『Loving My Best Friend』

လူဆိုးလေးရဲ့ချစ်ခြင်း(extra)

'မာမီ မာမီ'

မိုးလင်းမျက်လုံး၂လုံးဖွင့်တည်းကရှင်းဘုန်းပိုင်တစ်ယောက် အမေဖြစ်သူနားမှာတဝဲလည်လည်
မီးဖိုချောင်ထဲမှာလည်းတဝဲလည်လည်
အဝတ်လျှော်စက်နားမှာလည်းတဝဲလည်လည်
အိမ်သန့်ရှင်းရေးလုပ်နေတဲ့နားမှာလည်းတဝဲလည်လည်

မင်းနားမှာလိပ်ပြာတွေဝဲတာထက်
ဒီပိုးတုံးလုံးအသေးစားလေးက ပိုအခြေအနေဆိုးတယ်

'ကဲ သားသားရေ မာမီ အလုပ်ရှုပ်နေတယ် သွား အိမ်ပေါ်မှာသွားဆော့ ဘာလဲ ဗိုက်ဆာလို့လား'

'ဟုတ်ဘူး ဟုတ်ဘူး'
ခေါင်းကိုဘယ်ညာခါပြတော့ ပါးအစ်အစ်ကြီး၂ခုဟာလည်း သူ့ထက်ငါအပြိုင်ဟိုယိမ်းဒီယိမ်း

'မာမီ မာမီ'

'အင်း'

ရှင်းမေမေဟာလှည့်မကြည့်နိုင်သေး တံမြက်စည်းတစ်ချောင်းနဲ့အမှိုက်လှည်းလို့ကောင်းတုန်း

ကိစ္စမရှိပါဘူး မျောက်လောင်းလေးက သူ့အမေမျက်စိရှေ့ကိုယ်တိုင်အရောက်သွားကာ လက်ထဲကကျောပိုးအိတ်အသစ်အဝါနုနုဖပ်ဖပ်လေးကိုထိုးပြလေသည်

'သားသား ဘယ်ကနေယူလာတာတုန်း မာမီသိမ်းထားတာကို'

မာမီကလည်း သူလည်းလွယ်မှာဟုတ်ပဲနဲ့

'သားလွယ်ချင်လို့'

အဝါရောင်ကျောပိုးအိတ်လေးက သူ့ရဲ့အသစ်စက်စက်မွေးနေ့လက်ဆောင်လေး
ကျောပိုးအိတ်တစ်ပြင်လုံးမှာ အရုပ်လေးတွေအသီးပုံstickerလေးတွေအများကြီးနဲ့ အို သိပ်သိပ်လှ သိပ်သိပ်သဘောကျ

'ဪ သားသားကလည်း မာမီကသားငယ်သေးလို့ ပေးမလွယ်သေးတာလေ'

မျောက်လောင်းလေးကိုသာဒီကျောပိုးအိတ်လေးတစ်ရက်ပေးလွယ်မိရင် ကျောင်းကပြန်လာတဲ့အခါ အရုပ်လေးတွေအိမ်ပြန်လာခွင့်မဲ့သွားမယ်ဆိုတာ ရှင်းမေမေကသိနေသည်လေ သူ့သားငယ်အကြောင်း

'ဟင့်အင်း ရဘူး လုပ်ပါနော် သားသားလွယ်ချင်လို့ပါ နော် မာမီနော် နော် please'
Eng summer schoolတက်ထားတဲ့ငရှင်းလေးက ဘိုလိုလေးထည့်မှုတ်ဖို့လည်းမေ့မနေခဲ့ဘူး

'Mommy please!I want it...please'
ပလိစ် ပလိစ်နဲ့ ငှက်ပေါက်လေးလိုတကျိကျိလုပ်နေတဲ့အခါ ရှင်းမေမေဟာလက်မြှောက်အရှုံးပေးလိုက်ရတော့သည်