سالى : انا الحقيقة مش مبسوطة خايفة و قلقانة مش مطمنة
امجد بصلها قوى:علشان الخطوبة قربت؟
سالى: لا الحكاية مش كده
امجد بدا يتعصب: طيب ممكن افهم فيه ايه بقى؟
سالى: امجد و ده الى بتكلم فيه انت هتتعصب وانا مش هعرف اتكلم
امجد حاول يهدى نفسه: خلاص يا سالى اتفضلى اتكلمى انا هادى اهو
سالى اتشجعت وقالت اقول الى عندى كله بقى: بص يا امجد انا من يوم ما عرفتك وانت خطفتنى والكلمة دى بالنسبة ليا كبيرة قوى بكل ما فيك لكن انا حاسة لا مش حاسة بس شايفة انت اتغيرت بقيت امجد تانى
امجد قاطعها: يعنى ايه بقيت امجد تانى
سالى: امجد سيبنى اكمل ارجوك انا كل الحكاية حاسة انى كنت واخدة عنك فكرة وبقيت حاجة تانيه خلاص سكتت شوية وبعدين كملت انت مش ملاحظ انك بتتسرع قوى حاليا بالنسبة لرجل اعمال يعنى كل حاجة بقت بسرعه عازنى ديما مش مع حد غيرك انا انا بجد مش عارفة اقول كل الى جوايا يا امجد انا مبعرفش اعبر عن الى جوايا الا لو حد واخده عليه قوى و انت هتبقى جوزى يعنى اقرب الناس ليا يعنى المفروض اكون بعبرلك كويس وانت فاهمنى كويس بس انا مش واخدة الفرصة معاك بجد اعرفك ولا تعرفنى زى ما انا عايزة فاهم حاجة
امجد: يعنى انتى بتحاسبينى يا سالى على حبى وانى مستعجل انى ابقى معاكى فى بيت واحد وان الحب الى جوايا غيرنى انى عايزك تبقى قريبة منى
سالى: لا طبعا مقدرش احاسبك على الحب ولا على امالك فى حياتنا كل الى بحاسبك عليه انك مستعجل على كل حاجة مش سايب لينا فرصة نفهم طباع بعض نحس بكل حاجة ما بينا و ما بين بعض عايزة ابنى الى ما بينا علشان ما فيش اى عاصفة تهده متخلنيش احس ان الحب طوق ما بينا ممكن يجى اليوم ويخنق حد فينا
امجد: انا مكنتش متخيل ان الامور وصلت معاكى لكده
سالى: انا خايفة انها توصل لكده يا امجد فبحاول اننا نحط قواعد لحياتنا ارجوك يا امجد خلينى اطير فى حياتك زى الطير فى السما وانت كمان وهتلاقينا مع بعض ديما ممكن
امجد: علشان بحبك هقولك ممكن
سالى: ربنا يخليك ليا يارب
امجد: ويخليكى ليا
سكتت سالى تانى و سرحت منه
امجد: طيب ممكن افهم بقى انتى سرحتى تانى ليه؟
سالى: بصراحة زعلانه يا امجد انى مش هسافر معاهم
امجد: معلش تتعوض ان شاء الله المهم بقى قوليلى اخر استعداتك للخطوبة ايه
سالى: هههههههههه يا ابنى دى حفلة بسيطة
امجد:انتى عارفة انه كان نفسى اعملها فى اكبر مكان فى البلد بس علشان الظروف مش مهم بقى
سالى: تعرف انه ميهمنيش ابدا فى مكان كبير ولا صغير المهم اننا نبقى مع بعض
