تانى يوم بعد الخطوبة قبل ما مروان يسافر تانى شريف راح البيت عند رانيا وطلبها من عمر ومصطفى و مروان مع محاولات كتيرة انهم يقولوا لباباها لكن رانيا اصرت بانه مستحيل انها تحضره
عمر: حبيبتى عيب علشان حتى لو شريف هيجيب اهله
رانيا: عمر شريف فاهم كل حاجة وانا مش مخبية عليه اى حاجة وطبت منه يفهم اهله وهو معترضتش
عمر:رانيا شريف ممكن يقدر لكن اهله ازاى
رانيا: خلاص يا عمر مش عايزة اتخطب و هكلم شريف اقوله ما يجيش ارتحت كده
عمر حس بزعل رانيا وجرحها: انا عارف انك موجوعه قوى بس حبيبتى مش عايز حد يتكلم كلمه عليكى
رانيا: تفتكر لما تكلمه وتقوله تعالى هيجى
عمر: انتى بتقولى ايه اكيد طبعا
رانيا: بتحلم عموما كلمه يا عمر وشوف
عمر خرج من الاوضة وكلم باباها على التليفون عمر كان فرحان قوى ان رانيا هتتخطب خصوصا من واحد زى شريف
عمر: الو ايوة يا بابا
الاب: اهلا يا عمر خير فيه حاجة
عمر اتكبس جامد :هو انا لازم اكلمك علشان فيه حاجة
الاب:عمر لو سمحت انا مش فاضى قولى عايز ايه
عمر:عموما حبيت اقولك ان فيه عريس جاى النهاردة يتقدم لرانيا
الاب:بجد طيب الف مبروك
عمر: الف مبروك ايه يا بابا انت مش هتيجى تشوفه
الاب: يا عمر قلتلك مش فاضى بص لو انسان كويس ورانيا موافقة انا معنديش مانع هبقى اكلمك تانى
عمر: تكلم مين يا بابا حرام كده بنتك الوحيدة جايلها عريس وانت لازم تكون موجود انا كان لازم اوافق رانيا لما قالتى مااكلمكش بس افتكرت انك ممكن تفرح لفرحتنا على العموم عمو مصطفى ومروان هيقوموا بالواجب الى هو اصلا فرض عليك متشكرين ليك قوى مع السلامة
عمر قفل التليفون وعينيه اتجمع فيها الدموع مش قادر يمسكها رانيا كانت واقفة على الباب وسامعه الكلام عمر اتدور لاقاها فى وشه راحت جرت عليه واخدته فى حضنها
رانيا: اهدى يا حبيبى انت عندى بالدنيا كلها
عمر:الله يرحمك يا امى رانيا انا هعملك كل الى انتى عيزاه وربنا يقدرنى واقف جنبك
رانيا: الحمد لله اننا مش هنحتاجه فى الجهاز كمان ماما سترتنا وهى عايشة ومتوفية ربنا يرحمها يارب
عمر:طيب فيه عروسة تعيط بالمنظر ده ايه عايزة شريف يقول لا مش عايزاها لا لا انا عايز اخلص منك معلش بقى
رانيا بتضحك:يقول لا فى عينيك
عمر: ههه شفتى بقى يلا حبيبتى شوفى وراكى ايه وهنزل اجيب شوية حاجات من تحت
تم اليوم على خير و تمت قراية فاتحة شريف ورانيا وكان الكل مبسوط و فرحان وطبعا اصحابها شاركوها اليوم
مر يومين بعد الخطوبة والحياة كانت عادية مفيهاش احداث وبدا ابطالنا ينتظموا تانى فى الكلية بس كان فاتهم كتير من الاسبوع الى كان فيه الخطوبة
فى الكلية
رانيا: لا انا مش فاهمة البتاعه دى بقى شريف بص كده احنا كده كل الى جاى هيبقى مترتب عليه لازم تشرحهم لنا الاول
ريم: اه بالله عليك يا شريف
شريف:خلاص ايه رائيكم نروح النادى النهاردة و اشرحلكم كل حاجة
فعلا اتفقوا انهم يرحوا النادى بعد المحاضرات
شريف: تعالوا هنا احسن
سالى: بص بقى بالراحة علينا وماتركزش على رانيا بس علشان خطيبتك حمواتك برده مهمين
شريف: يا ساتر يارب عليكم بصوا بقى
قعد شريف يشرحلهم واخدهم الوقت جامد واتغدوا فى النادى
