ريم: حبيبى عامل ايه وحشتنى قوى
........: انتى اكتر يا حبى بقولك؟
ريم: خير شكلك و راك حاجة ؟
.........: ابدا انا عايز اعدى على سالى فى البيت علشان تعبانه وكنت عايز اتكلم مع عمو مصطفى بس مش هروح لوحدى قلت اخدك معايا
ريم: ايه ده وانت ايه الى عرفك انها تعبانه ؟
........: ما انا كلمتها فى التليفون وعرفت
ريم: اها عيب عليك وانا اقول انا اول واحدة عارفة طيب انا كده كده كنت رايحلها النهاردة عدى عليه نروح مع بعض
هنا خالد كان هيمشى و هو مش عارف ريم بتكلم مين بس مين الى هى واخدة راحتها معاه دى ممكن يكون واحد زميلها فى الكلية لا بس ازاى دى مش طريقة اصحاب فى الكلية دى مهما كان بنت عمى انا مقبلش كده عليها لما تقفل ليها حساب معايا
ريم : خلاص يا حبيبى بس ابقى اطلع واطمن على ياسمين الاول وابقى كلمنى و اسئل عليه مش علشان انت وسالى اصحاب اتنسى انا ده انا اختك برده فى الاول والاخر
مروان: طبعا يا حبيبتى ده انتى الحتة الجوانيه الى فى الشمال دى
ريم: ثبتنى يا مارو انت بكلامك ده المهم هتعدى عليه امتى
مروان: هكلمك تانى لو كنتى لسه ممشتيش هعدى عليكى اخدك ولو رحتى لها هتعدى عليكى هناك على حسب الشغل يلا سمليلى على خالد كتير و قوليله يبقى يعبرنى ولاد عم ايه دول بس
ريم: ماشى يا حبيبى يوصل هبلغه
وقفلت ريم السكة وادورت لخالد لاقيته غارق فى تفكيره
ريم: احم احم انت يا باشمهندس
خالد: ايوة يا ريمو بتقولى حاجة
ريم: لا ابدا الى واخد عقلك مروان بيسلم عليك وبيقولك ابقى اسئل
خالد: الله يسلمه هبقى اكلمه انا كمان شوية
ريم: مالك يا خالد فيه ايه شكلك مش طبيبعى
خالد : لا ابدا بس الواحد ساعات بيتسرع فى حاجات مش عارف كانت ممكن توديه لفين
ريم: انا مش فاهمة حاجة
خالد: مش مهم دلوقتى لما افهم انا الاول
وتنادى عليهم ليلى يلا يا ولاد الفطار جاهز تعالوا كلوا معانا و يدخلوا يلاقوا احلى فطار محطوط على السفرة
خالد: الله الله ايه الجمال ده بس
ليلى: تسلم يا حبيبى تعالى انت بس واقعد معانا واحنا نوريك كل يوم من ده حتى الاقى حد يفتح نفسى
ريم: الحق يا باباى شكلنا مضايقن ماماى قوى وبنسد النفس
ليلى: اطلعى منها انتى بس كل واحد فيكم بيروح شغله يا كليته و سايبنى لوحدى ياسمين حبيبتى تقعد معايا و خالد بينزل متاخر شوية اهو يعنى هفطر مع حد بدل ما بفطر كل يوم مع الكراسى الفاضية
نبيل: ايه يا ليلى انتى هتقلبيها درامة كده ليه
خالد: طيب ايه رائيك يا طنط انا بقى هقولك على حاجة جامدة جداااااااااااا
ليلى : ايه هى
خالد:............................
نسيبهم شوية و نرجعلهم كمان شوية
فى كليه التجارة
كلية مليانه ناس و الطلبة كتير واوقات كتير الكويس بيختلط بالوحش بس يا ترى ايه الى بيغلب فى الاخر يا ترى الكويس بيفضل كويس ولا ممكن الوحش يجى عليه
عمر: لا مش معقول اسلام صفوت هنا ايه يا بنى انا مشفتكش من زمان قوى
اسلام: عمر ازيك يا عمور عامل ايه ليك واحشة يا واد
عمر: وانت اكتر انت معانا هنا ولا فى حتى تانيه
اسلام : لا ياابنى هنا هروح فين يعنى تعالى ده انت واحشنى قوى تعالى نلك شوية
ويتكلموا كتيرو يفتكروا ايام اعداداى مع بعض لحد ما حد يجى ينادى على اسلام
اسلام: استنى يا عمر الواد ده عايز منى ايه
عمر: مين ده يا اسلام شكله مش مظبوط كده
اسلام: ده يا سيدى محمد التهامى واحد اتعرفت عليه اول ما دخلت الكلية بس ماشفتهوش من يوميها وانا مش باجى علشان الشغل زى ما كنت بقولك مش عارف ايه الى مخليه لسه فاكرنى ده بقى يا سيدى خروجات و بنات و حاجات زى ماانت عارف وانا ماليش فى النظام ده خالص ده انا شغال علشان اصرف على نفسى اجيب فلوس واصرفها على العيال والبنات والفسح كبرت دماغى
عمر: ربنا يكملك بعقلك ابعد عنه يا اسلام طب بس بس ده خلاص قرب مننا
محمد: ازيك يا سولم عامل ايه مش باين يعنى من اول الكلية الله مين ده صاحبك ده مش تعرفنا
اسلام: اه معلهش بقى الشغل وكده ده صاحبى عمر
محمد : اهلا وسهلا لا لا طالما انت صاحب اسلام يبقى لازم تبقى صاحبى على طول
عمر بيبص لمحمد ايه الواد ده صاحبه على طول ايه وعلى عرض ايه بس ده لابس بنطلون عايز 4 معاه ولا شعره الى مضفره رانيا لو شافته هتشبط و تقولى نفسها تعمل شعرها كده و لا ايه الحلق الى مركبه فى شفايفه ده هو ده نظام الموضة ولا ايه يقطع الموضه على سنينها
