رانيا : بص بقى انا مش عارفة اتعامل خالص و عايزة اعترفلك بحاجة هى انى يعنى
مروان: ايوة انا سامع
رانيا: يووووه بقى يا مروان اسكت علشان اعرف اجمع
مروان حط ايديه على بقه : اهو
رانيا بتتكلم بسرعه شديدة جداااا: بص بقى انا بحبك يووووه لا مش بحبك يوووووه افهم انا هقولك متبصليش كده انا عارفة انه غلط لا ماهو برده صح شوف بقى من النهاية حب و مش حب ويييووووووو بقى
مروان ابتسم: رانيا اهدى لو سمحتى خدى نفس ايوة كده رتبى افكارك واتكلمى
رانيا بتنهيدة: بصى يا مروان انا كنت بحبك
مروان: ايه ودلوقتى كرهتينى؟
رانيا: طبعا لا محدش يقدر يكرهك يا ماروبس انا جاتلى تهيئات كتيرة قوى و بجد الحكاية انت عارفها من زمان
مروان: بس انا محتاج اسمعك قولى كل الى جواكى يا رانيا
رانيا: من يوم ما بابا سابنا و انا عاملة الجامدة الى مفيش حاجة اثرت فيها شلت امى المريضة واخويا الصغير وحاربت علشانهم بس موت امى كسر ظهرى يا مروان حسيت انى لوحدى اه البنات معايا و عمرهم الصراحة ما قصروا بس الام و الاب بيبقوا غير اى حد ولقيت نفسى فجاة ام لعمر مش اخت بس المشكلة ان بابا عايش على وش الدنيا ولا فكر فينا ولا فكر احنا محتاجين له قد ايه كل الى همه سعادته و بس كاننا مش ولاده متتصورش الايام الى كنت مبنمش فيها وانا خايفة على عمر من الى بسمعه على الى بيحصل للشباب وخوفى انه يضيع وساعتها هيبقى معاه كل المبررات وتبتسم رانيا بس عمر كان قد المواقف ساعدنى كتير وكان شايل الهم معايا زاكر فى الثانوية وركز وجاب مجموع حلو ودخل تجارة بمزاجه حسيت انه كبير وان تعب امي مرحش فى الارض لكن بابا مكنش كده انا ممكن اتحمل الموت لكنه مش بيدينا وكده كده مصيرنا لي بس اب يحكم على ولاده الى ملهوش غيرهم انهم يعيشوا ايتام ام واب ده كان كتير مرت علينا ايام كتيرانت ادرى الناس بيها اوراق مش عارفة ايه وعايزين نعمل ايه وكل ده واحنا لوحدنا وفى وسط المشاكل والظروف دى كنت انت البلسم الى بيداوى جراحنا وقفت جنبا كنت مش مجرد صديق او اخ كنت اب كمان
"" رانيا عينيها بدات تدمع"" غصب عنى بدات اميل بطريقة معينه ليك كل حاجة كانت بتوصلنى ليك فى النهاية كنت بعوض الحنان الى مفتقداه فى حنانك انت ماهو مينفعش انى المفروض ادى عمر كل الحنان كام واب واخت باعتبارى الاكبر وانا مالقيش حد يبقى معايا ويقف جنبى مالقتش غيرك مرت الايام وانا بتوهم انى بحبك بس انا فعلا بحبك يا مروان و بحبك قوى بجد بس كاخويا وصاحبى وابويا كمان عمر لالاسف طلع اكبر منى فى الحتة دى و عرف يفسر مشاعره و مشاعرى ليك بس انا معرفتش انا النهاردة قررت انى اقولك كل الى جوايا علشان عارفة انك هتفهمنى و محتاجة بجد اتعامل معاك على نور يمكن اكون عملت حاجات تبين الى جوايا غلط وفيه ناس تانيه فهمتها كده بس انا والله يا مروان مكنتش فاهمة او مكنتش عايزة افهم كل الى كنت حساه انى محتاجاك وبحاول اربطك بيه بقرب واكتر رباط ممكن يربط واحدة بواحد انا حبيت النهاردة انى اعتذرلك واقولك انى اسفة بجد لو كنت فى يوم شيلتك هم مشاعرى انا متاكده انك كنت عارف انه فيه حاجة و عارفة انك كنت صابر عليه لحد ما افهم دلوقتى بس بجد الى انا مش قادرة اسامح فيه نفسى انى سبب التعب الى انت فيه دلوقتى انا بجد اسفة يا مروان
