..
كان طالع من بيته رايح يجيب عشا لأهله، سيارته اخذها صديقه خالد لأنه مسوي حادث والسيارة بالورشة، فاضطر يمشي برجوله، قبل يوصل للمحل ووقت ما دخل زقاق مضلم سمع صوت وراه، التفت وشاف رجال توه بالثلاثين ويناظره نظرات غريبة! بالبداية يحسبه حرامي لأن المكان مناسب للسرقة، بس من هيئة الرجل المرتبة ولبسه قل الاحتمال، قرب منه وقال
"آمر يالطيب بغيت شي؟"
رفع الرجال شعره البني عن وجهه وقال
"راكان؟"
عقد راكان حواجبه وقال
"وصلت؟"
ابتسم الرجال، هالإبتسامة كانت تحمل كثيير! وراها انسان مجروح! وراها انسان كان مغلوب ومجبور يسوي اشياء ما يرضاها على عدوه! كيف لو اغلى الناس على قلبه؟ كان يمشي بقيود دائما! ما كان مرتاح في حياته! قلبه ابيض من الثلج! تكلم الرجال وقال
"تعرف خالد عبدالعزيز صح؟"
بدأ خوف راكان يزداد! خالد محاط بالأعداء من كل مكان دون علمه! واول شخص كان عارف بمستقبل خالد المظلم هو راكان! كان يقنع نفسه انه مجرد احساس وما بيتحقق وخالد بخير! بس بكل موقف يخص خالد يزداد تيقنه! وقال بحذر
"ايه؟"
ابتعد الرجال خطوتين وقال
"قول له لا يبعد عن امه"
شد راكان على يده، وقال بنبرة تحولت لعدوانية
"ومن انت؟ وش بتسوي؟"
اكتفى الرجال انه يتنهد ويعطي راكان ظهره، توقع راكان بالبداية انه شخص من اقارب خالد! لأن اغلبهم يكرهون امه! بس من بعد ما شاف نظرات الرجال وكلامه المبهم قرر يلحقه بسرعة ويقول
"ورع! والله ما اقول لين تتكلم! وش بتسوي؟"
ناظره الرجال وما تكلم، تقدم راكان بقلق واعصاب مشدودة
"خلاص اتركوا الولد بحاله! مو يكفيه اللي يلقاه من اعمامه!"
قال الرجال وهو يرفع اكتافه بقلة حيلة
"مو بيدي!"
قاطعهم الاثنين صوت واحد يقول
"وش تسوي هنا؟!"
طالع الرجال وراه، وراكان طالع لمصدر الصوت وكان رجال ثاني ما يعرفه! الرجال الثاني اصغر من الاول!
"وش كنت تقوله؟"
سأل الصغير، والكبير ما قال حرف! راكان بينهم زي الاطرش بالزفة
"وش قلت له؟ هذا مو راكان صاحب ولد لينا؟"
شد راكان على قبضته وقال
