اول ما مروان دخل البنات طلعت تجرى عليه و سالى اول ما وصلت راحت واقعه فى الارض اغمى عليها
الكل اتخض مروان جرى عليها وشالها و دخلها اوضتها و فضلوا كلهم حولايها يفوقوها لحد ما فاقت
سمية: سالى حبيبتى انتى بقيتى كويسة
سالى : اه يا ماما ما تقلقيش انا بقيت احسن
رانيا و ريم بعياط : ايه الى حصلك بس
مصطفى: متعيطوش يا بنات هى بس قامت بسرعه و كانت نايمة طول النهار علشان كده داخت
سالى: اه زى ما الكبير بيقول كده بالظبط
مصطفى قلبه كان هيقف اصلا بس هو ما بيحبش انه يبين قلقه ولا يدى حاجة اكبر من حجمها ولانه عارف ان ده الى حصل فعلا فعلشان كده كان متماسك
مروان فضل ساكت و مش بيتكلم ووشه مش باين عليه اى انطباع
سالى: ازيك يا مارو مسلمتش عليك
مروان: الحمد لله انتى بجد احسن دلوقتى انا لو كنت اعرف ان ده هيحصلك بسببى مكنتش جيت اصلا
سالى: ازاى تقول كده بس لا طبعا انا كويسة انى شفتك اصلا
سمية : طيب يلا بالراحة اعدلى نفسك كده وانا هجيبلك الاكل هنا واحنا ناكل بره
سالى:لا يا ماما انا كويسة هقوم على مهلى وناكل كلنا مع بعض
رانيا: يا بنتى خليكى وتاكلى هنا
سالى: لا والله انا كويسة متقلقوش
سمية : طيب يلا يا رانيا نادى عمر زمانه جه وتعالى معايا ياريم نحضر السفرة
البنات: حاضر يا طنط
مصطفى: تعالى بقى يا حضرة الظابط نحضر دور الشطرنج بتاعنا على ما يحضروا الغدا واضح اننا هنتقل بعده انا شامم ريحة ملوخية
مروان: الله ملوخية انا هموت عليها
سمية: بعد الشرعليك يا حبيبى وفيه محشى كمان وبط
مروان: الله الله لا انا شكلى مش هعرف ارجع الشغل تانى
سمية: الف هنا وشفا يلا بينا بقى يا بنات وانتى ياسالى اعدلى نفسك لحد ما نحضر و اجى اخدك
وبعد الغدا قعد مصطفى ومروان مع كوباية الشاى المتينه وبيفكروا فى الشطرنج بتاعهم
مصطفى: شكلك بتفكر فى حاجة جامدة ده الى خلاك تجيى تلعب دور شطرنج
مروان: طول عمرك فاهمنى يا عمى بس مش هعرف اكمل الدور يادوب اشرب الشاى وانزل علشان الشغل
عمر: ايه ده انا كان نفسى اتفرج عليكم و انتم بتلعبوا مش انتم قلتوا هتعلمونى
مروان: حاضر يا عمر اكيد المرة الى جاية
ريم: المهم انا بقولكم كلكم اهو فيه رحلة لدريم بارك كلنا طالعنها
رانيا: بذمتك انتى دكتورة داخلة على امتحانات
ريم: يا بنتى الرحلة دى علشان ياسمين
سالى: ازاى يعنى علشان ياسمين يعنى هنطلع مع مدرسة ابتدائى
ريم: اصبروا هفهمكم و بدات تحكيلهم الحكاية
سمية: يا قلبى يا بنتى
عمر: انا عن نفسى طالع هديها مذاكرة ايام الاسبوع واريح الجمعة و كويس انها بقت الاسبوع الى جاى
رانيا: اذا كان كده ماشى معنديش مانع
سالى: ولا انا ما تيجوا معانا يا بابا
مصطفى:اعمل ايه اذق المرجيحة
وضحكوا كلهم على طريقة مصطفى
مروان: انا مش عارف الظروف
ريم:لا بقى حرام عليك حاول ماتخدش اجازة الاسبوع ده واتصرف مالناش فيه
وطبعا كلهم بداوا يتحايلوا عليه مروان بالنسبة ليهم اخ كبير و مسئول بيحسوا معاه بالامان وديما بيبقى الانسان الى بيلجؤا ليه فى الازمات
قام مروان وفضل رايح جاى وقالهم موافق بس بشروط
الكل : ها قول بسرعه علشانى خاطرى
مروان: مش عايز ولا حد فيكم يخرج خالص الاسبوع ده لحد الرحلة و لو الخروج مهم يبقى للكلية وبس وعلى قد وقت المحاضرة ولو مافيش محاضرات يبقى فيه مذاكرة فى البيت موافقين؟؟؟؟؟؟
الكل: حاضر موافقين
مروان: لسه اما بقى بالنسبة للمريضة دى فمش هتخرج اصلا ولا حتى المحاضرات ولا فيه جرى على البحر لحد ما تبقى كويسة و لو خرجت يبقى الموضوع لاغى
سالى: ايه ده بقى ايه الشروط الصعبه دى حرام عليك
مروان: هى دى شروطى ها تقبلى و بصلها و غمز لها بطريقة مضحكة قوى
سالى: بس انا هزهق انا عارفة نفسى
مروان: اذا كنتى بقيتى كويسة على اول الاسبوع الى جاى هاخدكم اغديكم بره وترجعوا على طول علشان المذاكرة لحد معاد الرحلة ايه رائيكم؟
البنات: طبعا موافقين يبقى بيتززاااااااااااااااااااااااااااااااااااااااااااا
وضحكوا واستاذن مروان علشان الشغل و دخل مصطفى يريح و عمر نزلت شقتهم علشان المذاكرة و دخلوا البنات علشان يذاكروا هما كمان
سالى: ها يا ريمو ما قولتيش بقى وصلتوا لا يه مع خالد
ريم: اه نسيت اقولكم بعد ما ماماى حضرت الفطار و دخلت قلنا انه عنده رائى وقال
فلاش باك
خالد: انا هقولكم على حاجة جامدة جداااااااااااااااااااااا
نبيل: قول يا باشمهندس
خالد: انا موافق اننا انا وياسمين نجى نقعد معاكم
نبيل وليلى بمنتهى السعادة : بجد طمنت قلبنا حرام عليك
ياسمين: يعنى انا مش هبقى لوحدى تانى وانت فى الشغل هيييييييه
خالد : اه يا حبيبتى ايه رائيك بقى
ياسمين: طبعا مبسوطة ونبقى بقى نقعد فى الجنينه على المرجيحة انا وريمو
خالد: ايه يا ريم مالك مش مبسوطة ولا ايه
ريم: لاطبعا ازاى يعنى هو انا اطول ياسو حبيبتى تبقى قاعده معانا على طول وراحت باست ياسمين
خالد فى عقله (( انا ليه عملت كده وليه وافقت كان مفروض اوافق زمان ليه وافقت دلوقتى اشمعنى الوقت ده انا مش فاهم نفسى ليه اتوجعت كده وعايز اثبت لنفسى ايه وياترى ده صح ولا غلط؟؟؟؟))
ريم فى عقلها(( حرام عليك انا مبقتش عارفة ازعل ولا افرح يعنى حبيبى هيبقى جبنى على طول واشوفه كل شوية وقلبى بيتقطع من بعده بجد كده كتير قوى انا مش هقدر استحمل))
ونرجع للواقع
سالى: يعنى خلاص هيقعدوا معاكوا فى الفيلا
رانيا: يالههوووووووووووى ده كده يبقى جنان رسمى لا لا الواد ده مش مريحنى
ريم: ليه بس يا رانيا
رانيا: مش عارفة فيه حاجة هو فكره فيها ايه الى خلاه يرفض زمان و هو كان محتاج حد معاه وايه الى خلاه يوافق دلوقتى لا اكيد فى حاجة وهعرفها هعرفها
سالى: سيبى كل شىء يا رانيا للزمن كل حاجة هتبان بس انتى يا ريمو لازم تتحكمى شوية فى مشاعرك و تقلليها على قد ما تقدرى لحد ما نشوف الزمن مخبى لينا ايه؟؟؟؟؟؟؟؟؟؟؟؟
ياترى الزمن مخبى ايه ؟؟؟؟؟؟؟؟؟؟؟؟؟؟؟؟؟؟
