يجى صبح نهار جديد سعيد على ناس و يحمل احلام ناس تانيه بس فى النهاية عمر ما الحياة ما بتبقى كاملة ولازم نمر بحلوها و مرها ويا عالم يمكن يجى الحلو و تنتهى ايام العذاب
فى مكان خطير بتجرى فيه احداث كتيرة
محمد: الواد ده انا لازم اخد بتارى منه انت فاهم
حسن:ياابنى سيبه فى حاله كل ده علشان كبسك كبر دماغك
محمد: مش انا الى يحصلى كده انت فاهم و عارف انا ممكن اعمل ايه
حسن: ممكن اعرف انت ناوى على ايه ؟؟؟
محمد: هتعرف فى وقتها بس لازم رجليه تيجى فى الموضوع
حسن: الواد ده مش باين عليه كده حرام بلاش يا محمد كفاية الى حصل لناس تانيه
محمد:انت تنفذ الى انا بقول عليه و بس وايه حكاية الناس التانيه قصدك نفسك انت يا بابا خاتم فى صباعى ده احركه وقت ما انا عايز لازم تعرف كده
حسن: طيب هو انا قلت حاجة
"" حرام عليك يا مفترى كفاية الى حصلى لازم تضيع الناس كلها والله ما هسكت ولا هسيبك يا محمد لازم ربنا ينصرنى عليك و اخد بتار كل الى انت دمرتهم بس ازاى؟؟؟""
صحيت ريم على صوت الموبيل
ريم وهى اصلا مش شايفة مين الى بيتصل:الو
خالد: صباح النور على حبيبى الكسلان
ريم اتعدلت بسرعه فى قعدتها : خالد صباح النور ازيك انت فين
خالد: انا فى الشركة يا حبيبتى من زمان
ريم" اه على حبيبتى دى "
خالد: ريم انتى معايا
ريم: ايوة يا خالد انت نزلت بدرى قوى كده ليه هى الساعه كام
خالد: بدرى من عمرك انا نزلت فى معادى الساعه حاليا 10.30
ريم: ياااااه الوقت اتاخر قوى
خالد: معلش يا حبيبتى ولا يهمك اصلا انتى منمتيش كويس امبارح
ريم بكسوف: مش انت الى مسهرنى معاك لحد بعد الفجر
خالد باستهبال: انا كنت فى اوضتى قلت اكلمك اقولك تصبحى على خير محستش بنفسى الا بعد الفجر
ريم: اه يعنى انا الى غلطانه انى اتكلمت معاك ورديت عليك لما اتصلت
خالد: بالعكس يا قمرى ده انا مبسوط قوى طيب ايه رائيك بقى انا ناوى ان شاء الله لما نتجوز كل واحد يبقى فى اوضة ونتكلم مع بعض فى التليفون زى امبارح لما كل واحد فى اوضته و اتكلمنا فى التليفون
ريم: كويس والله حلو قوى كل يوم قبل ما ننام فى بيتنا كل واحد يرو ح على اوضته ونتكلم فى التليفون
خالد: نعم يا ماما ايه اوضته دى مافيش حاجة اسمها كده اسمها اوضتنا معنديش انا الكلام ده نعمل حركة التليفون دى كل فترة ماشى الصبح العصر غير كده لا
ريم بكسوف شديد ولخبطة: خالد
خالد:خلاص خلاص هسكت اهو المهم انتى نظامك ايه النهاردة
ريم: البنات مفروض يجولى على الساعه 11 علشان نذاكر الامتحانات قربت قوى
