النهاردة البيت زحمة قوى
رانيا: يا بنتى تعالى شوفى الى بيحصل هنا ده
سالى: ايه بقى يا راتوش
رانيا: ابنك يا اختى هارى البنت بوس عيب كده على فكرة
رانيا اتجوزت شريف وربنا رزقهم بفريدة فيها عيون امها وصدق ابوها
ريم: هههههههههههههههه حبيب قلب عمتو يا خواتى
رانيا: جوزك لو سمعك هيغير
ريم وخالد اتجوزا وجابوا مروان وياسمين وياسمين الكبيرة بقى متوليه امرهم تماما
ريم: اههههههههههههه تصورى بيغير من مروان الصغير
سالى: طبعا مش اسمه مروان زى حبيبى
رانيا: طيب شوفى بقى الحاجات علشان الحفلة
النهاردة عيد ميلاد سالى بعد 3 سنين من اعتراف مروان ليها بحبه مروان اياميها قرر انه يفرح معاها على طول ويتجوزا من غيير خطوبة لسه سالى لحد اللحظة دى و هى بتفكر كتب الكتاب و هى بيقولها خلاص بقيتى مراتى واللحظة الى اخدها من باباها واللحظة الى اتزفوا فيها واللحظة الى رقصوا اول رقصة سلو فيها والاغنيه كل حاجة وربنا رزقهم بولدين تؤام مصطفى و نبيل
نهى : ايه يا بنتى رحتى فين
سالى: بفكر فى حبيبى
نهى : طيب شوفيه فين بقى لحسن الناس هتقلق كده
نهى اتجوزت احمد قدرت تعوضه بحنانها وحبها عن ايام كتير عاشها و هو احتواها وكمل معاها طريقها مع حسن و عندهم مى الصغيرة عسل زى ماماتها
نبيل ومصطفى الكبار كل همهم فى الحياة حاليا نبيبل ومصطفى الصغيرين كل واحد متولى منهم طفل و طبعا سمية وليلى طوال النهار خناق معاهم علشان الولاد بيتهروا بوس
ليلى: يا نبيل حرام عليك الولد ظهره قلتلك شيله وانت حاطط ايديك فى ظهره
نبيبل: ماهو حفيدى انا كمان بخاف عليه والله
سمية: يا مصطفى هاتوا بقى الولد ما اكلش النهاردة حاجة خالص
مصطفى: هاتى انتى الاكل وانا اكله
سالى كانت متبابعه المواقف حواليها بمنتهى السعادة والفرحة لكن فرحتها زادت وكتير لحظت لما دخل من الباب
حبيب قلبها وعمرها حب العمر كله مروان
مروان استقال من شغله ومسك شركات باباه وبقى باسم الله ماشاء الله عليه انجح رجل اعمال بس بالعمل و الشرف مدورش على اساليب مش كويسة
مروان: ست البنات وحشتنى
سالى: حبيبى لسه برده ست البنات
مروان: هتفضلى لحد لما تبقى عجوزة و مكحكة ست البنات و بموت فيكى برده
عمرباصلهم فى اللحظة الرومانسية دى : انا تعبان وجعان متشفولنا حاجة ناكلها
