وصلنا لحد لما البنات كانوا بيتناقشوا ما بينهم وما بين بعض على الى عملته رانيا
ريم: طيب ليه يا رانيا انتى متاكدة ان خالد لما يترفز عليه يبقى مهتم و كده
رانيا: بصى يا ريمو لان النرفزة دليل الغيرة
ريم: مش شرط يعنى وممكن علشان بنت عمه
رانيا: طيب قوليلها انت يا سالى ليه
سالى: اولا الكلام ما بينك و ما بين امجد كان عادى يعنى مجرد دردشة عادية و مجاملات فى اطار اقل من المسموح كمان فلو كانت حاجة تضايق كان اول واحد المفروض انه هيتعصب عليك هو مروان لانه اخوكى و تخصيه اكتر حتى من خالد و طبعا احنا عارفين مروان فى الحاجات دى وطالما انه متنرفزش ولا حاجة يبقى كان عادى يبقى الباشمهندس بقى يتنرفز ليييييه؟!!!!!!!!
ريم: اه صحيح ليه!!!!!!!!!!!!!!!!!!!!!!!!!!!!!!!!!!!!
وفجاة تليفون رن
بس تعالوا نشوف الاول ايه الى حصل لكل واحد بعد العزومة
عند مروان
مروان: السلام عليكم
احمد:وعليكم السلام ايه يا عم اتاخرت ليه؟
مروان: معلهش الوقت اخدنى حد سأل عليه؟
احمد : لا ابدا ها ناوى على ايه
مروان: فكرت فى حاجات كتيرة بس اهمها اننا لازم نتواجد فى الجامعة
لان لالاسف التوزيع بيتم هناك صحيح الموزعين دول هيبقوا عيال بس واحد يجر واحد
وقعدوا يتفقوا على نظام الشغل ما بينهم
عند امجد بقى
امجد "" قد ايه حلوة و جميلة وكلامها بجد يسحر فيها سحر غريب نسيت نفسى معاها وكمان هخرج تانى معاه و نروح رحلة ههههههههه حاسس انى عيل صغير و خارج مع صحبتى و حبيبتى لما نشوف يا سالى هتعملى فيه ايه تانى ""
عند خالد
خالد بقى حكياته حكاية اول لما سابها و اتحجج بالشغل اتصل ولغى كل مواعيده و فضل يلف بالعربيه وهو بيفكر فى الى بيحصله لحد لما تعب وركن العربية و رجع راسه لوره و سرح بخياله انا ليه كنت متضايق كده كان منظرى هيبقى ايه لو اتهورت و عملت الى كان نفسى فيه معقول يا ريم طيب ليه مش من زمان قلبى واجعنى قوى يا ترى مخبيه ايه وليه انا هفضل اكلم نفسى كتير كده اكيد هتجنن و تبقى انتى السبب و ضحك بجد ممن قلبه لكنه متضايق و مخنوق وحاسس ان الدنيا قد ايه ضيقة عليه وهنا مسك تليفونه و اتصل ب
ريم: ده تليفونى ده خالد!!!!!!!!!
سالى: طيب ردى بسرعه
ريم: الو ايوة يا خالد
خالد: ايوة يا ريم ازيك
ريم: الحمد لله فيه حاجة ما انا لسه سيباك
