وكملوا البنات المذاكرة لحد وقت الظهر وهنا قالت سالى
سالى: انا دماغى هتقف لا بجد رست شوية
ريم: يا بنتى هو احنا لاحقنا ده كلهم 3 ساعات
سالى: بجد دماغى واقفة قوى مش قادرة
رانيا: انتى الى دماغك مش معاكى خليها تنفعك
ريم بصت لرانيا نظرة عتاب بطريقة قوية قوى اما سالى الى كانت مصدومة منها بجد بس قالت
سالى: انا عارفة ان راتوش حبيبتى خايفة عليه بس ما تخافيش بجد انا جدعه ما انتى عارفة
رانيا:....................
سالى: المهم على راى راتوش عايزين نعمل اجتماع على مستوى القاعده
ريم: اه يا دماغى يبقى فيه مشكلة ومش هتسكتى الا لما تتحل ها ارغى
سالى بصت لرانيا الى كانت مودية وشها الناحية التانيه
سالى: رانيا انا بتكلم
رانيا: سامعة كملى
سالى بزهق وهى مش فاهمة حاجة: دلوقتى انا حاسة بحاجات مختلفة يعنى امجد كويس و طيب و بيعاملنى كويس
رانيا قاطعتها : ايه وصلت الشعر دى انتى لحقتى تعرفيه يعنى ماهو كله بيبان فى الاول كويس وبعدين كل واحد بيبان على اصله
ريم كانت مذهولة من ردود رانيا على سالى بس سكتت
سالى: ليه بس يا رانيا كده والله ما عارفة يمكن الى بتقوليه صحيح بس الى باين لى منه لحد دلوقتى كويس عموما هنشوف الايام الى جاية ايه الى هيحصل
رانيا: وانتى بقى هتفضلى تجربى ولا ايه
سالى: رانيا انا مش بتاعت تجارب وانتى اكتر واحدة عارفة انا مش بتكلم عن امجد دلوقتى انا بتكلم عن واحد تانى بحبه قوى و حاسة انه زعلان منى قوى ومش عارفة اعمل ايه علشانه لو عرف موضوع امجد مش هقدر ابص فى وشه
رانيا و ريم قلبهم توقف على الخفق لحد ما اخر كلمة اتقالت و مستنين يعرفوا مين ده خايفين تكون عرفت حاجة مش هينفع خالص دلوقتى انها تعرف
ريم: مين ده "" استر يا رب ما تعرفيش دلوقتى لازم يفوق هو الاول""
سالى: بابا يا ريم
رانيا اتنفست بصوت عالى قوى وريم"" الحمد لله""
سالى: انا عمرى ما خبيت عليه حاجة بس هجى عند الموضوع ده ومش هعرف اقوله ايه النهاردة الصبح امجد كلمنى ومعرفتش ارد عليه و لو شوفتوا نظرات بابا ليه كانت بتدبحنى ومش عارفة اقوله ايه
رانيا: اعتقد ان ده انتى الى جبتيه لنفسك ومعتقدش ان عمو مصطفى يستاهل انك تعملى فيه كده مش دى الثقة الى ادهالك ده غير ان حضرتك طالما بتخبى يبقى بتعملى حاجات غلط وانا شايفة ان امجد ده تاثيره عليكى سلبى اهو مش مركزة فى المذاكرة ولا بتفكرى فى التمرين ومخبيه على باباكى و بتنزعى الثقة منه فاضلك ايه تانى ايه ناوين تتجوزا عرفى ولا ايه
