..
صبح الأحد..7:21ص
تنهدت بأقوى ما عندي!
"روحك فيك!"
قالها جهاد وهو يضحك، ضحكت معه وانا جالس على الكراسي متربع والكتاب بحضني، حسيت بنظرات جهاد لي وهو جنبي لكن تجاهلتها! طالعت لأحمد من بعيد كان ماسك كتاب الفيزيا ويذاكر
"بينكم شي؟"
بيننا يوم الحساب يا جهاد! قلت
"مالك دخل"
رد بسرعة
"طيب"
هل اللي سويته غلط؟
طيب انا ما قدرت امسك نفسي! برضوا هذا مو عذر والله! خالد يا بعد قلبي اسمع! قم وامسك راكان على جنب واعتذر له! انت غلطان لازم تعرف! قمت من مكاني تارك جهاد اول ما شفت راكان يقوم من جلستهم ويروح بعيد، لحقته ومسكت يده وهو التفت وللأسف ما قدرت امسك ضحكتي وضحكت! وجهه مجرح وعينه حمرا! وخده بعد منفوخ شوي! ما تحرك وانا بعدني ماسك ساعده وعينه علي ينتظرني اخلص ضحك!
حسيت شكلي غبي!
تحمحمت وقلت
"اسمع يا راكان آسف على أمس!"
تنهد بقوة وهو يطالع للأرض
"والله آسف كانت قافلة معي ومعصب!"
ابتسم راكان بسخرية وطالع لي وقال
"ولد! انا بعد احسها قافلة معي تعال ابركك وافقع لك عينك!"
انا راضي؟ لا!
"راكان والله آسف السموحة ياخوي بس والله كنت مضغوط!"
مدري ليه قاعد اعتذر وانا اعرف الإجابة اصلًا! مستحيل يسامح! اذا في شخص راسه أيبس من راسي في المدرسة فهو راكان بلا شك!
"بسامحك هالمرة بس!"
ها؟ طيب انا اخذت المراكز كلها بجدارة!
"بس ترا العيال زعلانين عليك!"
اومأت وانا اقول
"ادري ادري! بس ياخي انا ما ابي اشوف وجه احمد!"
طالع لي لفترة وقال
"مادري وش بينكم لكن الله يحسن احوالكم انت مو راضي تسمعه حتى!"
دق الجرس، قلت وانا ابعد
"خلاص اشوفك بعدين"
مسك يدي وقال
"عادي يستنى الإختبار شوية! ترا وربي ابراهيم مرة معصب يقول ليه ما يجلس معنا! ترا محنا ميتين من دونك بس انت عارف انها عشرة عمر ولا عمرك تغيرت علينا كذا!"
زين خلاص ضف وجهك
"بعدين اكلمك"
اعطيته ظهري ومشيت للقاعة مبسووطط! اخييرا آخر يوم لي بالمدرسة! هذا آخر يوم اشوف فيه استاذ الفيزيا واستاذ الانجليزي والباقي! ونااسة! انطلقت للقاعة وفي نص ساعة خلصت الإختبار وجلست اطالع الطلاب بفخر! مساكين خلصت قبلكم! محد قالكم ما تذاكرون! للأمانة الفيزيا والرياضيات هي تقريبا المادتين اللي ذاكرتهم جد الباقي اي كلام لأني ماشاءالله ذكي ونابغة مستحيل اجيب درجات خايسة..
أنت تقرأ
" تَـبَـدُّدْ "
General Fictionحِينَما تتبَددُ الغيُوم، سيّتضِحُ كُلّ شَيء! .. عاميّة - مكتملة
