الخطر شعور بعدم الامان بتحس ان مافيش حد فى الدنيا ممكن ينقذك من الى بتواجه الا ايمانك بربنا
الوقت حان ان حسن يقابل محمد فى المكان الى محدده فى الرسالة كان مكان فى اطراف البلد على الطريق الصحراوى حسن كان فعلا خايف يمكن مش على نفسه على اخته وماماته الى ملهمش غيره بس توكل على الله
مروان واحمد كانوا متابعين الموبيل وجهزوا فرقة وراحوا هناك وطبعا شغل البوليس اختفاء وتسجيلات
وصل حسن بالعربية لقى محمد واقف مستنى ركن عربيته ومشى بخطوات مش ثابته بيتلفت وراه كل شوية
محمد: ما تتلفتش كده انت لسه خايف يا مان
حسن: معلش اعزرنى دى اول مرة بعد كده هبقى جامد
محمد: كله صعب اول مرة بس بعد كده بتهون
حسن: هو احنا هنفضل مستنين هنا ولا هنروح فين
محمد: لا مش هنستنى هندخل الصحرا اركب معايا بسرعه يلا
ركبوا العربية ومحمد دخل جوه قوى و طفا النور واستنوا حسن ما بقاش عارف يعمل ايه ياترى متابعينى ولا مش متابعينى طلع موبيله وبص على الشبكة لاقاها ساقطة
محمد: عايز الموبيل فى حاجة مافيش شبكة هنا
حسن: لا ابدا هعوزه فى ايه ببص بس على الساعه
حسن"" كده مش هيعرفوا مكانى بالجى بى اس""
محمد:استعد الناس وصلت
حسن: ها فين دول
بعدها بيبص لاقى عربيتن جايين من بعيد مقدرش يميز اى حاجة فيهم من الظلمة العربيتين قربوا ووقفوا على مسافة مش كبيرة قوى منهم محمد نزل فى الاول وقفل الباب حسن فضل زى ما هو مكانه ميت فى جلده لحد ما محمد ادور عليه
محمد: انزل انت هتفضل عندك هناك تعالى يلا
حسن نزل بهدوء وبدا يتقدم لمحمد وصل جنبه كان فيه 4 رجالة شكلهم بجد ناس محترمة جدااا من الناس الى تشوف شكلها تعجب بيهم
حسن" يا ولاد الايه بقى الاشكال دى مخبيه وراها مصايب بالشكل ده بس فيه واحد مش غريب عليه انا حاسس انى شفته بس فين مش عارف""
شخص 1: مين ده يا تهامى انت اتجننت انك تجيب حد هنا
شخص 2: متقلقش كلمنى وقالى انه هيساعده ده بعد ما التانين مشوا لازم ليه لمساعد
محمد: يا باشا انت عارف مقدرش على الموضوع لوحدى والواد ده محتاج لفلوس و متقلقش انا ماسك عليه حاجات توديه لحبل المشنقة
اخيرا اتكلم الشخص الى بيشبه عليه حسن
شخص 3:خلاص بلاش كلام كتير لازم نمشى ووجه الكلام للشخص الرابع هات الصندوق من العربية
راح الشخص الرابع يجيب صندوق كبير بعدين حطه فى الارض
الشخص 3 لغه امر : افتحه
