الحب شعور بيخرج ديما من القلب احساس مفيش انسان بيقدر يقاومه احساس جميل بمشاعر اجمل مش كل الناس بتملك الحظ فى انها تقابله فى ناس بتعيش عمرها كله بتدور عليه ومتلقيهوش و ناس بتعيش وتموت على لحظات جميلة عشتها فيه وناس عمرها كله بيضيع فى حب انسان مبيحبهمش وناس قليلة بتحب و تتحب
مروان وصل على باب الاوضة بتاعت سالى علشان يطمن عليها وهناك سمع امجد وهو بيكلم سالى فى الاول افتكرها صحيت فتح الباب بالراحة لاقى امجد ماسك ايد سالى وبيبوسها
ياه على الاحساس لما نفسك تصرخ باعلى صوت و تقول حراااااااام ولا نفسك تخبى حبيبك جوه قلبك علشان ميرحش لغيرك ولا انك تشوف حبيبك الى محبتش غيره فى عمرك ما بين ايدين حد تانى وهو بيتكلم على حبهم وعلى احلامهم طب واحلامك انت وامالك انت راحت فين ؟؟؟؟ مشاعرك الى جواك مش من حقك انك تعبر عنها ولا تقول عليها كل الى ملكك انك تتكلم ما بينك و ما بين نفسك كان اصعب اللحظات الى ممكن تمر على مروان لكن فى اللحظة دى قرر قرار وكان لازم ينفذها سالى كانت لسه فى الاغماءة و مفقتش قفل الباب تانى ومشى بعيد محدش خد باله منه قعد بعيد يلملم الى جواه محتاج حاجات كتيرة قوى علشان تتصلح بس ازاى ؟؟؟؟
خرج امجد من عند سالى وراح ناحية مصطفى يطمن على سمية الى كان ديما واقف ورا الازاز فى العناية المركزة
امجد: ها يا عمى ايه الاخبار ؟
مصطفى : لسه يا ابنى مافيش جديد عينيه ما نزلتش من على الاجهزة الكتيرة دى حاسس ان روحى متعلقة مع كل صوت بيطلع منها
امجد : حضرتك ما تقلقش كده ان شاء الله خير و الدكتور طمنا
مصطفى: يا رب انا هروح اشوف سالى
امجد: متقلقش انا لسه جاى من عندها هى نايمة لسه دلوقتى
مصطفى: لو الف واحد طمنى عليها لازم اطمن بنفسى دى بنتى معلش ماتزعلش منى
امجد: ابدا يا عمى هزعل ليه بس حضرتك ما تعرفش سالى عندى ايه
مصطفى: يمكن انا معرفش بس انا احب اعرف ولا ايه رائيك
امجد : انا عارف ان المفروض انى اجى اتكلم مع حضرتك بس الظروف الى حصلت لخبطت الدنيا ولو معندكش مانع احنا كده كده قاعدين فتسمحلى اتكلم معاك
مصطفى بيبص بعيد على مروان بيشوفه ممكن يسمعه او يشوف كلامه ولا لا : طيب اشوف سالى الاول وبعدين نتكلم
امجد: ماشى انا هستناك هنا
مشى مصطفى علشان يروح لسالى وجواه الف فكرة "" اعمل ايه بس يا ربى الولد ممكن يكون عايزها بجد و مش بيلعب بيها ده مسبناش لحظة طيب ومروان الى متنمنتش لسالى واحد غيره ازاى اكسر قلبه ولو ماوفقتش على امجد هكسر قلب سالى حبيبتى يااااه يا سالى كان لازم يعنى من وسط الدنيا كلها تحبى ده و كمان صاحب مروان يارب حلها من عندك""
لالاسف الحب مش بايدينا محدش بيقدر يتحكم فيها لا رايحة فين ولا جاية من فين
ريم: عمو خليك انت وانا هروح
