وقف مروان و رانيا يتكلموا وبعدين سابها مروان علشان يجيبلها عصير علشان تهدى من الكافيترياا و هناك كان فيه واحد متابعه واول ما دخل نادى على مروان
.......: لوسمحت
مروان: افندم حضرتك بتنادى عليه
.........: ايوة
مروان: خير
.........: ممكن اعرف انت مين؟
مروان: نعم اظن انت الى جاى تكلمنى يبقى تقولى انت مين
........: انا دكتور شريف عبد اللطيف البنا
مروان: اه اهلا وسهلا خير يا دكتور فيه حاجةاعملهالك
شريف: ممكن اعرف بقى انت مين و بتكلم رانيا وتهزر معاها كده ليه
مروان شاف فى طريقة اسلوب غيرة حس ان فيه حاجة وقبل ما يرد عليه كانت رانيا بتنادى على مروان بس مخدتش بالها انه واقف مع شريف
رانيا: مررروااان انا هقعد هناك على الكراسى دى
مروان شاورلها بدماغه انه فهم
شريف: انت بقى مروان
مروان: واضح انك عارفنى بس الحقيقة انا معرفكش الا انه واضح انك زميلهم فى الكلية
شريف: اه واضح انا بقى عايز افهم انت تعرفهم من فين وعلاقته بيهم ايه
مروان بيبتسم ابتسامه خلت شريف فعلا هيولع فيه : انا يا سيدى مروان نبيل الهوارى
طبعا شريف بانت عليه الصدمة ومن الاسم عرف انه اخو ريم
مروان: اكيد انت كده عارف انى اخو ريم ها بقى كنت عايزنى فى ايه؟
شريف مبقاش عارف يتكلم لانه حس بالاحراج مروان كان فاهم ان فيه حاجة وواضح على شريف انه ابن ناس
مروان: انت ابن الدكتور عبد اللطيف البنا
شريف بضيق: ايوة
مروان: طيب كويس قولى بقى فيه ايه وياريت تكون صريح
شريف بقى محرج جدااا لكن الى سمعه من كلام رانيا وريم انه مش بيحبها وبيحب سالى يعنى لو اتكلم مش هيضايق ولامينفعش يتكلم ويخلى منظر رانيا وحش
مروان: يا سيدى اتكلم والله ما هكلك ولاتحب اقولك انا
شريف: هااااا تقول ايه
مروان: انت بتحبها ولا معجب؟؟؟
شريف بدون تردد: لا بموت فيها وبعدين فاق انه قال برده حاجة ميصحش يقولها ووشه احمر جدااااا
مروان: واضح ان كلامنا هيطول بقولك تعالى نقعد واحكيلى بقى انا زى اخوها صدقنى ولو انت بجد بتحبها و عايز تدخل البيت من بابه انا هساعدك
شريف: المشكلة مابقتش كده دلوقتى
مروان: المشكلة فى ايه طيب يا سيدى
شريف: المشكلة فى ان ..... انا مش عارف اقول ولا لا بس رانيا دى حلم حياتى انا سمعت كلام دلوقتى موتنى بس فى نفس الوقت الى عرفته انه طرف واحد يعنى ممكن يكون ليا امل
مروان: انا مش فاهم حاجة ارجوك فهمنى بالراحة
شريف: انا لالاسف شفت سالى ورانيا وريم و هما بيتخانقوا مع بعض انا مكنش قصدى طبعا اتجسس عليهم بس انا استغربت الموقف لانهم اصحاب قوى ولانى بحب رانيا قوى خفت عليها بجد من منظر عياطها بس سمعت كلام كتير مافهمتش منه غير ان رانيا .... يعنى ... ب..ت..حبك وان انك يعنى ب.ت.....حب واحدة تانيه
