الذكرى احساس بيمدك يااما بالقوة على الحياة بحاجة تفتكرها يااما بيقتل فيك الف مرة ويحسسك بالموت
وقف مروان يشوف الساعه الى كانت جيبهاله سالى عادته كل يوم انه يلبسها مقدرش يلبسها وفى الاخر لبسها لكنه بقدر مقدرش تفضل فى ايديه حاول مرة واتنين وثلاثة يشيلها مقدرش اخد نفس طويل وفى الاخر شالها وحطها على الكمود اتدور وراح ناحية الباب واول مافتحه التفت وراه حاس انه سايب سالى لوحدها بص على الساعه ورجع ليها بايدين بتترعش غمض عيونه الى بدات تدمع ومسك الساعه
"" هتفضلى ديما فرحى واحزانى يا سالى بس خلاص مابقاش حقى انى ابقى معاكى مش قادر يا حبيبت عمرى لازم ابعد ولازم انسى هكمل حياتى لازم تكمل لو مش علشانى علشان الى بيحبونى هتوحشينى يا حب عمرى كله""
باس الساعه وحطها فى الدرج و قفل عليها وخرج وهو حاسس انه ساب قلبه خلاص وراه
نزل تحت لاقى الكل صاحى وبيفطروا
مروان: صباح الخير
الكل : صباح النور يا مارو
مروان : ايه ده هو انا اتاخرت فى النوم قوى ولا ايه
ليلى: انا قلت مش هتصى قبل العصر
نبيل: انت رجعت امتى
مروان: قبل الفجر على طول ..... ريم انتى رجعتى امتى
ريم : يعنى على الساعه 12.3 خالد جه اخدنى انا ورانيا
مروان حب بيسئل عن سالى عينيه فيها الف سؤال لكنه سكت وكمل فطار عادى
خالد شاف نظراته وحب يوفر عليه الكلام: وطنط سمية عاملة ايه دلوقتى يا ريم
ريم: الحمد لله فاقت بالليل امبارح بس مقعدناش معاها كتير علشان الدكتور قال لازم ترتاح
ليلى: الحمدلله ربنا يكمل شيفاها على خير
نبيل: انت مرحتش ليهم تانى يا مروان ؟؟
مروان بيشرب من فنجان الشاى بتاعه : لا كان عندى مهمة بالليل وهنشغل كمان فى التحقيقات الايام الى جاية
ريم بصت له لاول مرة تبقى بالا مبالاة دى يا مارو:ربنا يوفقك يا مارو وجهت كلامها لباباها وعينيها على مروان ...باباى انا هروح المتسشفى لسالى كمان شوية بعد اذنك
نبيل: ماشى يا ريم هى لسه تعبانه قوى كده
كلمة تعبانه نزلت عليه زى ما تكون سكينة باردة بتقطع فيه
ريم ولسه عينيها على مروان: لا الحمد لله احسن بس هى قلقانه على مامتها
ليلى: ربنا يكمل شفاهم على خير يارب انا بحب الناس دى بجد وسالى تستاهل كل خير كان نفسى بس ومكملتش لان نبيل بص لها قوى
مروان : انا هقوم بقى عندى شغل كتير عايزين حاجة
