حسن بيمسح دموعه: ان شاء الله بس انا عايز اشوف عمر
مروان بيبتسم : بس كده دى بسيطة قوى ثوانى و اخليه يجيلك
مروان اتصل بعمر الى كان نايم ومش حاسس باى حاجة كل شوية يقفل ويتصل تانى
نهى : ممكن نايم احنا لسه بدرى سيبوه شوية وبعدين كلمه
مروان: لا ثوانى هحاول محاولة اخيرة يمكن عمر يقوم من الغيبوبة دى
حاول مروان يتصل بيه مرة تانيه بس الجرس برده بيرن وبعدين
مروان: الو ايوة يا عمر ايه يا بنى
رانيا: ههههههههه لا مش عمر ما ينفعش اخت عمر
مروان: راتوش طبعا ينفع قوى ايه يا جميل عاملة ايه
رانيا: بخير الحمد لله انت اخبارك ايه
مروان: بخير زى الفل ها قوليلى عمر لسه نايم
رانيا: عمر تقريبا نايم مع اهل الكهف مش بيصحى ده انا صحيت من اوضتى على صوت الموبيل وهو ولا هنا
مروان: هههههههههههههه لا والله
نهى واحمد كانوا بيراقبوا مروان و هو بيتكلم و ومنسجم مع رانيا
مروان: طيب يا راتوش حاولى يا ماما تصحيه بس وقوليله انى عايزه ضرورى
رانيا: طيب ثوانى كده يا مارو هحاول معاه عمر عمور حبيبى اصحى مروان عايزك وقعدت تهز فيه
عمر بصوت نايم على الاخر : ايه يا رانيا عايز انام
رانيا: يا ابنى مروان على التليفون عايزك
عمر: طيب قوليله يدخل
رانيا: عمر فوق مروان على التليفون و ادته التليفون
مروان: الو ايوة يا عمر
عمر لسه مستوعبش : ايوة مين
مروان: ياابنى فوقلى بقى انا مروان
عمر بدات يفهم ويستوعب الصوت: ايوة يا مروان هى الساعه كام
مروان: مالكش دعوة بيها دلوقتى بص حسن فى المستشفى و عايز يشوفك
عمر نط من مكانه: ايه حسن ايه الى حصل
مروان: كده اتاكدت انك صحيت بص قوم فوق وتعال على مستشفى ....... ماشى هنستناك
عمر: حاضر مسافة السكة ايه عايزه ايه طيب طيب مروان خد رانيا عايزاك لحد ما البس
مروان : ماشى هاتها
رانيا: ايوة يا مارو
مروان: ايه يا راتوش قوليلى الاول طنط سمية اخبارها ايه
رانيا: انت متصلتش بيهم
مروان: لا ما اانتى عارفة الشغل بقى بس هتصل بعمو مصطفى بس قلت يمكن نايم ولا حاجة
