وصلت ريم البيت لاقت مفجاة مستنياها مكنتش متوقعها لاقت باباها وماماتها واقفين وخالد معاهم وشكلهم كلهم زعلانين زى ما بيكونوا بيتخناقوا
ريم: السلام عليكم مالك فيه ايه
ماماتها بصت و ما اتكلمتش وباباها يادوب رد السلام وخالد ساكت خالص
ريم: ياسمين حبيبتى اطلعى اوضتك
ياسمين: مش هنورى خالد الحاجات الى جايبنها
ريم: معلش يا حبيبتى شوية نوريهاله
ياسمين: حاضر
ريم: ممكن اعرف مالكم شكلكم فيه مشكلة
نبيل: لا مشكلة ولا حاجة مافيش حاجة يا بنتى
ليلى: لا طبعا مشكلة ازاى مش مشكلة
خالد: انا ماشى
ريم : لا استنى يا خالد مش هتمشى الا لما افهم
خالد: مش وقته ياريم ارجوكى نتكلم بعدين
ريم: لا يا خالد قلت مش هتمشى بالمنظر ده ارجوك فيه ايه؟
وهى بتتكلم لقت مروان دخل عليهم
مروان: السلام عليكم
الكل: وعليكم السلام
مروان: ايه يا جماعه واقفين لبعض زى الديوك كده ليه مالكم
ريم: قولهم يا مروان انا مش فاهمة ايه الى حصل
مروان: ايه يا جماعه قوللى انا مالكم
ليلى: يرضيك يا مروان الى خالد عايز يعمله ده
مروان: طيب اهدى بس الاول لما اعرف هو عايز يعمل ايه و اشوف يرضينى ولا لا
ليلى: عايز ياخد اختك و يعيشوا بره البيت يعنى الفيلا الطويلة العريضة دى مش مكفياهم
خالد: يا طنط انا ماقولتش مش مكفيانا بس انا عايز حياة خاصة بيا وبريم
ليلى: يعنى احنا هندخل فى حياتكم يا خالد
مروان: ماما اهدى الله يخليكى خالد ميقصدش
خالد: يا جماعه انا عايز اعمل بيت ليا اسمه بيت خالد الهوارى اربى فيه ولادى و اعيش فيه مع مراتى
نبيل: يا ابنى وليه تحرمنا من اننا نبقى عيلة مع بعض طالما فيه امكانية لكده
خالد: يا عمى اننا نبنى مستقبلنا و حياتنا مع بعض
ليلى: ما تتكلمى ساكتة ليه ولا انتم متفقين
ريم: احنا والله ماتكلمناش فى حاجة اصلا وانا مستغربة انه اتفتح
خالد بيبصلها :يعنى انتى مش موافقة
ريم: انا قلت لا موافقة ولا مش موافقة انا مستغربة اننا اصلا متنقشناش فى الموضوع اصلا
خالد:و انا بقولك اهو رائيك ايه؟
