العسكرى: فيه واحد عايزك بره يا فندم
مروان: قوله يدخل
مروان بذهول : مين عمر اهلا وسهلا تعالى يا عمر خير فيه ايه
عمر: انا اسف والله ان جيت من غير معاد بس كلمتك كتير تليفونك مقفول
مروان بيبص لتليفونه الى قفله من زهقه امبارح: اه تصدق يا سيدى ولا يهمك ادخل ادخل ........ احمد ده عمر اخو رانيا صاحبه ريم اختى
...... عمر ده الرائد احمد الاسيوطى صاحبى و زميلى
عمر: تشرفت يا فندم
احمد: اهلا يا عمر اقعد واقف ليه
عمر: انا بس مش عارف ابتدى من فين بس مجاش فى بالى غيرك يا مروان
مروان: خير يا عمر انت كده قلقتنى
عمر: ان شاء الله خير بص هو انا فى الكلية عندى واحد كده شكله مش مظبوط حاول يضرب معايا صحوبية بس انا مردتش المهم عرفت بعد كده عنه بلاوى و حمدت ربنا انى مصحبتهوش بس النهاردة جالى واحد ............ وفضل يكمل كلامه ويقوله على الموقف بتاع محمد و الى قاله له حسن
مروان واحمد بيبصوا لبعض باهتمام
احمد: يعنى يا عمر انت متاكد انه ديلر مش كده
عمر: بص حضرتك هو كل الكلية عارفة انه ليه فى الحاجات دى و هو الى بيجبها و يبعها كمان بس بيجيبها ازاى انا معرفش واانا اصلا مهتمتش انى اعرف حاجة زى دى
احمد بيسرح ويشوف فى عمر حد وحشه من زمااااان قوى اكيد عرفتوه هشام اخوه"" ياريتك كنت زيه يا هشام ومحدش ضحك عليك ربنا يرحمك يا حبيبى""
مروان حس بالى فى احمد : كويس يا عمر المهم قولى انت تعرف تخلى حسن ده يقابلنى
عمر: انا مش عارف والله يا مروان انا بس حاسس انه حد مش وحش قوى وكفاية انه نبهنى فمش عايز اورطه فى حاجة انا هفضل شايل جميله ده فوق راسى
احمد: برافو عليك يا عمر بس صدقنى انه يعرفنا و يحكى معانا هيبقى احسن ليه الف مرة لاننا هنعرف نحميه
مروان: مش انت بتقول ان محمد ماسك عليه حاجة
عمر: هو بيقول كده بس ايه هى انا معرفش
مروان: طيب بص انا مش عايز نزول الكلية لحد الامتحان ومتقلقش فى خلال الكام يوم دول اكيد هكون اتصرفت
عمر: انا عارف و علشان كده جيتلك انا همشى بقى بدل ما اعطلكم شكرا يا مروان ويبص لاحمد انا متشكر قوى لحضرتك
احمد بحنيه: لا يا حبيبى متقولش كده وبلاش حضرتك دى اعتبرنى زى اخوك او مروان ما انت بتقول لمروان اهو اسمه عادى
عمر الى حس انه غلط المفروض كان يهتم اكتر بلقب مروان: انا والله بس متعود عليه و هو الى مربينى علشان كده مخدتش بالى انا اسف
