وصل مروان باقصى سرعه و طلع على البحر وراح ناحية الصخور الدنيا كانت ضلمة قوى وتقريبا مش شايف قدامه لكنه فجاة لاقى شنطة مرمية فى الارض و مفتوحة الاحساس بالقلق زاد عنده اكتر كمل بخطوات مش ثابتة خالص لحد ما صرخ صرخة رهيبة
مروان: ساااااااااااااااااالى
لاقى سالى مرمية على الصخور مكنش شايف كويس ولا شايف هى فيها ايه كل الى قدر يعمله انه يشيلها يطلع بيها شوية للنور واول ما طلع بيبص فى وشها لاقه مليان دم ينزل بيها شوية على الارض حاول يفوقها لكن مافيش فايدة
مروان: سالى سالى يا حبيبتى ارجوكى ردى عليا فوقى بس وقوليلى انك كويسة ياربى
شالها مروان تانى وطار بيها على العربية ومنها على المستشفى واول ما دخل المستشفى كان شايلها و هو بيجرى وبيزعق على دكتور الكل كانوا قاعدين ناحية اوضة العمليات وفجأة شافته رانيا وهو بيجرى
رانيا: مروان ده مروان لاقى سالى وقامت تجرى ناحيته
ريم قامت تجرى وراه و وقعت على الارض من السرعه والخضة خالد راح عليها بسرعه وساعدها انها تقوم وكملوا لحد مروان
امجد الى شاف مروان اول ما نطقت رانيا اخد المسافة فى كام خطوة بس مع انها كانت كبيرة
الكل جرى عليه و هما ملهوفين على سالى وعايزين يطمنوا عليها ومهما حد سئل مروان مش بيرد كل الى همه الى شايلها مابين ايديه وخايف تضيع منه امجد حاول ياخدها منه مروان رفض رفض تام شافته ممرضة وطلبت منه يدخلها اوضة بسرعه وفعلا جرى بيها علي الاوضة و الممرضة رفضت ان اى حد يدخل تانى مروان فضل مع سالى لحد ما الدكتور جه وكشف عليها العلامات الى كانت على سالى بتقول انها اتعرضت لحادثة سرقة الدكتور طلب من مروان بعدها انه يخرج لانه لازم يكمل الكشف و يشوف النزيف الى فى وشها سببه ايه
خرج مروان والكل مابقاش عارف يرد ولا يسئل ولا حتى يسكت مصطفى الوحيد الى كان المقدرة على الكلام عنده معدومة تماما ومش قادر لا يبص لسالى ولايبص لباب العمليات صعب على مروان وراح له و طبطب على كتفه
مروان: الحمد لله يا عمى سالى بخير وان شاء الله هتبقى كويسة
مصطفى بدأ يفوق من صدمته زى اطمئنانه من كلام مروان مده بطاقة غريبة : هى كويسة يا ابنى متاكد
مروان مكنش متاكد من حاجة سالى لسه مش فى الدنيا ولا فاقت حتى بس اكيد عنده امل فى ربنا : اطمن هى اكيد كويسة بس الدكتور لازم يكشف عليها علشان يقدر يحدد حالتها كويس
بدأ الكل بالتتدريج يتكلموا وكان اولهم امجد
امجد بلهجةعدائية : انت جبتها من فين يا مروان؟
مروان حس بطريقته بس يمكن عزره شويه: كانت على البحر فى منطقة ال.............
امجد:وازاى احنا مشفناهاش تقريبا كلنا عدينا على المنطقة دى واكيد فيه ناس لو شافهوها كانوا بلغوا
