ
" تَـبَـدُّدْ "
Ficción Generalحِينَما تتبَددُ الغيُوم، سيّتضِحُ كُلّ شَيء! .. عاميّة - مكتملة
