" تَـبَـدُّدْ "

24

صبح الجمعة..9:23ص

"ولا قصرر معيي مرررة! وهالمرة غلط غللطة ولكنيي عجزتت اغفرر!"

نفسيتي بخشمي، العيال جابوا اكل من برا ودخلوا البيت مداهمة وفرشوا السفرة يقولون اشقتنا لبيتك! صحوني من نومي سبعة ماشاءالله وغسلوا وجهي وانا حتى ما امداني استوعب شقاعدين يسوون، وهم ولا همهم ويغنون وانا نعسان! لكن حلم امس يغير كثير! ان شاء الله يكون تفسيره أن درحمان في الجنة لأن المكان اخضر وكان مرتاح؟

او انه دليل على ان ايامي الجاية حلوة؟ مادري يمكن ما يكون له تفسير لأني قبلها فكرت بدرحمان ويمكن عقلي صوره لي! محد وقف معي بوقت موت درحمان الا احمد ودايم يلازمني عشان انساه وكنت انام عنده بعض الأحيان ودائما يملي وقتي باللعب عشان ما افكر! ما انسى هالفضل له، مادري وش تفسير حلمي لكنه عاجبني!

ابو سن وسالم ومنصور وعبيد والباقي كلهم يغنون ويصفقون الا احمد ويامن بعدهم ياكلون

"يا عيب الشوم عليكم! شوي نقوم نصلي الجمعة وانتوا تغنون؟ تف عليكم يا خسارة التربية بس"

قالها احمد، قال راكان

"وضروري يامن يجي يصلي معنا!"

سكت يامن ما تكلم والواضح مصدع، ضحكت يوم تذكرت ضربي امس له! حتى ما امداه يستوعب الضرب اغمى عليه! بس يامن ياخي له سوابق قد ودخل واحد العناية المركزة بأمريكا لأنه كان سكران وطلع من السجن بفلوسه يعني ما انلام، كلهم كانوا جالسين عالأرض حول السفرة وانا وراهم منبطح على الكنبة، شوي وقام يامن وجلس على ظهري

"يامن بالله دلك ظهري"

ضرب بين اكتافي وقعد يغمز وقال

"خالد امس وش سويت فيني راسي للحين يعورني!"

ضحكت وقلت

"ما سويت شي!"

قام من فوقي، الحمدلله! وربي ثقيل! شوي ونط فوقي وظهري اعلنها وانكسر وطق! طالعوا العيال كلهم منصدمين ويامن قام بسرعة وطالع مخروش، انا اخفيت وجهي عشان ما اضحك لأنه ما عورني بس بسوي ان ظهري انكسر صدق! ما تكلمت بالبداية وكلهم قاموا الا راكان باقي ياكل ويطالع لي، يمثلني ذا اهم شي بطني..بس دقيقة؟

انا خالد مفروض يخاف علي!

سمعت شهقة يامن وطالعت انه ابو سن ضربه بالدلة على راسه وانكسرت! فيها شاهي حار جابه احمد ومادري من الرايق اللي بيشرب شاهي بالصبح، قمت وانا مصدوم من ابو سن اللي طالع لي وقال

"صاحي! احسب اغمى عليك!"

صحيح ان يامن انصفق لكني ضحكت بقوة! وطالعت ليامن اللي يصارخ وينط فوق الكنب والطاولات

"خخالددد وينن الحمامم؟؟ حمماام!'

اشرت له على المطبخ وانا اضحك وركض يامن للمطبخ وفتحه والعيال يضحكون! احمد قال وبعص كل شي