كحل عرب

الحلقة 5

#كحل_عرب
(بيت بيوت )

((( بقلم زينب ماجد )))

الحلقة -5-
( في بيت سعدون )

ولعبت ابحالي الليالي
ومالگه اولاية العمر

سولة الناس الملامة
وحنه سولتنة الصبر..
لـِ عريان السيد خلف||🖤

سرحان : صلي اعلى محمد و دخلي بيتج ... بهداي اعلى كيفج

متجي هدوة ويمشونها و هي تون : يا نويسة يا يمة ، شعاملين بحالج هسه بنيتي ... اااااااخ

كواغد : جا يمه البچی والون ما يرد احد يبنيتي ارحمي روحج و ارحمي هالجاهل هاذ من ساعة الجبتي وانت ما تعاينين بوجهه .

- يمه شعاين اريد بتي ... مامش غير عمي ناصر واهل فليح هم الخذوها ولجموا كلبي بيها ... ولج يمه من يوم الجبت هالبت ما تهنيت يمه  

سرحان :هدوة هيدي و عايني علي الشرطة ملاحكة اثار الزلمة الاخذ البت وعلي باكرب وكت و يخابرون يوكلونا كضينا ، جا هسه انت بدال ما تدعين بشدتج هاي تندبين الله هلبت الله يسهل ردتها ..  تنذرين الون ما يفيدج والله يا يرويحتي .

لالة : جا بعد شتريدين هاليكلج رويحتي ، خايبة يو منج انشنش واكض ظهري و كلنا يمج شمالج .

ضحك سرحان : جا انا شعدي غيرها سباح كلبي هي

جمارة : يا يابة خايبة شوفي الغزل شوفي جا انت وجوه غزل .. دبسج .

هدية : سرحان برد كلبي عليك العباس و كلي تردلي بتي .

- وحك هو علي تردلج بس انت بهداي اعلى روحج يابويه ، جا ذيج بتج و هاذ ابن هم مكرود اخذي بحضنج .

- ما اريدنه وعلي كلبي كاش منه ، من ساعة الجبته و مامش طركاعة ما طاحت اعلى روسنا

كواغد : خايبة خافي ربج جا اخذ الاوله ويروح يجسح الاخر بمفاولج هاذ انت عليش هيج غمه يمه. 

سرحان : وليدنا هاذ وثمرة امنياتنا ذيج تضكريهن يو لالة .

- كتلك اجيبلك ٦ فروخ و سبعه تالي هاذ حالي
ونت ...

-  اها جا ربج يحط البركة بالوحيد .. اولاد يعكوب شكثرهم  ويوسف مفرد .

كواغد: بسج من هالحجي و النوح تمددي و اسكتي صكعتي روسنا صارلنا ثلث تيام رواحنا راحت بسج ... جميرة  تچي اخيتج ووصليها لقريولتها كل تستريح .

لالة : عمة جا انت وين رايحة

- اروحن لبيتي جا اطلابة بنيات ستير غادي ياهو اللهن هم عيب من بت الناس حاملتهن و هن مكعدات .

- ها وانا اظلن هنا

- ظلي

سرحان : اوصلنج يمة ؟

- لا يبعد امك جا انت هم اتعيبان انا منا اتمشى موش ابعيد .

طلعت وتلاكت ويا خنجر بالباب : ها الله يساعدج