#كحل_عرب
(الفوضى )
(((بقلم زينب ماجد )))
الحلقة_50
(خبر من تلك الغائبة)
ارد اردود
زيزاية كحط
موحش فضاها
وارد اجرد الروح
من ظنها
او سوالفها
او هواها
... وارد اجنبها الصديج
الباعها او ظنت شراها
وارد اعوف الدار
لو واحد بعد منكم لفاها
وارد اغني
او عادة الروح
اليسليها الشوك تتسله بغناها
اوه امداهه الروح ..اوه امداهه
تمشي وره اليمشون ..جانوا وراها
للشاعر الكبير ( عريان السيد خلف )
ركضوا ورايه و الرجال يصيح ( اووووكفي ، يبنية اوووووكفي ، عددددددج هنااااا )
تقربوا مني كلش لحكوني اضطريت اوكف ، وكفت وكتله : عمي و العباس اني ما مسوية شي
- اوكفي هنا لج
- والنبي محمد ما مسوية شي
- ياهو هاذ الجنتي صاعدة وياه
- ما اعرفه
- شفناج بعينه نزلتي من سيارته ، ياااااهو
- خذاني من ممدرستي هدداني اصعد وياه والقرأن ما اعرفه .
اجا الثاني يحجي بهدوة : بنتي لا تخافين نا نسويلج شي بس كولي ، هذا تعرفينه ؟
- ما اععرفه والله كم مرة يوكف يم المدرسة واليوم دفعني للسيارة صعدني وداني يم مدرسة مال ولد وما عرفت اندل وخفتت اشرد واضيعن .
- البنية جاي تجذب
- لا والقرأن ما دا اجذب ما اعرف اسمه ،عمو فدوة اهلي اذا عرفوا يكتلوني
- اذا ما حجيتي مضطرين ناخذج لاهلج ونتفاهم وياهم
- عمو والله ما اعرفه ، حتى اسمه ما اعرف والله .
- شكد عمرج انت
- ١٤
- زين منن صعدج حجه وياج شي كاالج
- ااي كالي ليش مراقبتني كتله ما مرااقبتك ، كالي ااسمج هيج واهلج هنا وظل يحجي عن تفاصيل بيتنا ، كتله طلعت المراقبني مو اني .. والله هيج كتتله عمو بس ما اعرفه .
جاي يحجون وياي ، عبر سرحان بسيارته ، وكف وكال الهم : هاااا بوية ، شعدكم وياها
- تعرف البنية ؟
اني من شفته ظليت ابججي ، رحت كضيت بيه واكله : عمي والله ما اعرفه
ظلوا يحجون السرحاان الصار ، طلعوا هم بالحرس الوطني ، كال الهم : البت بوية بت اخووي تعالو عدي تفضلوا ويصير خير .
مشوا ، واني صعدت بسيارة سرحان ، بساع حجه : كولي السالفة بدون جذب لا تخافين ما اوصلنها لاحد بس سريني واحجيلي ياهو هاذ ؟
- صار كم مرة يوكف يراقبني من بعيد واشوفه اليوم كالي لصعدي من ما رضيت سحبني ودفعني للسيارة ، اطاني تليفون هيج صغير مثل العد مروان وكالي من يرن ردي ..
أنت تقرأ
كحل عرب
Ficção Geralجيل بعد جيل .. يولد حبا جديد يواري خبث العادات و التقاليد بين نهوة و فصلية هدية و دية اولاد ضحية وشيوخ ظالمة لا تجد للإمور حلاً غير السلاح .. من العراق وعلى ارض السماوة اقدم لكم (كحل عرب )
