فى الطريق كانت بتفكر هتعمل ايه وياترى هيقبل الى عملته ده ولالا بجد محتاجة تعرف لكن اكيد فاضل نص ساعه وتشوفه ياااه مش مصدقة انها من ساعتين بس سابت ريم ورانيا فى المستشفى مبهورين بيها وهى بتقولهم انها هتسافر ليه دلوقتى
وصلت بورسعيد وكان من السهل طبعا تعرف مكانه دخلت المديرية وطلبت انها تشوفه بس مرضوش انها تقابله واكدوا ليها انه بره المديريه
وقف مستنياه فى الشارع حوالى ساعه كاملة ظهرها وجعها من الوقفة سندت على عربية وهى واقفة لاقت العربية بتاعته وقفت
وهو بينزل من العربية حس ان شاف حد يعرفه رجع براسه ورا تانى لاقها هى واقفة قدامه قلبه كان هيقف من الاحساس الى حسه
راح لها بسرعه من غير مقدامات: سالى ايه الى جابك فيه ايه
سالى كانت بتبصله قوى "" ياااااااه قد ايه وحشتنى الملامح دى وقد ايه كنت حاسة انى مفتقدها وقد ايه بحس بالامان معاها""
مروان: سالى ردى عليه فيه ايه
سالى فاقت: جيت
مروان: ايوة انا شايف انك جيتى فيه ايه
سالى: تعبت من الوقفة ممكن تقعدنى
مروان بصلها باستغراب: كمان واقفة بقالك كتير
سالى: ساعه
مروان: طيب امشى قدامى امشى
اخدها وراح بيها على كافيه على البحر
سالى: بيفكرنى ببحر اسكندرية بس لالاسف مفهوش المكان الى انا بحبه
مروان بيبصلها وساكت: ممكن اعرف جيتى ليه وقلتى لمين انك جاية
سالى حست بخوفه عليها وانتهزت الفرصة: خايف عليه
مروان ارتبك : اكيد طبعا مش زى اختى
سالى اتكبست قوى : لا انا مش اختك
مروان: نعم
سالى: وحشتنى ست البنات قوى موحشتكش
مروان بيغمض عيونه علشان ميضعفش : سالى ارجوكى
سالى: مروان ارجوك انت انا جوايا حاجات كتيرة محتاجة اقولها
مروان: لا يا سالى مبقاش ينفع تقولى حاجة
سالى: لا انت مش فاهم حاجات انا اصل
مروان بيشاورها على شفايفها علشان تسكت: انتى الى مش فاهمة انتى مجرد حد محتاج لمشاعر حد جنبه
سالى:لا والله لا
مروان: صدقينى انتى انا مش بنكر انى بتمناكى مش بنكر حاجات كتيرة بس خلاص يا سالى الوقت فات ارجوكى
سالى كل الاحباط فى الدنيا بقى فيها : مروان ادينى فرصة اثبتلك حاجات كتيرة
مروان: الوقت اثبتلى قبل كده يلا علشان تروحى
