..
ليلة الأحد..12:38ص
"خخخاللددد قوومم!! خخاللللددد!!!"
صحيت مصدوم من صوته! وطالعت له ولف الجوال قدام وجهي وقال
"من ذا؟؟ شوفف وش مسوي الكلبب!"
اتسعت عيني اول ما شفت البيت كذا! ونطيت بسرعة ماخذ جزمتي ولبستها وقلت
"دق عالإسعاف"
المروض الدفاع المدني بس توني صاحي! رجعت دخلت واخذت مفتاح سيارة ابراهيم وقلت
"وخلك مع ياسر"
ركضت لبرا وركبت سيارة ابراهيم المقربعة وودعست فيها لبيتي! من قوة الخرشة كان ودي انزل من السيارة واروح البيت ركض! مدري ليه كنت مقتنع اني اسرع من هالسيارة! كانت قيادتي متهورة بس مستحيل اصدم! صار لي ثمان سنوات اسوق! ولأول مرة يبتسم لي الحظ وكان طريقي كله اشارات خضرا! لأن اصلا حتى لو حمرا بمشي والقم مخالفة، وصلت الحي وعلى اللفة اتسعت عيني لما شفت النار بكل مكان! وقفت السيارة وانا مصدوم! سمعت الدفاع المدني وراي وحمدت ربي 100 مرة انهم ما تأخروا كثير! بدأوا يطفون النار وانا قاعد بس انتظرهم يخلصون واتحرك يمين وشمال ولا اثبت ابدا!
بعد فترة طفوا النار وكانوا سريعين! طفيت النار بأقل من عشر دقايق والناس تجمهروا حوال البيت، وقال واحد من الإطفائيين
"هذا بيت مين؟"
ردوا الناس عليه
"خالد عبدالعزيز"
تقدمت انا عنده وقال لي مبتسم
"الحمدلله ما تضرر الا حوشك والغرفة اللي بالشمال وشوي من الصالة"
ابتسمت برضا! الحمدلله! بعدوا الناس بعد ما هدأ الوضع واخذوا مني معلومات عن كيف انحرق وليش! وشافوا البيت بأسم من وكان بأسم ابوي وشافوا بطاقتي وسوالف كثير بس بالنهاية لاحظت على الشرطة انهم بمجرد ما شافوا اسمي اتسعت عيونهم وسمعتهم يتهامسون
"هذا مو اللي ماسك سعد قضيته؟"
"قريبه؟"
"ايه!"
قضيتي؟؟ عقدت حواحبي مصدوم! قضية ايش بسم الله! طالعت لهم وكان ودي اسأل بس اخاف يزل لساني بشي! ابتعدت عنهم عشان ما يشوفون شكلي! بس للأسف جا عندي واحد منهم وقال
"انت هو خالد؟"
لو كذبت بجيب مشكلة اكبر لنفسي!
"ايه انا"
قال وهو يطلع دفتر صغير وقلم
"ليش هالحريق تعرف؟"
رديت بكذب!
"يمكن لأني نسيت الشموع شغالة بمجلس الرجال"
اعرف ان هالكذب يتعبني اكثر! بس انا مو عارف مين اللي سوا كذا ولو كان فهد ولا ادريس وبلغت عليه انا بسبب مشكلة اكبر لنفسي! احسن لي اظل ساكت، بس انصدمت يوم قفل الدفتر وسحب يدي وفتح باب الشرطة وجلسني قدامه وقال وهو متكي بيده على باب السيارة
أنت تقرأ
" تَـبَـدُّدْ "
General Fictionحِينَما تتبَددُ الغيُوم، سيّتضِحُ كُلّ شَيء! .. عاميّة - مكتملة
