سالى: خايفة يكون مروان اتضايق من موضوع امجد
مصطفى منطقش فضل ساكت مش عارف يرد يقول ايه وسالى كانت سرحانه مش واخدة بالها فى الاخر
مصطفى: ليه ؟
سالى: ها
مصطفى: بقولك ليه ؟
سالى:لان مروان اقرب الناس ليه ومكنش ينفع يتفجأ بخبر الخطوبة من صاحبه كده انا غلطانه كان لازم احكيله ولازم اتكلم معاه قبل ما يعرف من بره
مصطفى اتضايق منها بجد: يعنى كنتى هتروحى تقوليله انا بحب صاحبك و هو بيحبنى و عايزين نرتبط ببعض.
سالى: ايه يا بابا فيه ايه انت بتزعق ليه كده ليه
مصطفى: علشان الى بتقوليه يا سالى مش طبيعى ولا منطقى مروان مش متضايق بسبب كده
سالى : امال متضايق بسبب ايه
مصطفى "" استغفر الله العظيم"" : مروان انتى بالنسبة ليه حاجة كبيرة زى ما هو بالنسبة ليكى بالظبط بس خلاص انتى اتخطبتى لواحد تانى او هتتخطبيله يعنى فيه حاجات كتيرة مابقتش من حقه مش من حقه انه يتكلم معاكى كتير ولا يسئلك على كل حاجة باستمرار لازم يكون فيه حدود ما بينكم.
سالى: انا مش مقتنعه يعنى لو الحدود دى بتتحط دلوقتى يبقى احنا كنا الاول غلط ؟؟؟
مصطفى: يوم ما كان يبقى فيه غلط انا كده معرفتش اربيكى
سالى اتضايقت من نفسها: يا بابا اانا اسفة مش قصدى بس انا مش حبة الفكرة دى
مصطفى: يا سالى لازم تفهمى ان الست ليها واجبات تجاه الانسان الى مرتبطة بيه ومروان قدر ده وخف عليك من الاحراج
سالى : طيب ليه ما نبقاش عادى
مصطفى: وساعه لما تحتاجى لحد او متضايقة هتكلمى مين امجد ولا مروان؟؟
سالى: ..............................
مصطفى: سالى بطلى تفكير فى الموضوع ده لوسمحتى طالما قلبك مع امجد وخلينا نقفل الموضوع والى بيعمله مروان عين العقل
سالى: حضرتك شايف كده
مصطفى:ايوة
سالى:ماشى الى تشوفه
مصطفى :مش الى اشوفه ده الصح يا حبيبتى انا عارف انها صعب عليكى بس مفيش غير كده.
سالى بدات تعيط:حاسة انى بسيب حياتى الى فاتت يا بابا صعب قوى زى ريم ورانيا مقدرش اسيبهم بالظبط
مصطفى صعبت عليه بجد:حبيبتى دى سنة الحياة ربنا يهنيكى يا قمر بابا انتى
..........: لا مش قمر بابا بس دى قمر الدنيا كلها
ونروح مكان تانى
نهى قفلت مع هدى زميلتها فى الشغل بسرعه علشان النايمين دول ميصحوش وفجاة سمعت
